EH Bilduk eta EAJk ere Maroko jo dute Ceutako krisiaren erantzule, eta migrazio eskumenak eskatu dituzte Euskadirako

Berriz ere hitza hartu duenean, Espainiako Gobernuko presidente Pedro Sanchezek gogor egin du oposizioko buruaren aurka, haren kritikak entzun ostean. "Zitaltzat" jo du Alberto Nuñez Feijoo, Ceutako migrazio-krisiari "etekina ateratzen" saiatzeagatik eta egoera horretaz baliatzeagatik beldurra pizteko.

Era berean, galdetu dio ea berak, Ceutako krisiaren aurrean, zer egingo lukeen, eta ia "etorkin guztiak kanporatuko lituzkeen, asilo-eskaerak bideratu ere egin gabe". "Hori legez kanpokoa da, diputatu jaun-andreak; funtzionarioak legea urratzera eta prebarikatzera behartuko lituzke", aurpegiratu dio.

Ione Belarra Podemoseko bozeramaileak Marokori egotzi dio etorkinen sarrera masiboaren erantzukizuna Ceutan, eta, ondorioz, adierazi du “Marokorekin harreman diplomatiko eta komertzialak hausteko unea dela”.

EH Bilduren hitzaldiaren ostean, EAJren txanda izan da. Maribel Vaquero bozeramaile jeltzaleak adierazi du Ceutako egoerak ondorio zuzenak izango dituela Euskadin, eta, beraz, immigrazio-politikan "alderdi aktiboa" izan behar duela: "Eskumenak nahi ditugu".

Era berean, Vaquerok Gobernuko presidenteari aurpegiratu dio aukera paregabea galdu duela Ceutan gertatutakoa argitzeko; izan ere, Kongresuko agerraldian ez da autokritikarik egon eta "autokonplazentzia" baino ez du erakutsi, haren ustez.

Mertxe Aizpurua EH Bilduko bozeramaileak gogor kritikatu du Espainiako Gobernuak Ceutako krisian egindako kudeaketa, eta "negargarritzat" jo du bai Europaren eta bai Moncloaren erantzuna. "Ez da onargarria oraindik ehunka eta ehunka pertsona hiriko kaleetan bizirauten egotea", adierazi du.

Testuinguru horretan, Aizpuruak berriro ere migrazio-eskumenak eskatu ditu Euskal Herriarentzat: "Erabakiak hartzeko eta jarduteko tresnak nahi ditugu. Ziur gaude, migrazio-arloko gaitasun eta eskumen guztiekin, euskal herritarrok askoz hobeto egin dezakegula".

Miriam Nogueras Juntseko Kongresuko bozeramailearen ustez, Ceutako krisiak agerian utzi du Pedro Sanchezezk "ez duela gaitasunik" Moncloan jarraitzeko; izan ere, haren iritziz, presidenteak edo "Maroko babesten du" edo ez da gai Gobernua eta herrialdearen "segurtasuna" gobernatzeko.

Noguerasek Sanchezi eskatu dio “baztertzeko” eta bere lekua ondorengo bati uzteko.

Gabriel Rufian ERCko Kongresuko bozeramaileak Marokori leporatu dio 80.000 pertsona bere mugara bidali izana Espainiako Gobernua "pikutara bidaltzeko", Washington, Tel Aviv eta "Espainiako polizia eta judizial arloko eskuin eta ultraeskuinaren" laguntzarekin, eta Mohamed VI.a "hiltzailetzat" jo du.

Gobernuko presidenteari Kongresuko osoko bilkuran emandako erantzunean, Rufiánek "aberriaren traidoretzat" jo ditu PP eta Vox; izan ere, Poliziak eta epaileek Ceutan gertatu zitekeenaren berri bazuten, haiek ere bazekiten, eta Gobernuari "odolgabea" izatea egotzi dio.

Sumarrek Gobernuko presidentearen kudeaketa zentsuratu du, "berandu" jokatu zuela iritzita, eta penintsulara lekualdaketarik ez egitea aurpegiratu dio; gainera, Maroko errugabetzea "ez dela sinesgarria" esan dio.

Sumar taldeko komunen bozeramaile Aina Vidalek eskuinari eta ultraeskuinari zuzendu dizkio bere kritika gehienak. “Elkartasuna Ceutarekin, diote Alderdi Popularrak eta Voxek. Bada, izan zaitezte solidarioak. Utzi nahasteari, Feijoo jauna, legez kanpoko proposamenekin, eta eskaini itzazue plazak”, adierazi du Vidalek, PPk adingabe etorkinak penintsulan hartzeari uko egin izana kritikatzeko.

Voxeko buruzagi Santiago Abascalek Kongresuko bere agerraldia hasi du Gobernuako presidente Pedro Sanchezi "traidore" deituz, "tribunara igotzeko 35 egun behar izan dituelako". Haren ustez, Marokora migratzaileak sartzea ez da soilik migrazio-inbasio bat, eraso bat baizik. Nork erasotu gintuen? Serio galdetzen dizut nork egin zuen, nor den erasotzailea, ezinezkoa baita Ceuta edo ceutarrak defendatzea nork erasotzen gaituen ez badakigu".

Sánchezen agerraldiaren ondoren, Feijook hartu du hitza. Oposizioko buruak Sanchezen dimisioa eskatu du, "ezgauza" eta gertatutakoan "konplizea" delakoan . PPko buruak adierazi du Ceutak ez zuela ohiko krisi migratzaile bat jasan, "orain bere horretan jarraitzen duen inbasio bat" baizik. 

Horrez gain, presidenteari esan dio oporretan jarraitu nahi badu hauteskundeak deitzeko: "Presidente batek ez du bere betebeharretatik ihes egiteko eskubiderik, eta are gutxiago Estatu-krisi batean".

Sanchezek azpimarratu du, nolanahi ere, Ceutako migratzaile oldea Marokok antolatu edo bideratu zuela erakusten duten frogarik bada, Espainiako Gobernuak "irmo" erantzungo duela.

Gobernuko presidenteak berretsi du ez dagoela frogarik Maroko uztaila amaieran izandako sarrera masiboaren atzean dagoela esateko. Agintariaren arabera, inolako erakunde edo nazioarteko organismok ez dio Espainiako Gobernuari froga sendorik eman Marokok pasarte hori planifikatu edo gauzatu zuela ziurtatzeko.

Pedro Sanchez Gobernuko presidenteak babestu egin du Ceutako krisian Gobernuak izandako "erantzun azkarra", eta gaineratu du: "Aginte bakarra eratu genuen, laguntza behar zen unean babesa emateko".

Sanchez presidenteak berriz adierazi du Exekutiboak ez zuela jaso uztail amaieran Ceutan izandako migratzaileen sarrera masiboaren "ez maila ezta probabilitatea ere" jakinarazteko txostenik edo ahozko oharrik.