Dagoeneko "gogotik ordaindu badu ere", Israel "deuseztatzeko" borrokan jarraituko duela esan du Hezbollahk
Hezbollah Libanoko milizia xiitak azpimarratu duenez, Israelen "erasoari aurre egiten" jarraituko du hura "deuseztatu" arte. Izan ere, talde xiitaren ustez, Israel "deuseztatu beharreko minbizia erasokor eta hilgarria da".
Hamasek eta beste talde palestinar batzuek Israelen kontra duela urtebete egindako erasoaren urtemuga baliatuta, oharra kaleratu du alderdia ere badenak. Azpimarratu duenez, iazko urriaren 7an Hamasek egindakoa "operazio heroikoa" izan zen, "argi utzi zuena Palestinaren erresistentziarako borondatea, herri zapaldu horrek 1948tik jasan duen eraso, bidegabekeria eta okupazioaren kontra". Hala, talde libanoarrak uste du Palestinak defendatzeko eskubidea duela.
12 hilabete hauetan, aitortu duenez, Libanoko herriak zein Hezbollahk berak "gogotik ordaindu dute". Ingurumari horretan, taldearen zuzendaritzaren zati bat hil izana aipatu du, tartean Hasan Nasrala buruzagia. Dena dela, ziur agertu da "erasoari aurre egiteko ahalmena" izango dutela Israel "desagerrarazi arte".
Hezbollahk esan du Israelek "basakeriak eta okupazioak dozenaka mila palestinarren martiria eta Gazaren hondamendia" eragin dutela, baina era berean, agerian utzi dutela "Israelen ahultasuna". "AEBren babesik ezean, Israel ez da bizirauteko gai", gaineratu du.
Hori horrela, AEB eta bere aliatuak Ekialde Hurbileko "heriotzen, hilketen, injustiziaren eta giza tragediaren erantzule" egin ditu.
Azkenik, Yemendik huthiek eta Iraketik milizia irandarrek Israeli egindako erasoak txalotu ditu Hezbollahk, baita Iranek misilekin egindakoa ere. Azken horrek, betiere miliziaren arabera, "ondorio eta emaitza handiak izan zituen etsai sionistaren kontrako borrokan".
Zure interesekoa izan daiteke
Albiste izango dira: EBko Migrazio eta Asilo Ituna, EHUren gradu eta graduondo amaierako ekitaldia San Mamesen eta ibilgailu elektriko berriaren aurkezpena Gasteizko Mercedesen
Gaurkoan Orain-en albiste izango direnen laburpena, bi hitzetan.
EBko Migrazio eta Asilo Ituna indarrean sartu da, horren inguruko zalantzen artean
Arau berriak ezartzen dira estatu kideen artean erantzukizunak banatzeko, asilo- eta itzulketa-prozedurak azkartzen ditu, eta Europar Batasuneko kanpo-mugetako kontrolak indartzen ditu.
Trumpek bertan behera utzi ditu Iranen aurkako erasoak, akordioaren "azken puntuak" adostu ostean
AEBko presidentearen arabera, bi aldeek "akordioaren azken puntuak" onartu dituzte, otsailaren 28an piztutako gatazka armatuari amaiera emateko asmoz. "Itsas blokeoak indarrean jarraituko du transakzio hau amaitu arte; sinaduraren data eta lekua laster iragarriko dira", esan du.
Istiluak izan dira Belfasten, bigarren gauez jarraian
Poliziak ur kanoiak erabili ditu manifestariak sakabanatzeko, Belfasten eta Glengormleyn, horiek agenteei harriak eta botilak jaurti ostean. Derry, Newtownabbey eta Stormont hirietan ere protestak eta istiluak izan dira.
Futbola eta geopolitika: Mussoliniren Munduko Kopa, Maradonaren mendekua eta Frantzia multikulturalaren arrakalak
Futbola, eta bereziki Munduko Txapelketak, historikoki helburu politikoekin erabili izan dira, kirolaren esparrutik harago doazen xedeetarako. Historian zehar horren adibide ugari izan dira.
Ekialde Hurbila Estatu Batuen "infernu" bihurtzeko mehatxua egin du Iranek
Irango Armadak Ormuzko itsasartea "erabat" itxi duela iragarri du, baina AEBk ukatu egin du itxiera hori. Gainera, Irango Guardia Iraultzaileak eraso egin die AEBko base militarrak dituzten Ekialde Hurbileko zenbait herrialderi, tartean, Bahrein, Kuwait eta Jordaniari.
Istilu larriak Belfasten, Sudango gizon batek beste bat labanaz zauritu ondoren
Naomi Long Ipar Irlandako Justizia ministroak indarkeria giroa hauspotzea leporatu dio eskuin muturrari. Pasa den astelehenean Sudango 30 urteko migratzaile batek gizon bat labanaz larri zauritu ondoren istiluak lehertu dira Belfasten. Ipar Irlandako alderdi nagusietako agintariek lasaitasunerako deia egin dute.
Trumpek ere jokatuko du Munduko Kopa, "America is Back" kontakizuna zabaltzeko
AEBko presidenteak Munduko Txapelketarik "handiena, seguruena eta zoragarriena" agindu du, eta hitzordua probestuko du bere burua proiektatzeko, kontraesanak agerian gera daitezkeen arren.
AEBk Irani eraso dio, persiar herrialdeak atzo Washingtonen helikoptero baten kontra egindakoari erantzunez
Ameriketako Estatu Batuek aireko defentsa sistemak, lurreko kontrol estazioak eta Irango radarrak jo dituzte, Ormuzko itsasartetik gertu.
Sanchezek ia 40.000 botoko aldea atera dio Fujimoriri, Perun botoen % 96,6 zenbatu dituztela
Peruko Hauteskundeen Epaimahai Nazionalak (JNE) adierazi duenez, herrialdeko presidentea aukeratzeko hauteskundeen bigarren itzuliko emaitza ofizialak 30 eguneko epean jakinaraziko dituzte.