'Gehiengoaren nahia bada, Europak euskal estatua onartu beharko du'
"Euskal herritarren gehiengoak hala nahi izanez gero, Europak euskal estatua onartu beharko du", Josu Juaristi Europako hauteskundeetarako EH Bilduren hautagaiak adierazi duenez. EH Bilduk bere hauteskunde programan sartu du Euskal Herriak kanpoko injerentziarik gabe bere etorkizuna erabakitzeko duen eskubidea.
Euskal Herria Eskoziaren eta Kataluniaren plano berean kokatu behar dela nabarmentzen da EH Bilduren hauteskunde programan, bi herri horietan beren etorkizuna erabakitzeko egingo dituzten galdeketei erreferentzia eginez.
EH Bilduk Europar hauteskundeetarako programa aurkeztu du larunbat honetan Gasteizen, eta bertan izan da Josu Juaristi hautagaia. Herritarren 500 ekarpenekin osatu du bere programa EH Bilduk, eta bertan bi ideia azpimarratzen dira: erabakitzeko eskubidea eta murrizketen aurrean politika bidezkoagoak eta progesistak.
"Hauteskundeek Espainiako estatuaren izaera antidemokratikoa agerian utziko dute", Juaristiren esanetan. ETAk bere jarduera armatua behin betiko amaitu duela iragarri ostean abiatutako prozesuaren harira, "gatazkaren irtenbidean Europaren parte-hartze aktiboagoa" bilatuko du EH Bilduk.
Hauteskunde programan irakur daitekeenez, Espainiako eta Frantziako Gobernua prozesua zapuzten saiatzen ari dira. Hori dela eta, Europako Parlamentuan Aieteko printzipioak aldarrikatuko dituela adierazi du EH Bilduk.
Bestalde, PPko eurodiputatu batek EH Bildu ez duela Europako Parlamentuan ikusi nahi adierazi du, eta horri erantzunez koalizioa bertan egongo dela adierazi du Juaristik.
Zure interesekoa izan daiteke
Youtuberra, komunikatzaile polemikoa eta ohikoa auzitegietan... Nor da Luis Alvise?
Gutxik espero zituzten atzo Se Acabo la Fiesta ultraeskuineko taldeak lortutako emaitzak. Luis Alvise elkarte horretako buruak UPyDn eta Ciudadanosen eman zituen aurreneko pausoak. Egun, ehunka milaka jarraitzaile ditu sare sozialetan.
PSOEk irabazi du EAEko hiriburu guztietan, eta PP lehenengo indarra da Iruñean
Alderdi Sozialistak irabazi ditu hauteskundeak Gasteizen, Donostian eta Bilbon, eta Alderdi Popularrak gauza bera egin du Iruñean.
Sei ordezkarik eramango dute Euskal Herriaren ahotsa Europako Parlamentura
Idoia Mendia (PSE-PSOE), Oihane Agirregoitia (EAJ-CEUS), Pernando Barrena (EH Bildu-Orain Errepublikak), Elena Sancho (PSN-PSOE), Javier Zarzalejos (PP) eta Antonio Lopez Isturiz (PP) izango dira gaurko bozen ondoren Europako Parlamentuan eserlekua izango duten euskal herritarrak.
Ultraeskuina eta migrazioa, Europako ardatz nagusietakoak, izan dituzte hizpide alderdiek
EAJ, EH Bildu, PSOE, Sumar, PP eta Podemos hautagaitzen ekitaldi politikoak kanpainaren 10. egunean.
Europan lehiakorrak izateko neurriak proposatu dituzte euskal alderdiek
EAJ, EH Bildu, PSOE, Sumar, PP eta Podemos hautagaitzen ekitaldi politikoak kanpainaren 9. egunean.
Liberalen eta berdeen gorakadak ultraeskuina geldiaraztea lortu du Europan
Popularrrak izan dira garaile, eta sozialistak, bigarren indarra. Euroeszeptizismoak gora egin duen arren, ez du lortu Euroganbera blokeatzeko behar adina indar batzea.
Ultraeskuinaren gorakadari so hautatu dituzte europarlamentariak Ipar Euskal Herrian
Ipar Euskal Herriak eta Biarnok osatzen duten departamenduan, Pirinio Atlantikoetan, % 43,99koa izan da parte-hartzea 17:00etan, orain dela bost urte baino sei puntu handiagoa.
EAJk eta EH Bilduk eurodiputatua izango dute berriro
Bestalde, PSOEk Europako hauteskundeak irabazi ditu Espainian, 20 eserleku lortuta, ondoren PPk 12 erdietsi ditu. Gainera, Puigdemonten zerrendak garaipena eskuratu du Katalunian.
Europarrak bozkatzen hasi dira, zatikatuago ageriko den Euroganbera osatzeko
Herbehereek eta, paradoxikoki, martxoan 'brexita' gauzatu behar zuen Erresuma Batuak gaur, osteguna, abiatu dituzte hausteskundeak, Estatu gehienetan igandean egingo direnak.
EAJk gazteen mugikortasuna eta prestakuntza sustatzen duten programekin bat egin du
Hamar urte daramatza Izaskun Bilbaok Europako Parlamentuan diputatu gisa, eta EAJk aspalditik Europa sozial baten alde egiten duela gogoratu die gazteei hautagaiak.