Epaiketak

2024/05/20 - 16:15

Usurbilen bi pertsona hil zituen gidariak bere bidetik zihoala uste zuela azpimarratu du epaiketan

Astelehen honetako saioan, halaber, bost lekukok deklaratu dute: akusatuaren neska-lagunak eta beste bi pertsonak (haren eta autoan hildakoen ondoan zihoazenak), anbulantziako gidariak eta autopistako mantentze-lanetako langile batek.

2024/05/20 - 16:03

Erresuma Batuko Justiziak AEBra estraditatzearen aurkako apelazio baimen berri bat eman dio Assangeri

WikiLeaksen sortzaileari 18 espioitza eta pirateria informatikoko karguak leporatzen dizkiote, eta Estatu Batuetan 175 urteko zigorra ezar diezaiokete.

2024/05/18 - 18:06

Behin-behineko espetxealdia ezarri diote Eslovakiako lehen ministroaren erasotzaileari

Poliziak egindako galdeketan errudun dela aitortu du. Bestalde, esan du lehen ministroari tiro egin ziola haren politikekin ados ez dagoelako eta zauritu nahi zuelako, "hiltzeko asmorik gabe".

2024/05/17 - 21:35

Altsasu auziari buruzko liburua eta webgunea aurkeztu dituzte, gertatutakoa ez ahazteko

Bultzatzaileek gogorarazi dute Altsasu auziak hainbat irakaspen utzi dizkiela, hala nola "ez dela bertsio ofizialarekin fidatu behar" eta "Estatuaren eraberrikuntza demokratikoa beharrezkoa" dela.

2024/05/17 - 20:09

Usurbilen bi pertsona hil zituen gidariak astelehenean deklaratuko du Gipuzkoako Auzitegian

Ostiral honetan osatu da bederatzi kidek eta bi ordezkok osatutako herri-epaimahaia. Astelehenean, 09:30ean, galdeketa egingo zaio akusatuari, eta, ondoren, bost lekukok testigantza emango dute. Epaiketa maiatzaren 28ra arte luzatzea aurreikusten da.

2024/05/17 - 17:43

Gipuzkoako Foru Aldundiak desadostasuna adierazi du Uliazpiko ebazpenarekin

Gipuzkoako Foru Aldundiak "desadostasun irmoa" adierazi du, Auzitegi Gorenak Uliazpik aurkeztutako errekurtsoa ez izapidetzea erabaki duelako.

2024/05/17 - 14:17

Israelek ukatu egin du Gazan genozidioa gertatzen ari dela eta defendatzeko eskubidea aldarrikatu du

Gilad Noam Israelgo ordezkariak Hagako Nazioarteko Auzitegiari eskatu dio atzera bota ditzala Hego Afrikak eskatu dituen kautelazko neurri gehigarriak. Halaber, genozidioaren "parodia" egitea leporatu dio Hego Afrikari.

2024/05/17 - 12:02

Haurrak ez txertatzea egotzita ikerketapean dagoen erizaina lanera ez itzultzea eskatu dute kasuko familiek

Ohar batean, "suminduta" agertu dira auzitara jo zuten Santurtziko familiak. Prentsan zabaldu denez, erizainak senda agiria jaso du eta lanera itzuliko omen da. Osakidetzari hori saihesteko eskatu diote gurasoek.

2024/05/17 - 10:45

Kontrako noranzkoan gidatzeagatik Usurbilen bi hildako eragin zituen gizonaren aurkako epaiketa hasi da

2017ko otsailaren 11ko 06:20an gertatu zen istripua AP-8 autobidean. Gizon horrek gidatzen zuen Opel Astra markako autoak anbulantzia bat jo zuen, Usurbil parean, eta bi pertsona hil eta zazpi zauritu zituen.

2024/05/17 - 10:02

Albiste izango dira: LGTBIfobiaren aurkako eguna, 'Borkum' itsasontzia, eta epaiketa AP-8ko kamikazeari

Gaurkoan albiste izango direnen laburpena, bi hitzetan.

2024/05/16 - 21:56

Rafahko erasoaldia Gaza suntsitzeko "amaieraren" parte dela ohartarazi dio Hegoafrikak Hagako Auzitegiari

Nabarmendu duenez, Nazioarteko Justizia Auzitegiaren aurreko aginduak ez dira eraginkorrak izan, "izan eskatzen dutenaren argitasun faltagatik, izan Israelek entzungor egin dielako"; eta auzitegiari eskatu dio Israeli "argi eta garbi" exjitzea operazio militarrak bertan behera utz ditzan.

2024/05/16 - 16:23

''Txetx'' Etcheverry: ''Pozik gaude eta egin genuena beharrezkoa zela pentsatzen jarraitzen dugu''

Jean Noel Etcheverry Txetx eta Beatrice Molle "bakearen artisauak" errudun jo ditu bi ekintzaileok epaitzeaz arduratu den Parisko Zigor Auzitegiko epaileak, baina zigorrik gabe uztea ebatzi du.

2024/05/16 - 15:21

Hainbat erakundeetara bonba gutunak bidaltzea leporatzen dioten gizonak dena ukatu du epaiketan

Pompeyo Gonzalezek epailearen aurrean adierazi duenez, ez daki lehergailuak egiten eta ukatu egin du bonbak nola egiten diren Interneten bilatu izana.

2024/05/16 - 14:15

Europako Giza Eskubideen Auzitegiak artxibatu egin du Masek Espainiaren kontra jarritako helegitea

2014ko galdeketaren harira Auzitegi Gorenak bi urteko inhabilitazioa ezarri zion Kataluniako presidente izandakoari, eta hark erabaki horren kontrako helegitea jarri zuen Estrasburgon.

2024/05/15 - 20:03

GuraSOSek EAEko Auzitegi Nagusiak emandako epaiaren aurka jarritako helegitea onartu du Konstituzionalak

GuraSOSek azaldu duenez, "epai horren arazoa da ea EAEko Auzitegi Nagusia gaiaren muinean sartzera behartuko duen ala ez, eta erraustegia baimentzea legez kanpokoa den ala ez erabakitzera, horrek haren funtzionamenduan izan ditzakeen ondorioengatik".

2024/05/15 - 14:08

Iruñeko eraso homofoboaren biktima ''pozik'' dago erasotzaileari ezarritako zigorrarekin

2023ko ekainaren 26an, LGTBI Harrotasunaren Nazioarteko Eguneko ospakizunetan, Iruñean labankadaz zauritutako gizonak beldurra izaten jarraitzen duela dio. "Jazarria sentitzen naiz", adierazi du biktimak.

2024/05/15 - 13:56

14 urteko kartzela zigorra ezarri diote Arabako gizon bati zortzi urtez alabari sexu erasoak egiteagatik

Behin espetxealdia beteta, 5 urtez zaintzapeko askatasunean egongo da. Halaber, 15 urtean ezingo da biktimarengana hurbildu eta 40.000 euroko kalte ordaina eman beharko dio. Epaia ez da irmoa eta helegitea jar daiteke EAEko Justizia Auzitegi Nagusiaren aurrean.

2024/05/15 - 12:45

5 urteko espetxea adostu dute sexu-orientazioagatik Iruñean gizon bat hiltzen saiatu zen auzipetuarentzat

Iazko ekainean izan zen erasoa, Iruñean, LGTBI Harrotasunaren Nazioarteko Eguneko ospakizunen testuinguruan. Alkoholaren eta drogen eraginpean egotearen aringarria aintzat hartu zaio akusatuari.

2024/05/15 - 09:53

Albiste izango dira: Nakba eguna Palestinan, Iruñeko eraso homofoboaren epaiketa eta Adimen artifiziala EAEn

Gaurkoan albiste izango direnen laburpena, bi hitzetan.

2024/05/14 - 11:14

Basurtuko Ospitalean haur bat lapurtu zuela onartu eta gurasoei barkamena eskatu die auzipetuak

Fiskaltzak 4 urte espetxe-zigorra eskatu du auzipetuarentzat, legearen aurkako atxiloketa delituagatik. Akusazio partikularrak, aldiz, 7 urte kartzela eskatu du, adin txikiko bat bahitzea eta abandonatzea egotzita.