Anduezak EAJri leporatu dio "kontsentsua apurtu" izana eta EH Bilduri "segidismorik ez egiteko" eskatu dio
Alderdi Jeltzaleak uste du aste honetan bertan akordioa erdietsiko dutela PSE-EErekin Lan Eskaintza Publikoetan eskatu behar de hizkuntza eskakizunaren inguruan. Hala ere, akordioa lortu ezean, "beharrezko urratsak" egiteko prest agertu dira jeltzaleak. PSE-EEk, ordea, ez du aurreko euskararen dekretua aldatzeko arrazoirik ikusten.
Eneko Andueza sozialisten idazkari nagusiak ez du begi onez ikusi EAJk esandakoa, eta ohartarazi "oso komenigarria izango litzatekeela gai honetan EH Bilduri segidismoa ez egitea". Sozialisten idazkari nagusiak uste du gai honetan bi alderdien adostasuna behar dela, eta ez "norbere kasa" joatea.
EH Bilduk euskarari segurtasun juridikoa emateko Enplegu Publikoaren Legearen erreforma erregistratu eta biharamunean, EAJk adierazi du kezka handia dagoela gai honen inguruan, eta asteak daramatzala adituekin eta gobernukideekin proposamen bat lantzen, enplegu publikora sartzeko prozesuetan hizkuntza eskubideak blindatzeko.
Testuinguru horretan, Jone Berriozabal Arabako EAJko presidenteak esan ditu Onda Vascan egindako elkarrizketa batean esan du datozen egunotan "azken saiakera" bat egingo dutela bere proposamena PSE-EErekin adosteko. Nolanahi ere, adierazi du, akordiorik ezean, prest daudela pauso bat aurrera emateko PSE-EE-rik gabe. Hitzok Jone Berriozabal Arabako EAJko presidenteak esan ditu Onda Vascan egindako elkarrizketa batean
Hitzok hautsak harrotu dituzte sozialisten artean. Hala, Eneko Anduezak esan du ez dutela arrazoirik ikusten aurreko legealdian sinatutako ituna eguneratzeko, eta beste behin adierazi du lan eskubideak linguistikoen aurretik jarriko dituztela.
Gobernukideak akordio baten bila ari dira erlojuaren kontra, udaletan eta aldundietan eskatutako hizkuntza-baldintzak bertan behera utzi dituzten hogeita hamar epaiei aurre egiteko. EAJk aste honetan bertan sozialistekin itun bat itxi ahal izatea espero du.
Albiste gehiago politika
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.
Ipar Euskal Herriko hamar bat herrik Palestinako bandera eskegi dute, debekuaren gainetik
Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.
Arabako Aldundiak biozientzien sektorerako pizgarri fiskalak aztertuko ditu
Proposamen hori ikus-entzunezkoen industriarako indarrean dauden pizgarri fiskalen antzekoa da, eta produkzio-kostuaren gaineko kenkariak jasotzen ditu, besteak beste.