Pradales: "Gobernuko bazkideen arteko desadostasunak logikoak dira, bestela alderdi bera izango ginateke"
Imanol Pradales lehendakaria elkarrizketatu dute ostiral honetan Radio Vitorian, besteak beste, EAJren eta PSE-EEren arteko azkenaldiko desadostasunak hizketagai hartuta. Horri buruz esan du koalizio gobernuetan alderdi bakoitzak bere nortasuna izan ohi duela, eta horregatik sarritan behartuta daudela akordioak egitera.
Horrek, baina, "ez gaitu beldurtu behar, politikaren logikaren baitan baitoa, bestela alderdi bera izango ginateke", azaldu du.
Migrazioaren gainean asteon egin dituen adierazpenek ekarritako soka luzeaz ere jardun du hizketaldian, baina horren inguruan ez dela eztabaidan ibiliko besterik ez du esan.
"Migraziorako Euskal Itun Sozialean oinarrituko gara, gobernu programan jasotakoa betez. Ez dugu ezertxo ere aldatuko", azaldu du.
Ika-mika horren inguruan PSE-EEko idazkari nagusi Eneko Anduezarekin berba egin ote duen galdetuta, "jakina, alderdi guztiekin hitz egiten dut", esan du, elkarrizketa hormak eraisteko, erronkei aurre egiteko eta desadostasunei irtenbidea emateko modurik eraginkorrena dela iritzita, baina elkarrizketa horiek pribatuak izan behar direla erantsi du.
Ekainaren 6ko Presidenteen Biltzarraren inguruan aurreratu duenez, "eguneko gaien zerrendan egon beharreko zenbait gairi buruzko proposamena" igorriko dio Pedro Sanchez Espainiako Gobernuko presidenteari, eta onartzen badu, bileran parte hartuko du.
Aitzitik, garrantzi handiagoa eman dio Sanchezekin adostu duen aldebiko batzordeari, "egunerokoarekin zerikusia duten gaiak jorratuko ditugulako".
Garraioaren gaiari helduta, eta AHTa mintzagai, irmo erantzun du: "Behingoz trena Euskadira iritsi behar da. Estatuko azkenak izango gara, eta horrek gogoeta egitera eraman behar gaitu, AHTa proiektu oso garrantzitsua baita. Epeak azkartu behar dira, bai ala bai".
Gasteizen trenbidea lurperatzeko itundutako akordioaz argitu du azterketa egin beharrean daudela. "Pausoak eman behar dira", berretsi du.
Nafarroa eta Euskadiren arteko lotura ere izan dute ahotan. "Txosten teknikoen zain gaude, behin horrek amaituta hiru gobernuok batu ahal izateko", azaldu du. Dena den, aitortu du txostenak ez direla epe laburrean iritsiko.
Azkenik, Sidenorrek Talgo erosteko emandako urratsaren harira, ez du arriskurik ikusten. "Mugimendu zaila da, baina irtenbidea nahiko ongi bideratuta dago", horren esanetan.
Albiste gehiago politika
Sanchezek neurri "sendoak" ezarri behar dituela eta "ausardiaz" jokatu behar duela azpimarratu du EH Bilduk
Mertxe Aizpurua EH Bilduk Kongresuan duen bozeramaileak ostegun honetan Kongresuko osoko bilkurara heldu denean zehaztu duenez, Pedro Sanchez presidenteak ustelkeriaren aurkako neurri "sendoak" ezarri behar ditu, eta "ausardiaz" jokatu behar du, "EH Bilduren babesa izaten jarraitu nahi badu".
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioa dela eta: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez Nafarroako Gobernua eta ezta PSN alderdia ere ustelkeria kasuekin lotzen duen ezer.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bidean" lagunduko du.