Jacinto Polo Rios 'Malatesta' batailoi komunistako milizianoaren gorpuzkiak identifikatu dituzte Zornotzako hilerrian
Familiari identifikazioaren berri eman diote, eta Elgoibarko Duintasunaren Kolunbarioan lurperatzea nahi dute senideek, ekitaldi pribatu batean.
Zornotzan (Bizkaia) burututako beste desobiratze bat. Artxiboko irudia.
'Gerra Zibilean Desagertutako Pertsonak Bilatzeko Programaren' barruan egiten ari diren lanei esker, Zornotzako (Bizkaia) hilerrian aurkitutako beste gorpuzki batzuk identifikatu ahal izan dituzte.
Gogora Institutuak koordinatuta, astelehenean abiatu zuen Aranzadi Elkarteak bosgarren desobiratze kanpaina. Horri esker, beste 22 pertsonaren gorpuzkiak aurkitu ahal izan dituzte, baina oraindik ez dituzte lanak amaitu, eta, beraz, gehiago agertu daitezke.
Guztira, 147 dira dagoeneko hilerri horretan aurkitutakoak, 2023an hobitik ateratzeko lehen kanpaina egin zenetik, Memoriaren Institutuak ohar batean jakinarazi duenez.
Identifikatutako hondakin berriak Jacinto Polo Rios donostiarrarenak dira, 'Malatesta' batailoi komunistako miliziano izandakoa. Polo Rios, CNTko milizianoa, 1936ko abenduaren 4an hil zuten , Otxandioko frontean, 20 urte zituela.
Familiari identifikazioaren berri eman diote, eta gorpuzkiak Elgoibarko Duintasunaren Kolunbarioan lurperatzea nahi dute senideek, ekitaldi pribatu batean.
Gogora Institutuak azaldu duenez, EHUko Biomics laborategiak burutu du identifikazio prozesua. Familiak emandako lagin genetikoa eta hezur-hondakinen lagina alderatu ditu.
Orain arte identifikatutakoak honako hauek dira: Muskizeko (Bizkaia) Adolfo Cengotitabengoa Izurza; Ortuellako (Bizkaia) Jaime Iñiguez Nieva; Linaresko (Jaen) eta Aretxabaletako (Gipuzkoa) Enrique Contreras; Ortuellako (Bizkaia) Benigno Hierro Pinedo eta Donostiako Jacinto Polo Rios.
Gogora Institutuak azaldu duenez, Centoitabengoa, Iñiguez eta Hierro Euskadiko Alderdi Komunistari atxikitako 'Perezagua' batailoiko milizianoak ziren, eta egun berean hil zituzten, 1937ko apirilaren 7an, Barazarko frontean.
Enrique Contreras, EAJri atxikitako 'Sarasketa' batailoiko gudaria, egun bat lehenago hil zuten, apirilaren 6an, Diman, Barazarretik gertu.
Zure interesekoa izan daiteke
Pradales, balizko hauteskunde aurrerapenaren inguruan: "Vox agertzen denean, alarma guztiak pizten dira"
Kataluniako Generalitateko eta Galiziako Xuntako presidenteekin batera, mahainguru batean hartu du parte gaur lehendakariak, Bartzelonan. Ohartarazi du Voxek autonomien estatua desagerrarazi nahi duela,
Arrigorriagako Udalak zinegotzi baten aurkako eraso transfoboa salatu du
EH Bilduk ere salatu du erasoa, eta elkartasuna adierazi dio biktimari. Joan den larunbatean izan zen eraso transfoboa.
EAJk erantzukizun politikoak eskatu dizkio Errenteriako alkateari eta Xenpelar auzia Arartekoaren eta Fiskaltzaren esku utzi du
Alderdi jeltzaleak adingabeak babesteko legezko betebehar guztiak bete ziren argitzea eskatu du.
Pradales, balizko hauteskunde aurrerapenaren inguruan: "Vox agertzen denean, alarma guztiak pizten dira"
Imanol Pradales lehendakariak Cercle d'Economia foroak antolatu duen jardunaldi batean hartu du parte, Salvador Illa eta Alfonso Rueda Kataluniako eta Galiziako presidenteekin, hurrenez hurren, batera. Erkidegoen finantzazio ereduez ez ezik, Espainiako egoera politikoaz eta balizko hauteskunde aurrerapenaz ere hitz egin dute. Zuhurtzia eskatu du Gasteizko gobernuburuak, baina aldaketa politikoaren aukerarekin ez dela tematu behar nabarmendu du.
Feijook dio ez dabilela Moncloara iristeko "bidezidor" bila: "Ez nator mesedeak eskatzera, ezta ezer oparitzera ere"
"Egoera den bezain delikatua izanik, ezin gara hausnarketa arinekin jardun", adierazi du Feijook. Jasotako "aholku guztiak" eskertu ostean, "arduraz eta bere uste sendoen arabera" jokatzen jarraituko duela esan du.
Uxue Barkos, Belateko tunelen auziko batzordeaz: "Nafarroan lan serioa eta zorrotza egin da; Senatuko batzordeak ispilu ona zuen hor bere buruari begiratzeko"
Geroa Bairen senatariak Nafarroako Parlamentuko ikerketa batzordeak Koldo auziaren eta Belateko tunelen inguruan egindako lana goraipatu du, eta, era berean, Senatuko batzorde paraleloak egindakoa deitoratu, PPk titularrak behar zituen heinean kolpeka" funtzionatu baitu, haren ustez.
David Sanchez epaitzen ari den auzitegiak leporatzen zizkioten delituetako bat baztertu du, preskribatuta dagoelako
Bestalde, astelehen honetan, kontserbatorioetako hiru zuzendarik lekukotza eman dute, eta azaldu dutenez, Espainiako Gobernuko presidentearen anaiak "zuzen bete zituen bere eginkizunak", eta kontratazioko ustezko tratua "zurrumurruak eta korridoreetako elkarrizketak" zirela esan dute.
Villarejoren esanetan, Rajoy Barcenasen gaineko operazio "ofizial" batez baliatu zen
Komisario ohiaren arabera, Gobernuko presidente ohia bere kalterako izan zitekeen informazioa bilatzen ari zen.
Feijook zentsura mozio instrumental baten alde egiteko eskatu die EAJri eta Juntsi, “erakundeak garbitu eta hauteskundeak deitzeko”
Voxik gabeko Gobernua proposatu du buruzagi popularrak, "erakundeak garbitzeko" eta hautetsontzietara deitzeko. "Hauteskundeak deitzeko ez dugu behar Vox Gobernuan egotea", adierazi du.
Donostia ez dagoela FIFAren zerbitzura ohartarazi du Jon Insausti alkateak
Jon Insausti alkateak azaldu duenez, 2030eko Munduko Futbol Txapelketa Donostian egiten bada, bateragarria izan beharko du donostiarren eguneroko jardun normalarekin, eta adierazi du urteroko hitzorduekin ere uztargarria izan beharko duela, Donosti Cup eta Jazzaldiarekin, besteak beste.