'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
EAJk 'Aberria bizi' goiburua aukeratu du igandean Aberri Eguna ospatzeko, Bilbon. Argazkia: EFE
'Aberria bizi' da EAJk Aberri Egunaren 94. edizioa ospatzeko aukeratu duen goiburua. "Nazioarteko ordena zalantzan" dagoen testuinguruan, "zentzu handiagoa hartzen du Euskadi gehiago, herri gehiago eta nazio gehiago izateak", ziurtatu du alderdiak. Testuinguru horretan, etorkizuna "eraikitzen" duen "aberri bizi" eta "fidagarri" gisa aldarrikatu dute jeltzaleek Euskadi.
Javi Ollok, EBBko Lurraldearen Antolamendu gaietarako burukideak, eta Maider Irujok, Euzko Gaztediren Aberri Kontseiluan Euskara eta Kultura gaietarako arduradunak, ostegun honetan aurkeztu dute igandean, Bilboko Plaza Barrian, Aberri Egunaren 94. edizioa ospatzeko aukeratu duten leloa.
Zehazki, 'Aberria bizi' da jeltzaleek Aberri Egunerako aukeratu duten goiburua, "aberri bizia garela eta egunero bizi dugula aldarrikatzeko", adierazi dute Ollok eta Irujok. "Egutegian gorriz borobilduta daukagun eguna da, eta egun hori bizitzeko eguna da", laburbildu dute.
Biek azpimarratu dute data nabarmena dela "garena gogoratzeko, ospatzeko eta aldarrikatzeko". "Aberri bizia gara, denboran biziraun duen hizkuntza zaharra duena. Ziurgabetasuna nagusi den egoera honetan ere, norabidea ezartzen dakien herria, bai eta bere hiritargoa gidatzen eta inguru fidagarri izaten ere", gaineratu dute.
Ildo horretatik, Donald Trump AEBko presidentetzara iritsi zenetik potentzien arteko tirabira eta lehia nabarmen areagotu egin dela azpimarratu dute.
Alderdi jeltzalearen ustez, "ezagutzen genuen nazioarteko ordena hankaz gora jarri da" eta "Mendebaldeko lidergo koordinatuarekiko konfiantza murriztu da, ziurgabetasuna areagotuz".
Era berean, "ezinbesteko zeregin" gisa jasotzen du "totalitarismoari bere forma guztietan aurre egitea, anbiguotasunik gabe".
Testuinguru horretan, EAJren ustez, "gaur egun zentzu handiagoa hartzen du Euskadi gehiago, herri gehiago eta nazio gehiago izatearen garrantziak".
EAJk ohartarazi duenez, Europar Batasuna "ez da mugatu behar estatuen klub bat izatera", baizik eta "komunitate politiko handi bat izan behar da, bere herri eta nazioetatik eraikia, bere etorkizun politikoa askatasunean eta berdintasunean erabakitzeko dagokien eskubidea errespetatuz".
Azkenik, "euskal nortasuna zaindu eta bizirik mantentzeko borondatea eta ahalegina" berretsi du, "nazio-identitate bereizia". "Euskadi bizia delako, herri bizia. Etorkizuna duen herria delako", nabarmendu dute.
Zure interesekoa izan daiteke
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.
Pradalesek euskararen ofizialtasuna Europan defendatuko du, Frantziako Senatuan euskaraz egingo duen hitzaldian
Lehenengo aldiz izango da lehendakari bat Frantziako goi-ganberan, eta agertoki sinboliko hori baliatuko du, euskararen ofialtasunaren defentsan babes instituzional zabalagoa eskatzeko.
Erakundeek eta alderdiek Azazetako sarraskiko biktimak omendu dituzte, hil zituztenetik 89 urte bete direnean
Batetik, Gasteizko Udalak, Arabako Foru Aldundiak eta Eusko Jaurlaritzak Isiltasunean Oihuka eskulturaren ondoan egin dute ekitaldia, eta, bestetik, ezkerreko alderdiek —EH Bildu, Podemos Euskadi, Ezker Anitza-IU, Berdeak eta Sumar Mugimendua— beste omenaldi bat antolatu dute, elkarrekin. Bi ekitaldiak Gasteizen izan dira.