Urkulluk AHTaren interkonexioak aztertuko ditu gaur Frantziako eta Portugalgo enbaxadoreekin
Iñigo Urkullu lehendakaria Madrilera joan da gaur, Frantziako eta Portugalgo enbaxadoreekin bilerak egiteko, Arku Atlantikoaren interkonexioak jorratzeko.
Iñigo Urkullu Marian Elorza Kanpo Harremanetarako idazkari nagusiarekin batera joan da bilera horietara, Lehendakaritzak jakinarazi duenez. Lehen bilera 14:00etan izango da, Jean-Michel Casa Frantziako enbaxadorearekin, eta bigarrena 17:00etan, João Mira-Gomes Portugalgo enbaxadorearekin. Bi kasuetan, estatu horietako enbaxadetan egingo dira batzarrak.
Euskadik, Nafarroak eta Akitania Berriak osatutako Euroeskualdearen Batzarraren ostean, martxoaren 20an, Eusko Jaurlaritzak iragarri zuen Frantziak Espainian duen enbaxadorearengana eta Europako Garraio komisarioarengana jotzeko asmoa zuela, ardatz atlantikoaren interkonexioak bultzatzeko.
Aurretik, martxoaren 13an, Urkulluk bilera egin zuen Gasteizen Galizia, Asturias eta Kantabriako presidenteekin. Bertan, 'lobby' edo presio talde bat bultzatzeko konpromisoa hartu zuten, lurralde horien interesak Europar Batasunaren aurrean defendatzeko trenbide eta energia loturen arloetan. Horretarako, EBk Makroeskualde Atlantiko gisa onartzea eskatuko zutela iragarri zuten.
Frantziako Gobernuak 2030etik 2042ra atzeratuko duela iragarri ostean, lehendakariak Akizera abiadura handiko trena iristeko epeak bete ditzala eskatuko dio Frantziako Gobernuari.
Lehendakariak behin baino gehiagotan adierazi duenez, haserre dago Frantziaren jarrerarekin; izan ere, ohartarazi du horrelako gai batek ezin duela "hainbeste aldaketa eta inprobisazio" izan, "konpromisoak ez betetzea" leporatu die Frantziako eta Espainiako estatuei, eta horrek, bere ustez, oso modu negatiboan baldintzatzen ditu herri atlantikoen politikak.
Frantziako eta Portugalgo enbaxadoreekin ez ezik, Mark Drakeford Galesko ministro nagusiarekin ere bildu da Urkullu, Makroeskualde Atlantikoaren proiektuarekin Euskadik eta Galesek duten konpromisoa berretsiz.
Lehendakariaren hurrengo hitzordua ixtear dago, oraingoan Europar Batasuneko Garraio komisario Adina Valeanekin, eskaera bera helarazteko.
Zure interesekoa izan daiteke
EAEko ekonomia % 2,2 hazi da iazko martxotik aurtengora, zerbitzuek eta eraikuntzak bultzatuta
12.434 lanpostu sortu dira urtebetean Euskal Autonomia Erkidegoan. Enpleguaren urte arteko bilakaera positiboa izan da eraikuntzan (% 1,2) eta zerbitzuetan; aitzitik, % 0,2 egin du atzera industrian eta lehen sektorean.
Mondragonek 11.322 milioiko salmentak izan ditu 2025ean, eta % 2,9ko igoera espero du aurten
Nazioarteko gatazkek sortzen duten ezegonkortasuna dela eta, 2026rako hazkunde aurreikuspenak “nahiko moderatuak” direla dio korporazioak.
DHL Express-ek etorkizuneko hangarraren lehen harria jarri du Gasteizko aireportuan
Konpainiak urrats erraldoia eman nahi du, 6.600 metro koadroko nabe batekin, eta, horrekin batera, 13.000 metro koadro baino gehiagoko instalazioak izango ditu kanpoaldean. Europako kontinentean DHLk duen bigarren hangarrik handiena izango da.
Katean osorik ekoitzitako lehen auto elektrikoa atera da Volkswagen multinazionalak Landabenen duen lantegitik
Škoda Epiq modeloa da Iruñean osorik ekoitzitako lehen auto elektrikoa. Horrez gain, konbustioko T-Cross eta Taigo modeloak egiten jarraituko du Nafarroako Volkswagenek.
Igor Arroyo: "Denek izan behar dute euskara ikasteko aukera, baina zerbitzu publikoan egonkortzeko beharrezkoa da euskararen ezagutza"
LAB sindikatuko koordinatzaile orokorrak CC.OO. sindikatua kritikatu du. euskararekiko duen jarreragatik Bere ustez, sindikatu horrek "akats galanta" egin du, ez bakarrik CC.OO ELA eta LABengandik urruntzen duelako, "euskal langileengandik" urruntzen duelako baizik.
Nafarroako Gobernuak 50 milioi euro jarriko ditu Hithium enpresa txinatarrarekin sortuko duen sozietatean
Baterien eta energia biltegiratzeko sistemen lantegiak 700 lanpostu sortuko ditu hasieran, eta bigarren fasean kopurua mila langilera irits daiteke.
Euskadi Europako Inbertsio bankuaren "bezero ona" dela nabarmendu du Nadia Calviñok, hainbat arlotan berrikuntza sustatzen du eta
Arantza Ruiz EITB Mediako Albistegietako zuzendariak Nadia Calviño Europako Inbertsio Bankuaren presidentea elkarrizketatu du ETB2ko 12 minutos saioan. Calviñoren arabera, nazioarteko tentsioak eta Ekialde Hurbileko gerrak markatutako testuinguruan, Euskadik ekonomia "indartsua" du.
Gurutzetako Unibertsitate Ospitaleko zuzendari medikoak eta mediku-zerbitzuen zuzendariordeak dimisioa eman dute
EITBk jakin duenez, bi dimisioak medikuen grebaren eta lanuzteak eragiten ari diren presio asistentzialaren ondorioz etorri dira.
2027ko aurrekontuen ildo nagusiak onartu ditu Jaurlaritzak, hazkundea % 1,6koa izango dela aurreikusita
Nöel d'Anjou Ogasun eta Finantza sailburuak azaldu duenez, oinarrizko zerbitzu publikoak indartzea izango da lehentasuna; osasuna, hezkuntza, etxebizitza, segurtasuna eta gizarte zerbitzuak izango omen dira kontuen ardatzak.
Medikuen sindikatuek elkarretaratzea deitu dute ekainaren 15erako, Osasun Ministerioaren aurrean
Greba batzordea osatzen duten medikuen sei sindikatuek eutsi egingo diote ekainaren 15etik 19ra deitutako greba deialdiari. Halaber, Osasun Ministerioarekin behar den guztietan elkartzeko borondatea agertu dute, beti ere, negoziatzeko benetako borondatea badago eta mahai gainean proposamen zehatzak baldin badaude.