Bengoetxeak EHUren errektore kargua hartu du, eta post-egiaren aurka borroka egiteko konpromisoa adierazi du
Joxerra Bengoetxeak EHUren errektore karguaren zina egin du gaur, Ajuria Enean egindako ekitaldi batean. "Pozez beterik, ohorez eta errespetu handiz" hartu du kargua, Imanol Pradales lehendakariaren eta hezkuntza komunitateko zenbait ordezkariren aurrean.
Helsinkiko Unibertsitateak honoris causa doktore izendatu zuenak eskerrak eman dizkio aurreko errektoreari, Eva Ferreirari, eta haren lantaldeari kargua eskuz aldatzeko prozesuan laguntzeagatik.
Bengoetxeak "askatasun akademikoaren eta izpiritu kritikoaren" aldeko aldarria egin du, eta gogor jo du "post-egia" delakoaren aurka, "ebidentzia zientifikoak ukatzen dituzten adierazpenak" ugaritzen ari direlako. Hala, unibertsitatea horren aurkako "euste-horma" izango dela hitzeman du.
EHUren "nortasunaren ezaugarriak" azpimarratu ditu, tartean zenbait kanpus edukitzea, "inor atzean ez uzteko" sarrera parekidearen alde egitea, euskalduna eta unibertsala izatea, eta "mundura irekita" egotea.
Errektoreak euskaraz ikastearen eta ikertzearen aldeko apustua berretsi du, eta Euskal Herriko gainerako unibertsitateek (Deustu, Mondragon, Euneiz eta Nafarroako Unibertsitatea) "gurea bezain jarrera ireki, irmo eta eskuzabala" izatea eta EAEko erakundeek EHUren aldeko "apustu sendoa" egiten jarraituko dutela espero duela azaldu du.
"Jakintza eman eta zabaltzen" jarraitzeko konpromisoari eutsiz eman dio hitza lehendakariari.
Pradalesek EHUren maila goraipatu du, eta esan du hori ez duela "berezkoa", "etengabeko lanaren, inkonformismoaren eta emaitza onak lortzeko ahaleginaren" emaitza baita.
Zentzu horretan, gaineratu du Jaurlaritzak unibertsitateari "baliabide onenak" eman behar dizkiola, eta trukean "autoexigentzia eta anbizioa" eskatu dizkio EHUren komunitateari, "onak garen horretan onenen artean izan gaitezen".
Hauteskundeetako emaitzak
Bengoetxeak bozen % 63,6 lortu zituen 2024ko azaroaren 26ko hauteskundeetan; Eva Ferreirak, berriz, botoen % 36,3 eskuratu zituen.
Parte-hartzeak gora egin zuen unibertsitateko sektore guztietan, eta hautestontzietara deitutako 50.590 pertsonatik 11.081ek eman zuten botoa; horietatik 2.870ek, Ferreirari eta 7.599k, Bengoetxeari. 530 boto zuri eta 82 baliogabe izan ziren.
Zure interesekoa izan daiteke
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Herri Urratsek Senpere bete du Seaskako ikastolen alde
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa da nagusi goizetik arratsera, baina aldarrikapenak ere presentzia nabarmena du.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.