Albiste izango dira: Goialdeko depresioa Valentzian, kanpaina amaiera AEBn eta Santi Cocaren epaiketa
Honako gai hauek hartuko dituzte gaur, 2024ko azaroaren 4an, hedabideetako lerroburu nagusiak:
- Goialdeko depresioa Valentzian: Gutxienez 214 pertsona hil dira Valentziako Erkidegoa, Gaztela-Mantxa eta Andaluzia astindu dituen goialdeko depresioak eragindako hondamenarn ondorioz. Biktima gehienak (210) Valentzia probintzian izan dira, 3 Gaztela-Mantxan eta 1 Andaluzian. Hala ere, biktima kopuruak gora egingo du, behin aparkalekuetatik eta tuneletatik ura eta lokatza atera dutenean. Valentzian alerta laranja ezarri dute gaurko, izan ere, baliteke ordubetean metro koadroko 40 litro pilatzea. Halaber, kaltetutako eremuetako errepideetako mozketak luzatzea erabaki dute.
- Kanpaina amaiera AEBn: Gaur amaituko da herrialdeko presidentea aukeratzeko hauteskunde kanpaina Ameriketako Estatu Batuetan. Bihar egingo da bozketa egun handia, eta 7 estatu giltzarriei begira bukatuko dute kanpaina Kamala Harris Alderdi Demokrataren AEBko presidentetzarako hautagaiak eta Donald Trump Alderdi Errepublikanoaren presidentegaiak. Izan ere, inkestek berdinketa teknikoa iragartzen dute bi hautagaien artean
- Santi Cocaren hilketaren bigarren epaiketa: Santi Cocaren hilketaren bigarren epaiketa gaur hasiko da, eta akusatuen aulkian eseriko da lehenengoan egon ez zen auzipetua, ihes eginda egon zena, Frantzian atxilotu zuten arte. Coca 2019an hil zuten, Donostiako dantzaleku baten kanpoaldean jipoia jasota.
Zure interesekoa izan daiteke
Ikuskizunetako teknikariek abuztuaren 5erako deitutako grebarekin bat egingo dute Gasteizko txosnek
45 ikuskizun izango dira txosnetan, eta, horrez gain, beste hamaika proposamen kolektibo ezberdinen eskutik. Dozenaka kolektibok eta ehunka boluntariok dihardute egunotan auzolanean txosna gunea egokitzen. Testuinguru horretan, ikuskizunetako eta ekitaldietako teknikariek abuztuaren 5erako deitutako greba egunarekin bat egingo dute.
Motor gidari bat hil da Lezon izandako trafiko istripu batean
Istripua GI-3440 errepidean gertatu da, Lezon, 18.00ak aldera. Osasun arloko langileak bertaratu dira, baina ezin izan dute suspertu, eta hil egin da. Istripuaren ondorioz, zirkulazioa eten egin behar izan dute bi noranzkoetan. Gertatutakoaren nondik norakoak ikertzen ari dira.
La Oreja de Van Goghen abestiak ardatz, Donostia ezagutzeko tour turistiko bat sortu dute
Lander Agirreurreta donostiarrarekin batera, pop talde ezagunaren abestietan aipatzen diren txokoak bisitatu ditugu.
Txosnetako kontzertuak bertan behera hiru egunetan: abuztuaren 5ean Gasteizen, 14an Donostian eta 26an Bilbon
Kontzertuak bertan behera geratu dira ikuskizunetako langileek deitutako grebaren ondorioz.
Goizeko auto-ilaren ondoren, normaltasuna berreskuratu du zirkulazioak AP-8an eta A-1ean
Irteera operazioa dela eta, ibilgailu ugari pilatu dira goizean goizetik, Frantziatik penintsularen hegoaldera. Araban, A-1 autobidean, Gasteiz parean eta Madrilerako bidean sortu dira pilaketak.
Gizon bat atxilotu dute Gasteizen, gazte bati lapurreta egiten eta hiltzen saiatzea egotzita
Atxilotua, 27 urtekoa, 21 urteko mutil baten furgonetan lapurreta egiten saiatu da lagun batekin, eta biktimak aurre egin die.
Bi pertsona zauritu dira Saratsan, bi ibilgailuk talka eginda
Istripua 18:00ak aldera jazo da, N-240-A errepidean. Gizonak gerrialdeko min arina izan du, eta emakumeak, berriz, hainbat kolpe jaso ditu, eta haren zaurien pronostikoa erreserbatua da.
Pertsona bat zauritu da A-8an, Muskizen, Bilborako noranzkoan, autoa iraulita
Istripua 17:55 aldera jazo da, eta ibilgailua A-8 autobideko eskuineko eta erdiko erreietan traban geratu da; ondorioz, kilometro bateko ilarak sortu dira inguruetan, Bilbora bidean.
Euskarabenturak Getxon amaitu du bere ibilbidea, 650 kilometro egin ostean
130 gaztek Euskal Herriko zazpi lurraldeak zeharkatu dituzte, euskara ahoan, lagun berriak eginez eta esperientziak bilduz bihotzean gordetzeko. Ostiral goizean erantzi dituzte duela 31 egun Atharratzen jantzi zituzten oinetakoak, baina abenturak utzi dien arrastoa ez dute inoiz ahaztuko.
Gasteizek 1.000 lokal etxebizitza bihurtzeko bidea ireki du
Proiektuak eraldaketatik kanpo utziko ditu Alde Zaharra, Zabalgunea, Arriagako zati handi bat eta Salburuko zein Zabalganeko finkatu gabeko eremuak, eta etxebizitza berriak titularraren ohiko bizileku iraunkor gisa erabili beharko dira.