Elkarrekin Podemosek 'beheraka' dabilen EAJ gainditzea du xede
Elkarrekin Podemos koalizioa, Podemos Euskadi, Ezker Anitza-IU eta Equo alderdiek osatzen dutena, ostiral honetan erregistratu da Eusko Legebiltzarrean, Euskadin bizi duten "goranzko" joera aprobetxatu eta irailaren 25ean egingo diren hauteskunde autonomikoak irabazteko helburuarekin, ‘beheraka’ dabilen EAJri aurre hartuta. Hala adierazi du gaur Nagua Alba Podemos Euskadiko idazkari nagusiak.
Koalizioak Elkarrekin Podemos izena hautatu du, uste baitute garrantzitsua dela EAEko hizkuntza ofizial biak, euskara eta gaztelania, presente egotea koalizioaren izenean.
Podemos Euskadiko, Ezker Anitza-IUko eta Equoko ordezkariek koalizioa aurkeztu dute Eusko Legebiltzarreko erregistroan, eta, ondoren, hedabideen aurrean azaldu dira Ganberaren kanpoaldean.
Alba "pozik" agertu da 2015eko abenduko hauteskunde orokorretan eta ekainekoetan Euskadin bozkatuena izan zen formula errepikatzeagatik. "Aurreko bi hauteskundeetan hasi genuen bideari jarraitzen diogu, hauteskunde horiek irabaztera eraman gintuena, hain zuzen ere", azpimarratu du.
Podemos Euskadiko buruak azaldu duenez, esku artean duten helburua "politika beste era batera egiteko bide horri eustea da, eta inor atzean utziko ez duen eta guztiek eskubide berak izango dituzten etorkizun bat eraikitzea Euskadirentzat".
"Errealitate desberdinak"
Estatuan Unidos Podemos koalizioak ekainean lortu zituen emaitza txarrei buruz galdetu diotenean, Naguak gogoratu du Euskadin eskuratutako emaitzek argi uzten dutela Estatuko eta Euskadiko errealitateak desberdinak direla, beraiek izan baitziren boz gehien pilatu zituen koalizioa.
Hori dela eta, eta nahiz eta aitortu duen hauteskunde orokor batzuetako emaitzak ezin direla estrapolatu autonomikoak diren beste batzuetara, nabarmendu nahi izan du zenbakiek Elkarrekin Ahal Duguk "goranzko" joera duela, eta EAJk, aldiz, "beheranzkoa".
Alba sinetsita agertu da joera horrek irailaren 25eko euskal hauteskundeak irabazi eta Eusko Jaurlaritzara iristea ahalbidetuko diola Elkarrekin Podemosi, "Euskadirentzat onena den" proiektua aplikatu ahal izateko.
Bestalde, Equoren ordezkari den Joserra Becerra ere alai agertu da azkenean ere koalizioa bateratu hori berretsi delako, "Eusko Legebiltzarrera politika ekologikoa eramateko balio izan duelakoan".
Zure interesekoa izan daiteke
Atutxa pozik euskal gizarteak "berriro EAJ aukeratu" duelako, EH Bilduren "gorakada ukatu gabe"
Buruzagi jeltzaleak ez du ia zalantzarik egin. Gasteizko Gobernuan azken legealdiotako formula errepikatzeko aukera ziurtzat jo du, horretarako PSE-EEk mahai gainean jarriko dituen baldintzak ere zorroztu egingo direla jakitun.
39 emakumek eta 36 gizonezkok osatuko dute Eusko Legebiltzar berria
Mapa politiko berria marraztu dute igandeko hauteskundeek, eta hori argi ikusiko da Gasteizko Ganberaren eserlekuen koloreetan: EAJk eta EH Bilduk 27na ordezkari izango dituzte, PSE-EEk 12, PPk 7, eta Sumarrek eta Voxek, bana.
1.795.212 herritar daude botoa ematera deituta, Eusko Legebiltzarra berritzeko
09:00etan ireki dituzte hauteslekuak, normaltasunez, eta herritarrek 20:00ak arte eman ahal izango dute botoa. Emaitzak 22:30erako aurreikusita daude.
Gaur amaituko da bizitasuna hartzen joan den hauteskunde-kanpaina
Euskadiko zazpi indar politiko nagusietatik bostek (EAJ, EH Bildu, PSE-EE, Elkarrekin Podemos eta Sumar) Bilbon itxiko dute kanpaina, eta beste biek (PP eta Vox) Gasteizen.
Igandeko hauteskundeetan parte-hartzeari buruzko datu errealak eskainiko dituzte, lehen aldiz
Orain arte, estimazioak eskaini izan dituzte. Bestalde, lehen zenbaketen emaitzak 21:00ak aldera emango dira eta, ordu t'erdi ondoren, atzerriko bozen faltan, ezagutuko da Eusko Legebiltzarraren argazki berria.
Posta bidezko botoak ia % 11 hazi dira Euskadin, 2016ko hauteskundeekin alderatuta
2020ko datuekin alderatuta, posta bidezko botoak % 54 jaitsi dira. Dena dela, hauteskunde horiek pandemia garaian egin zituzten, ezohiko baldintzetan, eta horrenbestez, baliteke batzuk eta besteak alderatzeak emaitza bitxiak ematea.
Kultura, Osakidetza, langileen soldatak eta autonomoak izan dira laugarren eguneko gai nagusiak
Kanpainaren laugarren egun honetan, hautagaiaek Hezkuntza eta Osasun sistema, autonomen egoera edota langileen soldatak izan dituzte hizpide, besteak beste.
Hauteskunde mahaian egotea egokitu zait, baina ezin dut: zein aukera ematen ditu legeak?
Nahitaezkoa da hauteskunde mahaian egotea, hala egokituz gero. Nolanahi ere, badira legeak aurreikusten dituen hainbat arrazoi, libratzeko. Mahaikide izatea egokitu eta ez joateak, ondorioak ditu.
Egutegia: Eusko Legebiltzarrerako hauteskundeetarako bidea
Datorren asteartean, otsailaren 27an, Euskal Herriko Agintaritzaren Aldizkarian argitaratuko da Eusko Legebiltzarra desegiteko eta hauteskundeak deitzeko dekretua. Hauteskunde Batzordea martxoaren 1ean eratuko da. Hauteskunde-kanpaina apirilaren 5ean hasi eta 19an amaituko da.
Santano alkatearen "eredu zaharkitu eta agortuaren alternatiba bakarra" dela aldarrikatu du EAJk Irunen
Xabier Iridoy Irungo alkategai jeltzaleak esan du bere alderdia "ilusioz eta konpromisoz" beterik dagoela, garai berri baten lidergoa hartzeko.