Antxon Alonso enpresariak ez deklaratzeko duen eskubidea baliatu du Senatuko ikerketa batzordearen aurreko agerraldian
Servinabar enpresaren jabeak bere agerraldiaren hasieran iragarri du ez zuela galdera bakar bat ere erantzungo. Ondoren, saioa bertan behera uzteko eskatu dio Eloy Suarez batzordeko buruari, baina azken horrek ez du eskaria onartu.
Antxon Alonso enpresaria, gaur, Senatuko ikerketa batzordean. Argazkia: EFE
Antxon Alonso Servinabar enpresaren jabeak ez deklaratzeko duen eskubidea baliatu du, gaur, Koldo auzia ikertzeko sortutako batzordearen aurrean egin duen agerraldian. Nafarroako enpresa hori nahastu dute, hain zuzen ere, obra publikoen legez kanpoko esleipenekin lotutako ustezko ustelkeria sarean.
Lehen galderaren ondoren, adierazpen labur bat irakurri du Alonsok, eta Konstituzioaren 24. artikuluak aipatu du senatarien galderei ez erantzuteko eskubidea duela gogoratzeko.
Segidan, ikerketa batzordeko buru den Eloy Suarez PPko senatariari eskatu dio saioa bertan behera uzteko, baina azken horrek ez du eskaria onartu.
Antxon Alonso enpresariak ukatu egin du Cerdan Servinabarren bazkide zela
Pasa den uztailaren 7an, Alonsok Goreneko Leopoldo Puente epailearen aurrean ukatu egin zuen Santos Cerdan bere enpresan bazkide zela.
Haren esanetan, PSOEko Antolakuntza idazkari ohiak Servinabar enpresaren bazkide izateko dokumentua sinatu egin zuen, baina bazkidetza ez zen omen inoiz gauzatu. Hortaz, Alonso bera da aipaturiko enpresaren administratzaile bakarra.
Bestalde, Alonsok Gorenean aitortu zuen 4.500 euro eman zizkiola Fiadelso Jose Luis Abalos ministro ohiaren fundazioari, arrazoi fiskalak zirela eta, beste erakunde batzuekin egin zuen bezala, besteak beste, emakumezkoen futbol eta errugbi taldeei eta Save the Children GKEari.
Zure interesekoa izan daiteke
PPk irabazi ditu Andaluziako hauteskundeak baina gehiengo absolutua galdu du
PPk 58 eserleku zituen eta 53 eskuratu ditu oraingoan, gehiengo absolutua baino bi gutxiago. PSOEk 28 diputatu lortu ditu, aurreko hauteskundeetan lortutako 30 diputatuak baino bi gutxiago. Vox izan da hirugarren indarra, 14 eserlekurekin, eta ezkerreko Adelante Andalucia laugarren, 2 eserlekutik 8ra igarota. Por Andalucia ezkerreko koalizioak zituen 5 eserlekuei eutsi die.
Inkesten arabera, gehiengo osoa lortuko luke Juanma Morenoren PPk Andaluzian
PPk 58 eserleku zituen orain arte, eta 56-59 artean eskuratuko lituzke, bakarrik gobernatzeko beharrezkoak diren 55 eserlekuen gainetik. PSOE jaitsi egingo da, 30etik 26-29ra.
Itunpeko ikastetxeen harira sortutako krisia bideratzen saiatzeko bilera egingo dute astelehenean Nafarroako Gobernua sustengatzen duten alderdiek
Gimeno Hezkuntza kontseilariak itunpeko ikastetxeetan 14 ikasgela ixteko zuen asmoa bertan behera utzi zuten osteguneko bozketan Geroa Baik eta EH Bilduk. Abstenitu egin ziren eta UPNren lege proposamena atera zen aurrera.
Andaluziako parte hartzea % 52,14koa izan da 18:00etarako, 2022an baino 7,6 puntu handiagoa
6.812.902 andaluziar deitu dituzte Andaluziako hauteskunde autonomikoetan botoa ematera, 2022an baino 171.046 gehiago. Parlamentua 109 diputatuk osatuko dute, eta 25 alderdik eta 3 koaliziok aurkeztu dituzte hautagaiak.
Voxek salatu du Gasteizko bere egoitzari su ematen saiatu direla, harriak jaurti eta biharamunean
Azken orduetan jasandako bigarren erasoa da, Voxek salatu duenez. Larunbat goizaldean harriak jaurti zituzten Voxek Gasteizen duen egoitzako sarrerako atearen kontra.
Itxasok "zorroztasuna, umiltasuna eta memoria" eskatu dizkio EH Bilduri, etxebizitzaren inguruko proposamenen harira
Etxebizitza eta Hiri Agenda sailburuak "datu errealak" emateko eskatu dio koalizio abertzaleari, "azken hamarkadan Euskadik 15.000 etxebizitza babestu baino gehiago sustatu dituelako, eta ez 3.000, EH Bilduko zenbait buruzagik aste honetan bertan adierazi duten bezala".
Barkosek iritzi dio itunpekoen inguruko akordio politikoa izango litzatekeela "egokiena"
Zehaztu du Geroa Baik ez duela jarrera aldatu 2015etik, alegia, "gobernu plural eta aurrerakoi baten aldeko apustua" egiten jarraitzen duela, eta akordio programatikoa dela irtenbidea. "Horretan ari gara lanean, hezkuntza kalitatea hobetzeko eta euskararen alde egiteko", nabarmendu du.
Anduezak dio EH Bilduk ez duela erantzunik euskal herritarren lehentasunetarako, "marketin kanpaina asko egin arren"
Eneko Andueza PSE-EEko idazkari nagusiak esan du EH Bilduk ez duela erantzunik euskal herritarren lehentasunei eta beharrei erantzuteko, "marketin kanpaina asko egin arren". Gainera, koalizio soberanistari leporatu dio "diagnostiko eta plan asko egin arren, ezer gutxi egitea benetako herri proiektu bat falta zaielako". Anduezak baieztatu du koalizio subiranista espezialista dela arazoak konpondu beharrean areagotzen, zaborraren kudeaketarekin, atez-atekoarekin, egin zuten bezala.
Eusko Jaurlaritzak "kea saltzen" duela salatu du Sumar Mugimenduak, eta inkesta bat egingo du herritarren "kezkak jasotzeko"
Sumar Mugimenduak salatu duenez, Eusko Jaurlaritzak "dena ondo doala esaten digu, baina kea saltzen ari zaizkigu". Hori dela eta, euskal herritarren "benetako kezkak" jasotzeko inkesta ireki bat martxan jarriko dutela iragarri du.
EH Bilduk 60.000 etxebizitza mobilizatzea eta eraikitzea proposatu du hamar urtean, horietatik 30.000 berriak
Etxebizitzaren aldeko aliantza publiko-komunitario handia iradoki du, arrazoizko prezioak bermatzeko, euskal erakundeek, banku-fundazioek eta borondatezko gizarte-aurreikuspeneko erakundeek (BGAE) osatua, eta, horrela, Araban, Bizkaian eta Gipuzkoan etxebizitza publikoa sustatzeko.