Juana Bengoechea eta Ramon Gomez, PPren zerrendetako nobedadeak
Gipuzkoak ekarri ditu nobedade nagusiak euskal hauteskundeak direla-eta PPk aurkeztutako hautagaien zerrendetan. Juana Bengoechea (Borja Semperren konfiantzazko emakumea) bigarrena izango da, eta Ramon Gomez (Donostiako zinegotzi ohia), hirugarrena.
PPk gaur, asteazkena, erregistratu ditu zerrendak Hauteskunde Batzordean. Aurretik ezagutzen ziren zerrendaburuak: Alfonso Alonso (Araba), Anton Damborenea (Bizkaia) eta Borja Semper (Gipuzkoa).
Hautagaitza berriak, baina, berritzea ekarri dute: 2012ko hauteskundeetan, Euskadiko PPk hamar legebiltzarkide lortu zituen (bost Araban, hiru Bizkaian eta bi Gipuzkoan) Iñaki Oyarzabal, Antonio Basagoiti eta Arantza Quiroga zerrendaburu zirela. Gaur egun, azken biek politika utzi dute, eta Oyarzabal senataria da.
PPk askotan hartu ohi den erabakia hartu du, eta, beraz, PPk lurralde historikoetan dituen presidenteak izendatu ditu zerrendaburu, Alfonso Alonso lehendakarigaia salbuespen, iaz uko egin baitzion Arabako PPko presidente izateari, Espainiako Gobernuan ministro izateko.
Kargu horretan ordezkatu zuen alderdikidea, Javier de Andres, Arabako bigarrena izango da. Lurralde historiko horretako hirugarrena Laura Garrido Arabako PPren idazkari nagusi eta egungo legebiltzarkidea izango da.
Arabako laugarren eta bosgarren postuetan Carmelo Barrio eta Maria del Carmen Lopez de Ocariz beteranoak daude. Seigarrena (aurrekoetan ez zuen ordezkaritzarik lortu) Ana Morales Batzar Nagusietako bozeramailea da.
Bizkaian, Anton Damborenea da zerrendaburua (2012an bigarrena izan zen), eta Nerea Llanos Euskadiko PPren idazkari nagusia, bigarrena. Hirugarrena, berriz, Cristina Ruiz (legebiltzarkidea da 2014tik).
Laugarren postuan, Xabier Olabarrieta Leioako zinegotzi eta EHUko irakaslea dago (aurrekoetan ez zuen eserlekurik lortu) eta bosgarrenean, Javier Ruiz Bizkaiko PPren idazkari nagusia.
Gipuzkoan, bestalde, Borja Semper da zerrendaburua; azken bi hauteskunde orokorretan ez zuen eserlekurik lortu Kongresuan.
Horrekin batera, Irungo alkatea izandakoa eta Semperren konfiantzazko pertsona bat dago: Juana Bengoechea.
Ramoz Gomez hirugarren postuan ageri da zerrendan. Gomez Donostiako Udalean aritu da hainbat urtez, iaz Alfonso Alonsoren aholkulari izateko Madrilera joan zen arte. PPk bi legebiltzarkide lortu zituen Gipuzkoatik aurrekoetan, eta, hori dela eta, eserleku hori lortzea zaila izatea espero da.
Azkenik, Gipuzkoako zerrendan laugarren David Hernandez (Gipuzkoako Alderdi Popularreko Belaunaldi Berrien presidentea) dago, eta Asuncion Guerra (Andoaingo zinegotzia), bosgarren.
ia), bosgarren.Zure interesekoa izan daiteke
Atutxa pozik euskal gizarteak "berriro EAJ aukeratu" duelako, EH Bilduren "gorakada ukatu gabe"
Buruzagi jeltzaleak ez du ia zalantzarik egin. Gasteizko Gobernuan azken legealdiotako formula errepikatzeko aukera ziurtzat jo du, horretarako PSE-EEk mahai gainean jarriko dituen baldintzak ere zorroztu egingo direla jakitun.
39 emakumek eta 36 gizonezkok osatuko dute Eusko Legebiltzar berria
Mapa politiko berria marraztu dute igandeko hauteskundeek, eta hori argi ikusiko da Gasteizko Ganberaren eserlekuen koloreetan: EAJk eta EH Bilduk 27na ordezkari izango dituzte, PSE-EEk 12, PPk 7, eta Sumarrek eta Voxek, bana.
1.795.212 herritar daude botoa ematera deituta, Eusko Legebiltzarra berritzeko
09:00etan ireki dituzte hauteslekuak, normaltasunez, eta herritarrek 20:00ak arte eman ahal izango dute botoa. Emaitzak 22:30erako aurreikusita daude.
Gaur amaituko da bizitasuna hartzen joan den hauteskunde-kanpaina
Euskadiko zazpi indar politiko nagusietatik bostek (EAJ, EH Bildu, PSE-EE, Elkarrekin Podemos eta Sumar) Bilbon itxiko dute kanpaina, eta beste biek (PP eta Vox) Gasteizen.
Igandeko hauteskundeetan parte-hartzeari buruzko datu errealak eskainiko dituzte, lehen aldiz
Orain arte, estimazioak eskaini izan dituzte. Bestalde, lehen zenbaketen emaitzak 21:00ak aldera emango dira eta, ordu t'erdi ondoren, atzerriko bozen faltan, ezagutuko da Eusko Legebiltzarraren argazki berria.
Posta bidezko botoak ia % 11 hazi dira Euskadin, 2016ko hauteskundeekin alderatuta
2020ko datuekin alderatuta, posta bidezko botoak % 54 jaitsi dira. Dena dela, hauteskunde horiek pandemia garaian egin zituzten, ezohiko baldintzetan, eta horrenbestez, baliteke batzuk eta besteak alderatzeak emaitza bitxiak ematea.
Kultura, Osakidetza, langileen soldatak eta autonomoak izan dira laugarren eguneko gai nagusiak
Kanpainaren laugarren egun honetan, hautagaiaek Hezkuntza eta Osasun sistema, autonomen egoera edota langileen soldatak izan dituzte hizpide, besteak beste.
Hauteskunde mahaian egotea egokitu zait, baina ezin dut: zein aukera ematen ditu legeak?
Nahitaezkoa da hauteskunde mahaian egotea, hala egokituz gero. Nolanahi ere, badira legeak aurreikusten dituen hainbat arrazoi, libratzeko. Mahaikide izatea egokitu eta ez joateak, ondorioak ditu.
Egutegia: Eusko Legebiltzarrerako hauteskundeetarako bidea
Datorren asteartean, otsailaren 27an, Euskal Herriko Agintaritzaren Aldizkarian argitaratuko da Eusko Legebiltzarra desegiteko eta hauteskundeak deitzeko dekretua. Hauteskunde Batzordea martxoaren 1ean eratuko da. Hauteskunde-kanpaina apirilaren 5ean hasi eta 19an amaituko da.
Santano alkatearen "eredu zaharkitu eta agortuaren alternatiba bakarra" dela aldarrikatu du EAJk Irunen
Xabier Iridoy Irungo alkategai jeltzaleak esan du bere alderdia "ilusioz eta konpromisoz" beterik dagoela, garai berri baten lidergoa hartzeko.