Yahya Sinwarren hilketarekin Hamasi kolpe gogorra eman diola uste du Israelek
Urtebete baino gehiagoko erasoaldien ondoren, asteazkenean Rafah eremuan, Gazako hegoaldean, egindako operazio militar batean, Yahya Sinwar Hamaseko buruzagi nagusia hilda, Palestinako erresistentziari kolpe latza eman diola uste du Israelek.
Haren heriotza mugarri izan daiteke eskualdeko gatazkan: Israelek "gizonik bilatuena" akabatzeaz gain, talde islamista bururik gabe geratu dela ematen du, Sinwar Hamaseko hierarkiatik bizirik atera zen urrietako bat baitzen, Ismail Haniyeh talde politikoko agintaria eta Mohamed Deif buruzagi militarra udan hil ondoren.
"Hamasek jada ez du Gaza gobernatuko. Hamasen osteko garaiaren hasiera da", esan du Benjamin Netanyahu Israelgo lehen ministroak, harro, Armadak "Hamaseko hiru terrorista" hil zituela eta horietako bat Sinwar izan zitekeela jakitera eman eta ordu gutxira.
"Zerrendako gerra", 42.400 palestinar baino gehiago hil dituena, baina, oraindik ez dela amaitu ohartarazi du Netanyahuk, eta mezu bat bidali dio eskualdeari, Libanori bereziki, urriaren 1ean sartu ostean Israelgo soldaduak bertara: "Gazari, Beiruti, eskualde osoari, honakoa esaten diet: gaiztakeria atzera egiten ari da, eta argia tokia egiten ari da". Hori esan ondoren, azken hilabeteetan Israelek hildako Hamaseko eta Hezbollahko sei buruzagiak gogorarazi ditu, buruzagi politiko gorenak (Haniyeh eta Hasan Nasrallah) eta militarrak (Mohamed Deif eta Fuad Sukr) tartean.
Israelgo agintariek berehala jakinarazi dute "oso litekeena" dela Sinwar Hamaseko buruzagia hil izana 2023ko urriaren 7an. Erakundeko buruzagi nagusi izendatu zuten abuztuan, Haniyeh hil ostean, uztailaren 31n Teheranen Israeli egotzitako eraso batean.
Poliziak adierazi duenez, DNAren, hatz-marken eta hortzen azterketak (Israelen ezin hobeto gordetako datuak, 23 urte eman baitzituen preso bertan) kasu guztietan baieztatu du Sinwarren "behin betiko identifikazioa".
Sinwar 1962an jaio zen Khan Yunis errefuxiatu-eremuan, Gazako zerrendako hegoaldean, eta 2017an izendatu zuten Hamaseko buru, Israelen etsai sutsu bihurtu eta informatzaileekin gupidarik gabe jokatu ostean. Azaroaren 6tik taldeko buruzagi nagusia zen Gazan. 19 urte zituela egin zuen bat Hamasekin.
1989an, biziarteko lau kartzela-zigor ezarri zizkioten Israelen, bi soldadu israeldar eta lau palestinar "kolaborazionista" bahitu eta hiltzea planifikatzeagatik, baina 2011n askatu zuten Gilad Shalit soldadu israeldarraren truke. Trukean 1.047 preso palestinar askatu zituzten, tartean Sinwar bera.
Zure interesekoa izan daiteke
Errusiak areagotu egin ditu Ukrainako ondare kulturalaren aurkako erasoak, eta bost eraikin historiko kaltetu ditu 24 orduan
Kaltetutako eraikinen artean dago Jasokundearen katedrala, Kieven. Volodimir Zelenski Ukrainako presidentearen arabera, Errusiaren bi dronek eragin dituzte kalteak.
Irango zenbait ontzik “arazorik gabe” Ormuzko itsasartea zeharkatu dute, AEBren eta Iranen arteko akordioa iragarri ostean
Hiru petrolio-ontzik eta oinarrizko produktuak garraiatzen dituzten bi merkantzia-ontzik zeharkatu dute itsasartea.
AEBk eta Iranek gerrari amaiera emateko akordioa lortu dute
Washington eta Teheran artean bitartekari lanetan aritu den Shehbaz Sharif Pakistango lehen ministroak baieztatu du akordioa indarrean dagoela eta iragarri du ekainaren 19an sinatuko dutela, Suitzan. Momentuz, ez dute testua ofizialki ezagutzera eman eta alde bakoitzak interesatzen zaizkion alderdiak nabarmendu ditu.
Trumpek, G7ra iritsi berritan: "Ostiraletik aurrera Ormuz erabat irekita egotea espero dut"
G7aren goi-bileran parte hartzen ari diren liderrak Evian-les-Bains Frantziako herrian daude jada. Lurreratu bezain laster, AEBko presidente Donald Trumpek eta Emmanuel Macron Frantziako liderrak aldebiko bilera egin dute. Iranekin lortutako akordioa izan da gai nagusietako bat.
Erresuma Batuak sare sozialetan sartzea debekatu die 16 urtetik beherakoei
Australiak eta Erresuma Batuak adin horretan (16 urte) ezarri dute sare sozialetan sartzeko gutxieneko adina. Frantzian 15 urtekoak has daitezke erabiltzen, eta Espainiak 16 urtez beherakoei debekua ezartzeko asmoa dauka.
Hezbollahk ontzat jo du Libanoko su-etena eta Iran zoriondu du lortutako akordioagatik
Hala ere, xiiten miliziak akordioa lurraldea "erabat askatu aurreko" pausotzat jo du, eta Libanoko indar politikoei "jarrera nazional bateratua" eskatu die, Israelen aurrean herrialdearen subiranotasuna babesteko. Israelek, ordea, argi du momentuz ez dituela indar armatuak Libano hegoaldetik erretiratuko.
Zer gertatuko da Ormuzko itsasartearekin? AEB-Iran akordioaren gakoak
Estatu Batuen, Iranen eta bien arteko bitartekari Pakistanen ikuspuntuak, gerrari amaiera emateko atariko akordioaren edukiari buruz.
UFCren 60 milioiko borroka-gala, Etxe Zurian: honela ospatu du Trumpek bere 80. urtebetetzea
Ekitaldirako, estadio bat eraiki zuten Etxe Zuriko hegoaldeko lorategian, 4.000 bat laguneko edukierarekin. Arte martzialetako borroka-ikuskizunak 60 milioi dolarreko kostua izan du, eta Trumpen aurkariek kritikatu egin dute, Etxe Zuria helburu komertzialak dituen ekitaldi pribatu baterako erabiltzea leporatuta.
Lau urteko kartzela-zigorra ezarri diote Mette-Marit printzesaren semeari, bortxaketa eta tratu txarrak egotzita
39 delitu leporatzen zizkioten Marius Borg Høibyri, Mette-Maritek Haakon printze oinordekoarekin ezkondu aurretik izan zuen semeari.
Albiste izango dira: AEBren eta Iranen arteko bake akordioa, Zubietako espetxearen inaugurazioa eta medikuen greba
Gaurkoan Orain-en albiste izango direnen laburpena, bi hitzetan.