Hauteskunde kanpaina erdialdera iritsi da: hauek izango dira gaurko ekitaldi nagusiak
Fronte Zabalak pentsio publikoak blindatzeko eta pribatizazioa debekatzeko konpromisoa hartu du
Fronte Zabalak pentsio publikoak blindatzeko eta pribatizazioa debekatzeko konpromisoa hartu du, “gure adinekoek lo lasai egin dezaten, jakinda ezein gobernuk ezin izango dituela pentsioak murriztu edo pribatizatu”, ziurtatu du Rosa Rubio Kongresurako Gipuzkoako hautagaiak gaur Eibarren egindako ekitaldian. Rubiok iragarri duenez, Fronte Zabalak pentsioen balioa beti KPIaren arabera handitzea eta gutxieneko pentsioa LGSarekin parekatzea defendatuko du, bizitza duinak bermatzeko.
EAJren bost konpromisoak
Konpromiso horiek zerrendatu egin ditu Maribel Vaquerok. Lehenik eta behin, memoria defendatzea “egia, justizia eta erreparazioa askatasunen alde borrokatu zirenentzat eta errepresio frankista eta indarkeriaren eta terrorismoaren indarkeria sufritu zutenentzat”. Bigarrenik, demokrazia, EAJren aldetik “autoritarismoari kontzesiorik egingo ez zaiola” argi utziz. Hirugarrenik “pertsonen duintasuna” jeltzaleen jardunaren erdigunean, “giza eskubideen eta denontzako defentsa irmoa eginez. Laugarren tokian hitzeman du Euskadiko autogobernuaren defentsa, eta horri lotuta dago “euskal nortasunaren zaintza, euskararena, gure kulturarena, gure erakundeetan eta Euskal Herriak erabakitzeko duen eskubidearena”. Amaitzeko ziurtatu du konpromiso hauek ez direla adierazpen publiko batean geratuko , ekintza bihurtuko dituztelako hitzez eta egitez Kongresuan eta Senatuan ekimenak sustatuz.
EAJ:"Euskal botoa faszismoari eta autoritarismoari aurre egiteko tresna izango da"
51 urte bete dira gaur Francisco Franco diktadorea hil zenetik. Eta gaurko ekitaldian, EAJk aldarrikatu egin du "hautestontzietan adierazitako borondate askearen balioa" Ildo beretik, "euskal botoa faszismoari eta autoritarismoari aurre egiteko tresna" izango dela gaineratu du.. Helburu horrekin, Donostiako Aiete Jauregitik eman ditu ezagutzera talde jeltzaleko hautagaiek "demokraziaren, askatasunaren eta autogobernuaren defentsan" hitzeman dituzten bost konpromiso.
Ostiraleko ekitaldi nagusiak:
Egun on! Hauek dira ostiralerako aurreikusitako ekitaldi politiko nagusiak:
- PSE: Ermua (11:30) /Donostia (18:30)
- PNV: Donostia (11:00) / Getxo (19:00)
- EH Bildu: Bilbo (12:00) / Bilbo (19:00)
- PP: Errenteria (11:00) / Getxo (19:00)
- Fronte Zabala: Eibar (11:30) / Portugalete (17:00)