EHU

2024/10/14 - 15:44

EHUko irakasleak egindako iruzkin matxistak delitu diren ikertzeko eskatu dio Fiskaltzak Ertzaintzari

Ministerio publikoak sei hilabete ditu ordezko irakasleak sareetan argitaratutakoak gorroto delitu ote diren ebatzi edo auzia artxibatzeko. EHUk irakaslea kargutik kentzeko prozedura abiatu zuen urri hasieran, hark idatzitakoak EHUren "printzipioekin eta balioekin bateraezinak" zirela iritzita.

2024/10/08 - 09:33

EHUko ikasleei egindako iruzur saiakera berri batez ohartarazi du Ertzaintzak

Emailen bitartez, ikasleei 850 ordaintzeko eskatzen zaie. Ordainketa ez badute egiten, "legezko ekintzekin" egiten zaie mehatxu mail horietan, Ertzaintzak jakitera eman duenez.

2024/10/06 - 23:20

Bere izenean egiten ari diren iruzur saiakera baten inguruan ohartarazi du Euskal Herriko Unibertsitateak

Ikasle eta unibertsitate komunitateko pertsona askok 850 euroko matrikula-tasak ordaintzeko eskatzen duen mezu bat jaso dutela jakinarazi du. Mezu hori iruzur bat dela ohartarazi eta kontuan ez hartzeko eskatu du.

2024/10/03 - 18:23

Iruzkin matxista eta homofoboak egin zituen irakaslea kargutik kentzeko prozesua hasi du EHUk

Horrez gainera, iruzkinak Fiskaltzara bidali ditu delitu diren ala ez erabaki dezan.

2024/10/03 - 15:38

Andoni Iturbe: ''Hedabide publikoek demokrazia bultzatzen eta indartzen dute''

Hedabide publikoek gizartean eragiteko gaitasun handia dute; herritarren pentsaera eta jokabidea aldatu dezakete. Horregatik, zerbitzu publiko gisa duten erantzukizunaz hausnartu dute zenbait adituk Bilbon, EITBk eta EHUk antolatutako jardunaldian.

2024/10/02 - 12:25

EHUk genero indarkeriaren aurkako prozedura abiatu du sarean mezu matxistak kaleratu zituen irakaslearen aurka

Unibertsitateak ohar bidez jakinarazi duenez, prozedura amaitu arte eta "kautelazko neurri gisa", ordezko irakasleak ez du irakaskuntza lanik egingo. EHUren iritzian, maisuak argitaratutako iruzkinak "erakunde akademiko honen balioen guztiz kontrakoak dira".

2024/10/01 - 18:40

Adierazpen matxista eta homofoboak egin zituen EHUko irakaslea kanporatzeko eskatu dute haren ikasleek

Zuzenbide Fakultateko Bizkaiko Campuseko 301 taldeko ikasleek adierazpen bat argitaratu dute, gertatutakoa "zuzenean eta bitartekaririk gabe" kontatzeko helburuarekin. Zalantzan jarri dute ikasgaia emateko gaitasuna duenik.

2024/09/30 - 16:25

EHUk eskolak ematea debekatu dio, behin-behinean, ostiralean ikasle talde batek atxikita izan zuen irakasleari

Sare sozialetan iruzkin matxista eta homofoboak egin izana leporatzen diote ikasleek, eta hori aztertzeko behin-behinean baztertu du unibertsitateak ardura horretatik. Unibertsitatearen baloreekin bat ote datozen ikertuko du orain errektoretzat.

2024/09/30 - 16:09

Gazte talde batek protesta egin du Zuzenbide fakultatean, irakasle bat kaleratzea eskatzeko

Zuzenbide fakultatean elkarretaratzea egin dute ikasle talde batek deituta, "faxismoa borrokatu" lelopean. Pasa den ostiralean ikasleek ikasgelan atxikita eduki zuten Zuzenbideko irakaslea, sare sozialetan azaldu dituen iritzi matxista, homofoboak eta ultraeskuinekoak salatzeko.

2024/09/29 - 20:16

Perez Iglesiasek "onartezintzat" jo du "jazarpena", "bereziki unibertsitate esparruan"

Komentario homofobo, sexista edo matxistei buruz esan du, bere ustez, ez direla unibertsitateko ideiekin bateragarriak, jokabide batzuk giza eskubideak eta pertsonen duintasuna urratzera iritsi ahal direlako.

2024/09/28 - 00:44

EHUk gelatik babestuta atera behar izan duen irakasleak egindako iruzkinak aztertuko ditu

Ikasleen elkarretaratze batek irakaslea kanporatzeko eskatu du bere ikasgelaren aurrean, sareetan gorroto-mezuak zabaltzea leporatuta. Dozenaka ikasle bildu dira eskola ematen zuen gelaren aurrean.

2024/09/27 - 23:00

EHUko irakasle batek babestuta atera behar izan du, ikasle talde baten oihuen artean

EHUko irakasle bat klaseak ematera joan denean, ikasle talde bat gelara sartu da, eta bi orduz izan dute bertan atxikita. Irakasleak X sareko bere kontuan mezu matxistak eta homofoboak argitaratu dituelako egin dute. Ernaik bere gain hartu du ekintza. EHUk, berriz, ikasle horien jarrera salatu du.

2024/09/26 - 19:32

Azaroaren 26an egingo dira EHUko errektorea aukeratzeko hauteskundeak

Hautagaitzak aurkezteko epea urriaren 9tik 29ra bitartean izango da eta errektore berria abenduaren 3an edo 11an izendatuko dute.

2024/09/25 - 11:48

Perez Iglesias: "Duplizitaterik ez dago, Ikerbasquek ekarpena egingo dio Ikasketa Aurreratuen Zentroari"

Zientzia, Unibertsitate eta Berrikuntza sailburuaren arabera, Ikerbasquek funtzio "esanguratsua" izango du Ikasketa Aurreratuen Zentroan.

2024/09/24 - 20:09

''Diagnostiko goiztiarrean aurrerapauso handiak eman dira, baina duela 40 urteko terapiekin jarraitzen dugu''

Iker Badiola EHUko irakasle eta ikertzailearen ustez, terapia berriak bultzatu behar dira, hain agresiboak izan ez daitezen, pazienteen bizi-kalitatea hobetu dezaten eta egungoak baino eraginkorragoak izan daitezen.

2024/09/23 - 16:05

Perez Iglesias sailburuak ikerlarientzat Ikasketa Aurreratuen Zentroa sortzea proposatu du

Hurrengo lau urteotan Zientzia, Unibertsitate eta Berrikuntza Sailaren lerro nagusien nondik norakoak azaldu ditu Legebiltzarrean. Iragarri duenez, euskarazko ikasketen kopurua handitu eta beketarako diru gehiago bideratuko du (% 6ko igoera).

2024/09/17 - 14:48

Ur zikinen azterketek diote EAEn anfetamina kontsumoa Estatuan baino 30 aldiz handiago dela

Drogen eta Adikzioen Espainiako Behatokiak egindako azken txostenaren ondorioetako bat da. Dozena bat erkidegotako 30 bat araztegiren laginak aztertu dituzte.

2024/09/12 - 19:18

Azpiegitura eta baliabide hobeen beharra azpimarratuta hasi da ikasturtea EHUn

Leioako campusean izan da hasiera ekitaldi nagusia, Imanol Pradales lehendakaria eta Eva Ferreira errektorea buru zirela. Azken horrek, metroa campusera iristea eta bestelako hobekuntzak eskatzeko aprobetxatu du unea.

2024/09/09 - 15:55

Abian da EHUko 2024-2025 ikasturtea, 8.700 ikasle berrirekin

Irekiera-ekitaldi ofizialak irailaren 9an, 10ean eta 13an izango dira, Arabako, Gipuzkoako eta Bizkaiko campusean, hurrenez hurren. Ikasturte honetan beste unibertsitateetatik etorritako 1.054 ikasle izango dira EHUn.

2024/09/06 - 16:25

EHUk 45.000 ikasle eta 108 gradurekin ekingo dio ikasturte berriari

Matrikulazio guztietatik, 8.700 ikasle berriak dira. Ebaketa-notarik altuena izan duen gradua Fisika eta Ingeniaritza Elektronikoa izan da, 12,874. Guztira, 35.700 pertsonak baino gehiagok gradu bat egingo dute, eta 10.000k graduondoko edo etengabeko prestakuntza.