Benjamin Netanyahu
2024/04/09 - 10:57
Rafahren kontrako erasoak "badu data", Netanyahuren esanetan
Bi aldeak su-etena negoziatzen dabiltzan bitartean egin du iragarpena Israelgo lehen ministroak. Hamasek onartu du azken proposamena aztertzen ari dela, eta Egipto eta Qatar bitartekariak "baikorrago" azaldu dira.
2024/04/07 - 18:08
Gaza, aurrekaririk gabeko krisi humanitarioan, gerra hasi zela sei hilabete bete direnean
Israelek 14.500 haur palestinar baino gehiago hil ditu urte erdian, eta orain herritarrak goseak hiltzen hasi dira. GKEek su-etena eskatzen dute, eta gaur berrekingo diete negoziazioei. Netanyahuk aurreratu du ez dela su-eten bati buruzko akordiorik egongo Hamasek 133 bahituak askatu arte.
2024/04/07 - 17:50
Israelgo Armadak alde egin du Gaza hegoaldetik
EITBren berriemaile Mikel Ayestaranen esanetan, "mugimendu honek zerikusia izan dezake Iranen mehatxuarekin, bai eta Israelek Errepublika Islamikoarekin zuzenean talka eginez gero indarrak berrantolatzeko izan dezakeen beharrarekin".
2024/04/05 - 11:59
Gazan giza laguntza gehiago sartzeko neurriak iragarri ditu Israelek, baina "ez da nahikoa", EBren ustez
Israelek Erezko pasabidea irekiko du, behin-behinean Axdod hiriko portutik laguntza humanitarioa sartzea baimenduko du, eta Kerem Xalomeko pasabidetik sartzen den laguntza areagotuko du. AEBk begi onez hartu du Israelen erabakia, baina EBren ustez, "ez da nahikoa Gazan gosetea saihesteko".
2024/04/04 - 22:19
Bere asmoetarako denbora irabazteko negoziazioak "gelditzea" leporatu dio Hamasek Netanyahuri
Israelen eta Hamasen arteko desadostasunak areagotu egin dira azken hilabeteotan; izan ere, Hamasentzat eskakizun "legitimoak" direnak (su-etena, laguntza humanitarioa ahalbidetzea eta tropak Gazatik ateratzea), Israelentzat eskaera "eldarniotsuak, muturrekoak eta onartezinak" dira.
2024/04/03 - 12:56
Jose Andres sukaldariak, Israeli: "Gerra ezin da irabazi biztanleria oso bat gosez hiltzen"
Gazan erasoa pairatu zuen gobernuz kanpoko erakundearen sortzaileak iritzi artikulua kaleratu du "The New York Times"en. Zazpi langileak hiltzeagatik kargu hartu du Israel, eta "zibilak eta langile humanitarioak hiltzeari utzi eta bakearen bide luzean hasteko" eskatu dio Netanyahuri.
2024/04/03 - 10:49
Israelek ondorioztatu du WCK erakundearen kontrako erasoa "okerreko identifikazio" batek eragin zuela
Herzi Halevi Israelgo Armadako Estatu Nagusiko buruaren hitzetan, gobernuz kanpoko erakundeko langileak erasotzea ez zen helburua.
2024/04/02 - 18:55
Netanyahuk esan du WCKren aurkako erasoa ez dela "nahita egindakoa" izan, eta "gerraren baitan" kokatu du
Hamasek, ostera, salatu du Israelen erasoa "zibil errugabeen hilketa-politika sistematikoaren" parte dela. Bestalde, Antony Blinken AEBko Estatu idazkariak "ikerketa azkar, sakon eta inpartziala" eskatu dio Israeli, baina ez du erasoa gaitzetsi.
2024/04/02 - 00:45
Netanyahu Gobernutik ateratzea eta hauteskundeak eskatu dituzte milaka israeldarrek bigarren egunez
Manifestariak Israelgo Parlamentuko kaleen aurrean banatu dira, Jerusalemen. Gainera, ehunka judu ultraortodoxok autobide bat blokeatu dute Tel Aviveko kanpoaldean.
2024/04/01 - 10:57
Levinek hartu ditu Netanyahuren lanak, hari egin beharreko ebakuntza "ongi" atera ostean
Israelgo lehen ministroaren bulegoak azaldu duenez, ebakuntza igande gauean egin diote, anestesia orokorrarekin. Hura ez dagoen bitartean, Israelgo lehen ministrorde eta Justizia ministro Yariv Levinek egingo ditu haren lanak.
2024/04/01 - 00:15
Netanyahuren dimisioa eskatu dute 100.000 lagunek Jerusalemen, U-7tik izandako mobilizaziorik handienean
Manifestariek gutxienez lau eguneko kanpaldia antolatu dute Israelgo Parlamentuaren aurrean, "protesta aste nazional" baten lehen urrats gisa, Hamaseko bahituen senideen babesarekin.
2024/03/31 - 14:38
Gazan su-etenerako negoziazioak, gaur, Kairon, Netanyahuk bahituen senideen babesa galtzen duen bitartean
Hainbat bahituren senideek haiek askatzeko "akordio baterako oztopo" gisa ikusten dute lehen ministroa, eta Tel Aviveko Bahituen Plazako elkarretaratzeetan parte hartzeari utzi eta agintariaren aurkako kale mobilizazioetan parte hartzen hasiko direla iragarri dute.
2024/03/25 - 19:06
Israel Gazan genozidioa egiten ari dela ondorioztatzeko "zantzuak" ikusten ditu NBEko errelatoreak
25 orrialdeko agiriaren arabera, Israelek gutxienez hiru "ekintza genozida" egin ditu nahita, 1948ko Genozidio Delitua Prebenitzeko eta Zigortzeko Konbentzioan hala definitzen direnak.
2024/03/25 - 17:15
NBEko Segurtasun Kontseiluak lehen aldiz eskatu du "berehalako" su-etena Gazan
Ebazpenak 14 babes jaso ditu bozketan, kontrako botorik ez, eta abstentzio bakarra izan da, AEBena. Errusiak eta Txinak iragan ostiralean Washingtonek aurkeztutako ebazpen proposamen bati betoa jarri ostean gertatu da.
2024/03/25 - 13:45
Israelek Sanchezi: "Palestinako Estatua aitortzea terrorismoa saritzea litzateke"
Lior Haiat Israelgo Atzerri ministroak Sanchez kritikatu du eta ostiralean Espainiak, Irlandak, Maltak eta Esloveniak sinatutako adierazpena jomugan jarri. Lau herrialdeak Palestinaren aitortza egiteko prest azaldu ziren.
2024/03/22 - 19:43
Errusiak eta Txinak atzera bota dute AEBk Gazarako egindako su-eten proposamena, "sendotasun faltagatik"
Bi kide iraunkor horiez gain, Aljeriak ere egin du AEBk NBEko Segurtasun Kontseiluan aurkeztutako ebazpenaren kontra. Guyana abstenitu egin da, eta beste hamaika herrialdek aldeko botoa eman dute.
2024/03/19 - 18:31
Gazako herritarrak gosetera eramanda, Israelek gerra krimena egiten duela salatu du NBEk
Gutxienez 210.000 pertsona eraman dituzte gosetera iparraldean, eta 1,1 milioi gazatar baino gehiago egoera bera pairatzeko arriskuan daude. Bestalde, Netanyahuk baieztatu du Washingtonek "bere ideiak" aurkeztu ahal izango dituela Rafahen lurreko inbasioaren inguruan.
2024/03/18 - 11:42
Israelek Gazako Al Shifa ospitalea setiatu du laugarren aldiz, frankotiratzaileekin eta tankeekin
Zerrendako ospitale inportanteena da, eta hildakoak izan dira barruan aterpe hartzen ari diren 30.000 desplazatuen artean.
2024/03/18 - 10:59
Israelgo Armada Gazako Al Shifa Ospitalean sartu da gauez
Israelek dio kontrolpean duela Al Shifa ospitalea, Gazako garrantzitsuena. Gainera, operazioak zehaztu gabeko hildako kopuru bat utzi duela adierazi dute, eta gutxienez 80 pertsona atxilotu dituztela, "jarduera terroristekin zerikusia dutelakoan".
2024/03/17 - 20:24
Netanyahuk nazioarteko erreguei entzungor eginez esan duenez, Israelek eraso egingo dio Rafahri
Alemaniako kantzilerrarekin izan duen bileraren ostean adierazi du Rafahko zibilak ez direla han harrapatuta geratuko erasoaldia hasten denean. Scholzen ustez, "ezin gara besoak antxumatuta geratu, palestinarrak gosez hiltzen diren bitartean".