Espetxeak

2024/10/14 - 13:48

Senatuak astelehen honetan egingo du Europan betetako zigorrak aintzat hartzeko lege erreformaren bozketa

PPk, gehiengo osoa baliatuta, atzeratu egin zuen bozketa aurreko asteartean, baina astelehen honetan egingo da, eta legea onartu egingo da, bozketan ezezkoa nagusituta ere. ETAko 40 bat presori eragingo die neurriak, eta lehenago atera ahalko dira espetxetik.

2024/10/08 - 13:35

Europan betetako zigorrak aintzat hartzeko lege erreformaren bozketa atzeratzea erabaki du Senatuak

Urrats honekin, bozketa atzeratzea lortu badute ere, popularrek ezingo dute lege erreforma gelditu. Eztabaida urriaren 14an egingo dute azkenean seguru aski.

2024/10/08 - 10:55

ETAko 44 presoren askatasuna azkartuko duen erreforma errefusatu dute PPk eta Voxek, alde bozkatu zuten arren

Europar Batasunaren irizpide bati jarraiki, Kongresuak lege-erreforma bat onartu zuen irailean, presoek kondena bera bi herrialdetan betetzea galarazteko. PPk eta Voxek ere onartu zuten erreforma, baina orain atzera egin dute.

2024/09/25 - 18:40

San Josek "eskubideen urraketa orori argi eta garbi zilegitasuna kentzen dion" memoria bat nahi du

Justizia eta Giza Eskubideetako sailburuak amaiera eman dio Eusko Jaurlaritzako sailburuek legealdi honetarako helburu nagusiak azaltzeko egin dituzten agerraldiei.

2024/09/17 - 22:22

35 urteko gizon bat espetxeratu dute, abuztuan Sopelan izandako sexu-eraso bat leporatuta

Gizona astelehenean atxilotu zuten, eta astearte goizean epailearen esku utzi ondoren, Basauriko espetxera eraman dute.

2024/09/14 - 19:07

2023ko azarotik ihes eginda zegoen preso bat atxilotu dute Deban

Deban zebilela jakin ostean, Ertzaintzako agenteak harengana hurbildu ziren, eta identifikatu zutenean baieztatu zuten hura bilatu, atxilotu eta espetxeratzeko lau agindu judizial zeudela indarrean. Azaroaren 2an eman zioten baimen baten ostean, ez zen Arabako espetxera itzuli.

2024/08/03 - 14:46

De Miguel egunero aterako da kartzelatik Bizkaiko aholkularitza-enpresa batean lan egitera

Arabako EAJko buruzagi ohia Zaballako espetxetik Basaurira eraman dute eta astelehenetik aurrera erdi-askatasuneko baimena izango du, espetxean sartu eta 13 hilabetera.

2024/08/01 - 19:12

Nortzuk dira Errusiak eta AEBk eta aliatuek trukatu eta aske utzitako presoak?

26 pertsona dira, tartean militarrak eta kazetariak, eta zazpi herrialdetatik hegazkinez bidali dituzte Ankarara, trukea egiteko.

2024/07/15 - 16:59

Jaurlaritzak lan egingo du ETAko presoek "eragindako kaltea injustua" izan zela aitor dezaten

Horixe adierazi du Maria Jesus San Jose Eusko Jaurlaritzako Justiziako sailburu berriak astelehen honetan Donostiako Miramar Jauregian abiatu den espetxeei buruzko udako ikastaroan.

2024/07/15 - 16:56

San Josek esan du Jaurlaritzak ez duela etsiko ETAko presoek ''eragindako minaren bidegabekeria'' onar dezaten

Maria Jesus San Jose Justizia sailburuak ziurtatu du bere sailak lan egingo duela ETAko presoek, zigorra betetzen dutenean eta kartzelatik ateratzen direnean, "mina ez ezik, eragindako minaren bidegabekeria sakona ere onar dezaten".

2024/07/10 - 18:40

Ines Soriak ordezkatuko du Jaime Tapia Eusko Jaurlaritzako espetxe aholkulari gisa

Soriaren proposamena Justizia eta Giza Eskubideen sailburu Maria Jesus San Jose sozialistak berak egin du. Joan den legealdian Saila EAJren esku zegoen.

2024/07/04 - 22:59

Preso bat hilik aurkitu dute Bizkaiko espetxean, itxuraz bere buruaz beste eginda

2021ean espetxeen eskumena eskualdatu zenetik, EAEko kartzeletan hildako zazpigarren presoa da. Ikerketa abia dezala eskatu dio Salhaketa elkarteak Eusko Jaurlaritzari, eta suizidioen aurkako protokoloak behar bezala martxan jartzeko ere.

2024/07/03 - 22:13

Nazioarteko atxilotze agindua Arabako espetxetik ihes egin duen sexu erasotzaile baten kontra

Apirilean ihes egin zuen Zaballako kartzelatik, baimen bat aprobetxatuta. Gasteizen bikotekidearen kontrako sexu erasoa egiteagatik ezarri zioten 12 urteko kartzela zigorra.

2024/06/29 - 18:16

'Ezker Abertzalearen ildo ofizialarekin' bat ez datozenei bisitak ukatu zaizkiela diote ETAko presoen senideek

ETAko presoen senide eta lagunek salatu dutenez, Ezker Abertzalearen "ildo ofizialarekin bat ez egiteagatik" eta "borroka estrategien aldekoak" izateagatik ukatu dizkiete bisitak hainbat presori.

2024/05/15 - 10:53

Bi espetxe-agenteren hiltzaileak aurkitzeko polizia operazio zabala jarri dute martxan Frantzian

200 jendarme, eliteko talde berezia eta zenbait helikoptero ari dira bilaketa lanetan. Val-de-Reuil herriko autobideko ordainleku batean gertatu zen erasoa. Lau gizon armatuk atxilotu bat zeraman konboiari eraso egin zioten eta bi agente hil zituzten.

2024/05/07 - 18:27

Preso bat hilda aurkitu dute Basauriko espetxean, indarkeria zantzurik gabe

Heriotzaren arrazoiak zehatzago ezagutuko dira egingo zaion autopsiaren emaitzen ondoren, Eusko Jaurlaritzak jakinarazi duenez. Salhaketak salatu du hildakoa duela astebete espetxeratu zutela, "bere gaixotasun mentalak bere buruaz beste egiteko arrisku handia zuela jakinda".

2024/04/09 - 13:42

Urdangarin aske geratu da, ustelkeriagatik bost urte eta hamar hilabeteko zigorra bete ondoren

Palmako Auzitegiak sei urte eta hiru hilabeteko kartzela-zigorra ezarri zion dirua bidegabe erabiltzeagatik, prebarikazioagatik, Administrazioari iruzur egiteagatik, bi delitu fiskalengatik eta influentzia-trafikoagatik.

2024/03/30 - 21:16

Sarek manifestazioa deitu du apirilaren 5erako Gasteizen, ETAko presoen "gradu erregresioak" salatzeko

Martxa 20:00etan abiatuko da Andre Maria Zuriaren plazatik, eta Juan Carlos Subijanak eta Joseba Bordek hirugarren gradua berreskuratzeko eskatuko dute. Duela gutxi espetxera itzuli behar izan dute biek, hirugarren gradua lortu eta gero Auzitegi Nazionaleko Fiskaltzak helegitea jarri ostean.

2024/03/18 - 13:34

5.506 preso ezin izango dira ziegetatik atera gaur Kataluniako espetxeetan

Ehunka espetxe-funtzionariok Kataluniako kartzeletarako sarbideak blokeatu dituzte goizean goizetik, Tarragonako Mas d 'Enric espetxeko sukaldari baten hilketa salatzeko eta segurtasun neurri handiagoak eskatzeko. Horretaz gain, arduradunen dimisioa ere eskatzen dute.

2024/03/18 - 12:15

Kataluniako kartzeletako funtzionarioek bost espetxetarako sarbideak blokeatu dituzte protestetan

Bost espetxetarako sarbideak itxi dituzte: Brians 1, Brians 2, Quatre Camins, Ponent eta Mas d 'Enric. Mobilizazioak egiten ari dira joan den asteko ostegunetik, ondoren bere buruaz beste egin zuen Mas d 'Enric (Tarragona) espetxeko preso batek sukaldari bat hil zuelako.