Lehendakaria Frantziako Senatuan izango da ostegunean
Lehenengo aldiz izango da lehendakari bat goi-ganberan. Imanol Pradalesek Frantziako lurralde ereduari buruzko mahai-inguru batean parte hartuko du.
Imanol Pradales lehendakaria. Argazkia: EFE
Frantziako Senatuak lehenengo aldiz jasoko du lehendakari baten bisita. Imanol Pradales lehendakaria Frantziako Iraultzaren ondoren sortutako goi-ganberan izango da ostegun honetan, “Euskadiko autogobernuaren, garapen ekonomikoaren eta lurralde-kudeaketaren eredua ezagutarazteko helburuarekin”.
Bisitaren xedea da Euskadi proiektatzea "eskualdeen arteko lankidetzaren, maila anitzeko gobernantzaren eta lurralde-garapenaren arloetan”.
Era berean, Eusko Jaurlaritzak adierazi duenez, lehendakariak Euskadi Europako esparruan "eragile garrantzitsu gisa kokatu nahi du arlo horietan", eta euskal eredua proiektatu nahi du “Frantzian estatu-ereduaren inguruan egiten ari den eztabaidan eta Estaturik gabeko nazioen eta eskualdeen etorkizunari buruzko Europako eztabaidan”.
Eusko Jaurlaritzak azaldu duenez, jardunaldira eragile politiko, instituzional eta ekonomikoen ordezkaritza bat bertaratuko da; hala nola eskualdeetako presidenteak, Régions de France elkarteko arduradunak, eurodiputatuak eta enpresak.
Mahai-ingurua
Bestalde, lehendakariak parte hartuko du ‘10 urte joan dira: konfiantzarik al dago eskualdeetan?’ mahai-inguruan. Hitzorduak Frantziako lurralde-ereduaren balantzea egitea izango du ardatz, NOTRe Legeak bultzatutako lurralde-erreformaren hamargarren urteurrena dela eta. Arau horrek Frantziako “eskualde-mapa sakon berrantolatzea ekarri zuen, lurraldeak bateratzea, eskualdeei ahalmen ekonomiko handiagoa, dimentsio instituzional nabarmenagoa eta Estatuaren gobernantzan pisu politiko esanguratsuagoa emateko helburuarekin”.
Eusko Jaurlaritzak adierazi dueenez, hala ere, “legea oraindik eztabaidagai da, eta nabarmendu dute gero eta agerikoagoa dela deszentralizazioaren aldeko aldarria”. Testuinguru horretan, lehendakariaren ekarpenari garrantzi berezia eman diote, euskal eredua azalduko baitu une garrantzitsu batean.
Zure interesekoa izan daiteke
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.
Erakundeek eta alderdiek Azazetako sarraskiko biktimak omendu dituzte, hil zituztenetik 89 urte bete direnean
Batetik, Gasteizko Udalak, Arabako Foru Aldundiak eta Eusko Jaurlaritzak Isiltasunean Oihuka eskulturaren ondoan egin dute ekitaldia, eta, bestetik, ezkerreko alderdiek —EH Bildu, Podemos Euskadi, Ezker Anitza-IU, Berdeak eta Sumar Mugimendua— beste omenaldi bat antolatu dute, elkarrekin. Bi ekitaldiak Gasteizen izan dira.
Jaurlaritza AEKren ordezkariekin bilduko da, Korrikaren balorazioa egiteko
"Erakunde bati dagokiona egingo dugu: ebaluazio bilera bat egingo dugu Korrikaren arduradunekin, Gobernua parte den ekitaldi orotan egin ohi dugun bezala", azaldu du Ibone Bengoetxea lehenengo lehendakariordeak.
Jaurlaritzak 'Jauzia Gara' Euskararen Plan Estrategikoa onartu du erabileran "jauzi kualitatiboa" emateko
Ibone Bengoetxea lehen lehendakariorde eta Kultura eta Hizkuntza Politikako sailburuak azpimarratu duenez, "inoiz baino euskaldun gehiago dugu, baina erronka nagusia erabileran dago". Helburua da euskararen ezagutzan eta, bereziki, erabileran "jauzi kualitatiboa" ematea, hizkuntza eskubideak bermatzeko eta euskararen presentzia gizarteko eremu guztietan handitzeko.
Arnaldo Otegik "heriotza-mehatxuak" jaso zituela salatu du Gasteizko epaitegi batean
Mehatxuak abenduan gertatu ziren, mezu elektroniko baten bidez, baina ez zen salaketaren berri eman. EH Bilduren koordinatzaile orokorrak epaitegietan deklaratu ondoren filtratu da auzia.
Zupiriak "irmo eta erabat" gaitzetsi ditu Otegik jasandako heriotza-mehatxuak
Arnaldo Otegi EH Bilduren koordinatzaile nagusiak ertzain-etxean salatutako heriotza-mehatxuei buruz galdetuta, Bingen Zupiria Eusko Jaurlaritzako Segurtasun sailburuak deitoratu du horrelako gertaerek "elkarbizitza kolokan" jartzen dutela.
Albiste izango dira: Jaurlaritzaren Gobernu Kontseilua, Gatazka Ekialde Hurbilean eta BBK Liven XX. urteurrenaren aurkezpena
Gaurkoan Orain-en albiste izango direnen laburpena, bi hitzetan.
Espainiako Estatuko aire-espazioan sartzea galarazi diete Irango gerran parte hartzen ari diren hegazkinei
PPk "inprobisaziotzat" jo du erabakia, eta PSOEk, berriz, "neurri koherentea" dela esan du.
Aitor Esteban: "Harritu egin ninduen Korrikaren azken mezua Bilduren munduari oso lotuta dauden zazpi gaztek egin izanak"
EAJko EBBren presidenteak euskarak Administrazioan izango duen pisuaz akordio bat lortzea espero du, eta euskarari "segurtasun juridikoa" ematearen alde agertu da.