Espetxeak

2024/08/01 - 19:12

Nortzuk dira Errusiak eta AEBk eta aliatuek trukatu eta aske utzitako presoak?

26 pertsona dira, tartean militarrak eta kazetariak, eta zazpi herrialdetatik hegazkinez bidali dituzte Ankarara, trukea egiteko.

2024/07/15 - 16:59

Jaurlaritzak lan egingo du ETAko presoek "eragindako kaltea injustua" izan zela aitor dezaten

Horixe adierazi du Maria Jesus San Jose Eusko Jaurlaritzako Justiziako sailburu berriak astelehen honetan Donostiako Miramar Jauregian abiatu den espetxeei buruzko udako ikastaroan.

2024/07/15 - 16:56

San Josek esan du Jaurlaritzak ez duela etsiko ETAko presoek ''eragindako minaren bidegabekeria'' onar dezaten

Maria Jesus San Jose Justizia sailburuak ziurtatu du bere sailak lan egingo duela ETAko presoek, zigorra betetzen dutenean eta kartzelatik ateratzen direnean, "mina ez ezik, eragindako minaren bidegabekeria sakona ere onar dezaten".

2024/07/10 - 18:40

Ines Soriak ordezkatuko du Jaime Tapia Eusko Jaurlaritzako espetxe aholkulari gisa

Soriaren proposamena Justizia eta Giza Eskubideen sailburu Maria Jesus San Jose sozialistak berak egin du. Joan den legealdian Saila EAJren esku zegoen.

2024/07/04 - 22:59

Preso bat hilik aurkitu dute Bizkaiko espetxean, itxuraz bere buruaz beste eginda

2021ean espetxeen eskumena eskualdatu zenetik, EAEko kartzeletan hildako zazpigarren presoa da. Ikerketa abia dezala eskatu dio Salhaketa elkarteak Eusko Jaurlaritzari, eta suizidioen aurkako protokoloak behar bezala martxan jartzeko ere.

2024/07/03 - 22:13

Nazioarteko atxilotze agindua Arabako espetxetik ihes egin duen sexu erasotzaile baten kontra

Apirilean ihes egin zuen Zaballako kartzelatik, baimen bat aprobetxatuta. Gasteizen bikotekidearen kontrako sexu erasoa egiteagatik ezarri zioten 12 urteko kartzela zigorra.

2024/06/29 - 18:16

'Ezker Abertzalearen ildo ofizialarekin' bat ez datozenei bisitak ukatu zaizkiela diote ETAko presoen senideek

ETAko presoen senide eta lagunek salatu dutenez, Ezker Abertzalearen "ildo ofizialarekin bat ez egiteagatik" eta "borroka estrategien aldekoak" izateagatik ukatu dizkiete bisitak hainbat presori.

2024/05/15 - 10:53

Bi espetxe-agenteren hiltzaileak aurkitzeko polizia operazio zabala jarri dute martxan Frantzian

200 jendarme, eliteko talde berezia eta zenbait helikoptero ari dira bilaketa lanetan. Val-de-Reuil herriko autobideko ordainleku batean gertatu zen erasoa. Lau gizon armatuk atxilotu bat zeraman konboiari eraso egin zioten eta bi agente hil zituzten.

2024/05/07 - 18:27

Preso bat hilda aurkitu dute Basauriko espetxean, indarkeria zantzurik gabe

Heriotzaren arrazoiak zehatzago ezagutuko dira egingo zaion autopsiaren emaitzen ondoren, Eusko Jaurlaritzak jakinarazi duenez. Salhaketak salatu du hildakoa duela astebete espetxeratu zutela, "bere gaixotasun mentalak bere buruaz beste egiteko arrisku handia zuela jakinda".

2024/04/09 - 13:42

Urdangarin aske geratu da, ustelkeriagatik bost urte eta hamar hilabeteko zigorra bete ondoren

Palmako Auzitegiak sei urte eta hiru hilabeteko kartzela-zigorra ezarri zion dirua bidegabe erabiltzeagatik, prebarikazioagatik, Administrazioari iruzur egiteagatik, bi delitu fiskalengatik eta influentzia-trafikoagatik.

2024/03/30 - 21:16

Sarek manifestazioa deitu du apirilaren 5erako Gasteizen, ETAko presoen "gradu erregresioak" salatzeko

Martxa 20:00etan abiatuko da Andre Maria Zuriaren plazatik, eta Juan Carlos Subijanak eta Joseba Bordek hirugarren gradua berreskuratzeko eskatuko dute. Duela gutxi espetxera itzuli behar izan dute biek, hirugarren gradua lortu eta gero Auzitegi Nazionaleko Fiskaltzak helegitea jarri ostean.

2024/03/18 - 13:34

5.506 preso ezin izango dira ziegetatik atera gaur Kataluniako espetxeetan

Ehunka espetxe-funtzionariok Kataluniako kartzeletarako sarbideak blokeatu dituzte goizean goizetik, Tarragonako Mas d 'Enric espetxeko sukaldari baten hilketa salatzeko eta segurtasun neurri handiagoak eskatzeko. Horretaz gain, arduradunen dimisioa ere eskatzen dute.

2024/03/18 - 12:15

Kataluniako kartzeletako funtzionarioek bost espetxetarako sarbideak blokeatu dituzte protestetan

Bost espetxetarako sarbideak itxi dituzte: Brians 1, Brians 2, Quatre Camins, Ponent eta Mas d 'Enric. Mobilizazioak egiten ari dira joan den asteko ostegunetik, ondoren bere buruaz beste egin zuen Mas d 'Enric (Tarragona) espetxeko preso batek sukaldari bat hil zuelako.

2024/03/18 - 11:31

Kataluniako zazpi espetxetan ez dituzte 6.000 preso baino gehiagoren ziegak ireki, langileen protestengatik

Ostegunetik mobilizazioak egiten ari dira, ondoren bere buruaz beste egin zuen Mas d 'Enric (Tarragona) espetxeko preso batek sukaldari bat hil zuelako.

2024/03/09 - 13:18

Salbuespen egoera eta sakabanaketa amaitzea, Sareren etorkizuneko lan-ildoak

ETAko presoen eskubideen aldeko Sare plataformak IX. biltzarra egin du larunbat honetan Gasteizen. Salbuespen egoera eta sakabanaketarekin amaitzea dira elkartearen lan-ildo nagusiak, Bego Atxa eta Joseba Azkarraga bozeramaileek azaldu dutenez.

2024/01/14 - 14:29

Sarek Itxasori erantzun dio ETAko presoei ez zaiela aplikatzen "ohiko legedi normalizatua"

Bestalde, atzo "dozenaka mila pertsona" mobilizatu izanak "salbuespen politiken aurka lan egiten jarraitzeko bultzada" eman ziela azpimarratu du.

2024/01/14 - 12:51

Denis Itxaso: ''ETAko presoei ohiko legedia aplikatzen zaie, horregatik eman dira pausoak''

Espainiako Gobernuak EAEn duen ordezkariak zehaztu du presoen gradu aldaketak tratamendu batzordeetan erabakitzen badira ere, azken hitza epaileek dutela, eta horrela gertatzen dela Estatu osoan.

2024/01/13 - 20:18

Milaka lagun bildu dira Bilbon, "Konponbiderako giltzak" lelopean, Sarek deitutako manifestazioan

"Salbuespenezko espetxe politika alde batera utzi eta aro berri bati ekitea" eskatu dute manifestariek. "Presoen eskubideak aitortzen ez badira, bidegabekeriak iraungo du eta arazo batek konpondu gabe jarraituko du", esan du Anaiz Funosasek azken hitzartzean.

2024/01/13 - 18:46

''Konponbiderako giltzak'' lelopean Sarek deitutako manifestazioak Bilboko erdigunea hartu du

Milaka lagun bildu dira ETAko presoen eskubideen aldeko urteroko manifestazioan. Aurtengoa ordubete lehenago hasi da, San Mamesen izango den euskal derbia dela eta.

2024/01/13 - 13:53

Begoña Atxa: ''Bada garaia iraganeko egoerei ateak ixteko eta egoera berriei ateak irekitzeko''

Sarek ETAko presoen alde urtero deitzen duen manifestazioa izango da gaur Bilbon, "Konponbiderako giltzak" lelopean. Mobilizazioa 16:00etan abiatuko da, Casilla plazatik.