Abidadura Handiko Trena
2023/04/12 - 07:00
Urkulluk AHTaren interkonexioak aztertuko ditu gaur Frantziako eta Portugalgo enbaxadoreekin
Lehen bilera 14:00etan izango da, Jean-Michel Casa Frantziako enbaxadorearekin, eta bigarrena 17:00etan, João Mira-Gomes Portugalgo enbaxadorearekin. Bi kasuetan, estatu horiek Madrilen dituzten enbaxadetan egingo dira batzarrak.
2023/03/28 - 14:31
Iruñea eta Zaragoza arteko tren bidaia ordubetera murriztuko du AHTak
Hala jasotzen du Espainiako Garraio Ministerioak eta Nafarroako Gobernuak aurkeztu duten azterlanak. Batetik, Campanas-Zuasti tarteko ibilbidea dago, 24 kilometrokoa, Iruñea inguruan, eta, bestetik, Zaragoza-Castejon tartekoa, 80 kilometroa, erdia baino gehiago Nafarroan.
2023/03/22 - 15:59
AHTaren Hernani eta Astigarraga arteko zatia urtebete barru amaituko du Jaurlaritzak
Hernani eta Astigarraga arteko zatiak ia bi kilometro eta erdi ditu eta 94 milioiko inbertsioa behar izan du. Urumea ibaia birritan zeharkatzen du, eta hain zuzen ere uholde arriskua saihesteko zubibide tenkatua egin behar izan dute.
2023/03/20 - 16:22
Euroeskualdeak eskatu du interkonexio atlantikoei buruz hartutako konpromisoak betetzeko
Donibane Garazin egin duten bileran Akitania Berriak, Euskadik eta Nafarroak bere kezka adierazi dute hainbat interkonexiok oraindik datarik ez dutelako edo asko luzatzen ari direlako. Era berean, Iñigo Urkullu lehendakariak 2021etik itxita dauden mugako puntuak berriro irekitzea eskatu du.
2023/03/20 - 11:00
EBk Korridore Atlantikoagatik erantzukizunak eskatu beharko lizkieke estatuei eta gobernuei, Arriolaren ustez
Lurralde Plangintza, Etxebizitza eta Garraioetako sailburuaren arabera, Korridore Atlantikoaren garapena ez da Espainiaren eta Frantziaren arteko aldebiko gai bat, Europar Batasunaren plangintza estrategikoari eragiten baitio.
2023/03/17 - 15:16
Ardatz atlantikoaren garapenik ezarekin kezkatuta, Urkulluk eskutitza idatzi die Sanchezi eta Macroni
Zuzenean idazten dien bigarren aldia du Iñigo Urkullu lehendakariak, eta biek ala biek aintzat hartu dute idatzia. Emmanuel Macronek gaia mahai gainean duela onartu dion arren ez du konpromiso zehatzik hartu.
2023/03/17 - 13:28
Urkullu: "Europak ezin du onartu bere trenbide lotura kapritxoen menpe egotea"
Lehendakariak jakinarazi du asteon bertan beste eskutitz bat bidali diela Espainiako eta Frantziako presidenteei, urtarrilean biek egin zuten goi bileraren aurretik egin bezala. AHTaren lotunea azkartzeko eta mugaz gaindiko estrategia komun bat garatzea galdegin die, besteak beste.
2023/03/17 - 10:17
AHTa Frantziarekin lotzeko afera "mahai gainean" duela erantzun dio Macronek lehendakariari
Bingen Zupiria Jaurlaritzako bozeramaileak azaldu duenez, Urkulluk gutuna bidali zien Pedro Sanchez eta Emmanuel Macron Espainiako eta Frantziako buruzagiei Akizeko loturaren lanak atzeratu direla eta. "Konpromiso zehatzik ez, baina gaia aztertu beharra dagoela erantzun dio Macronek".
2023/03/13 - 16:15
Arku Atlantikoko presidenteek makroeskualde bat sortzea aldarrikatu dute
Horretarako, urteko bigarren seihilekoa baliatu nahi dute Espainiak Europako Kontseiluaren presidentetza izango duela kontuan hartuta. Makroeskualde Atlantikoaren helburua litzateke eztabaidarako eta lanerako foro bat sortzea, zeinetan Gobernuek berdintasunean erabakiak hartu ahalko dituzten.
2023/03/13 - 15:44
Bordeletik hegoaldera eraikiko diren bi ardatzen lanen hasiera etengabe atzeratu da
Tolosako trenbidea eraikitzen 2024 hasi behar ziren, baina 2027ra atzeratu da. Akizekoa, aldiz, are eta gehiago, 2034tik 2042ra. Ondorioz, Euskal Y-aren loturari ez dago inolako aurreikuspenik.
2023/03/13 - 11:25
Revillak Arku Atlantikoaren manifestu bateratua espero du Frantziari AHTren lotura bizkortzea eskatzeko
Urkullu lehendakaria Galizia, Asturias eta Kantabriako presidenteekin batzartuko da eguerdian Ajuria Enean. Lurralde atlantikoen eta Europaren arteko trenbide loturak izango dituzte hizpide, besteak beste.
2023/03/13 - 08:20
Kantauriko eskualdeek trenbide, argindar eta gas konexioak aztertuko dituzte gaur
Bileraren helburua interes komuneko gaiei buruzko ekimenak partekatzea da. EAEko, Galiziako, Asturiasko eta Kantabriako presidenteek lurralde atlantikoen eta Europaren arteko trenbide loturak izango dituzte hizpide, besteak beste.
2023/03/12 - 21:46
Abiadura Handiko Trena 4 urte barru amaituta egon liteke
Euskal Y-a amaitzeko lanak kontaezinak dira. Gauzak horrela, 2027rako prest egotea aurreikusten du Espainiako Gobernuak.
2023/03/11 - 13:22
EAJ, PSE eta PPk "funtsezkotzat" dute Euskal Y-a Europarekin lotzea eta Frantziarekiko lotura ez atzeratzea
Bestalde, EH Bilduk eta Elkarrekin Podemosek egungo konexioak eta aldiriko lineak hobetzeko deia egin dute, AHTren "xahutzearen" aurrean.
2023/03/10 - 20:14
Europako Batzordeak azalpenak eskatuko dizkio Frantziari abiadura handiko konexioaren atzerapenagatik
Bruselak "datozen asteetan" izango ditu elkarrizketak Frantziako Gobernuarekin. Europa barneko garraio-sarearen barruan dagoen proiektua 2030erako bukatuta egon beharko litzateke.
2023/03/09 - 15:18
Astigarraga eta Irun arteko tren zerbitzua 2024aren amaieran itzuliko da normaltasunera
Astigarraga Irun tartean hirugarren haria jartzeko lanak 2024. urtearen amaieran amaituko dira, Adifek esku artean dituen aurreikuspenen arabera. Horri esker, bi bideak berrezarri ahal izango dira, eta aldirietako zirkulazioan normaltasuna berreskuratu ahal izango da.
2023/03/09 - 15:00
2024ko amaieran bukatuko dituzte Astigarraga eta Irun lotzen dituen hirugarren hariaren lanak
2018an bertan behera utzi zituzten obrak, tunelaren 200 metro konpondu ostean. Izan ere, hartzekodunen konkurtsoan sartu zen lan horien ardura zeukan enpresa.
2023/02/22 - 21:34
Noizko egongo da bukatuta Abiadura Handiko Trena Euskadin?
Azken aurreikuspenaren arabera, 2027rako egongo litzateke, baina ez osorik. Ordurako ez lirateke prest egongo Bilboko eta Gasteizko lurrazpiko geltokiak.
2023/02/22 - 11:41
Sanchezek Frantziari eskatuko dio AHTaren lotura bukatzeko epea errespetatzeko
Aitor Esteban EAJko diputatuari erantzunez, Pedro Sanchez Espainiako Gobernuko presidenteak onartu du "ustekabean" harrapatu duela azpiegitura 2042ra arte luzatuko dela dioen Frantziaren txosten batek.
2023/02/08 - 12:12
Raquel Sanchezek Lezetxiki kobak ez duela kalterik izan berretsi du
Iñaki Ruiz de Pinedo EH Bilduko diputatuak egin dion galderari erantzunez, jakinarazi du Karraskain inguruan katalogatu gabeko galeria karstiko bat aurkitu zutela eta, bertan ikerketa egin ondoren, ez zutela hondakin paleontologikorik aurkitu.