Sarek manifestazioa deitu du apirilaren 5erako Gasteizen, ETAko presoen "gradu erregresioak" salatzeko
ETAko presoen eskubideen aldeko Sare herritarrak manifestazioa deitu du apirilaren 5erako Gasteizen, hirugarren gradua jasota zuten presoen "gradu erregresioak" salatzeko.
Martxa 20:00etan abiatuko da Gasteizko Andre Maria Zuriaren plazatik, eta Juan Carlos Subijanak eta Joseba Bordek hirugarren gradua berreskura dezaten eskatzeko antolatu dute; izan ere, Auzitegi Nazionaleko Fiskaltzak helegitea jarri du Basauriko espetxeko tratamendu batzordeak proposatu eta Eusko Jaurlaritzak haiei onartutako hirugarren graduaren kontra. Sarek salatu duenez, hirugarren aldiz jarri du Ministerio Publikoak espetxeetako profesionalen eta Eusko Jaurlaritzaren erabakien aurkako helegitea.
Joseba Borde (65 urte) hiru hilketagatik zigortu zuten, guztira 200 urteko espetxealdira, 30 urteko mugarekin. Sareren arabera, 30 urteko zigor osoa beteko du azaroan, programatutako 20 irteera baino gehiago eta bederatzi baimen arrunt izan ditu, eta espetxean egiten du lan.
Juan Carlos Subijanak 59 urte ditu, eta Maximo Casado espetxe-funtzionarioa hiltzeko informazioa emateagatik zigortu zuten. 28 urteko zigorra ezarri zioten, eta 23 urte bete ditu, eta erantzukizun zibila ordaintzen ari da. Horrez gain, Sareren arabera, eragindako kaltea aitortzeko testu bat sinatu zuen. Preso honek biriketako gaixotasun larria du.
Albiste gehiago politika
Servinabar enpresaren % 45aren jabe Cerdan zela dioen dokumentu bat aurkitu du UCOk
Guardia Zibilaren UCO unitatearen arabera, Nafarroako eraikuntza enpresa hori dago obra publikoen legez kanpoko esleipenekin lotutako ustezko ustelkeria sarean.
Rufianek Sanchezi: ''Zin egizu hau ez dela PSOEren 'Gurtel auzia'''
PSOEren Gurtel kasu bat ez dela ziurtatzeaz gain, Gabriel Rufian ERCko bozeramaileak Sanchezi eskatu dio inplikatutako enpresen aurka egitea eta "ustelkeriatan dabilen oro bizi osorako inhabilitatzea". "Ezkerrak ezin du lapurtu", adierazi du.
Herritarren galderei erantzun eta lehen urteko balantzea egingo du lehendakariak, gaur, ETB2n
Ajuria Enetik zuzenean egingo da emanaldi berezia, 22:15etik aurrera, Africa Baetak aurkeztuta. Imanol Pradalesi elkarrizketa egingo diote eta, ondoren, herritarren galderak erantzungo ditu lehendakariak.
Pedro Sanchez eta Alberto Nuñez Feijooren arteko eztabaida gogorra Kongresuan
Sanchezek eta Feijook aurrez aurreko gogorra izan dute Kongresuko Gobernuaren kontrolerako saioan, Santos Cerdanek alderdiko Antolakuntza Idazkaritza utzi ostean, UCOren txostena dela medio.
Albiste izango dira: Lehendakariari elkarrizketa ETB2n, gorroto delituei buruzko ikerketa eta Jazzaldia
Gaurkoan albiste izango direnen laburpena, bi hitzetan.
Lehendakariari elkarrizketa, zuzenean ETB2n
Saio berezia izango da, Ajuria Enetik zuzenean, 22:15etik aurrera, Africa Baetak aurkeztuta. Imanol Pradalesi egindako elkarrizketa batekin hasiko da saioa, eta, ondoren, lehendakariak herritarren galderei ere erantzungo die.
Sanchezek jarraitu egingo duela adierazi die militanteei, eta salatu du "eraso moral" baten aurrean daudela
PSOEko idazkari nagusiaren esanetan, "bizi dugun une zailak ez digu perspektiba galarazi behar", eta horregatik jarraituko du aurrera Gobernu aurrerakoiak.
Amiantoaren biktimei kalte-ordaina jasotzeko aukera emango dien araudia onartu du Espainiako Gobernuak
Ministroen Kontseiluak Errege Dekretua onartu du, konpentsazio-funtsaren erregelamenduarekin, funtsa onartu eta bi urte eta erdira, nahiz eta zeregin horretarako epea hiru hilabetekoa izan. Gainera, gaur onartutako araua argitaratu eta hiru hilabetera sartuko da indarrean.
Anduezak EAJri leporatu dio "kontsentsua apurtu" izana eta EH Bilduri "segidismorik ez egiteko" eskatu dio
Eneko Andueza sozialisten idazkari nagusiak ez du begi onez ikusi hizkuntza eskakizunaren inguruan EAJk esandakoa, eta esan du ez duela ikusten aurreko euskararen dekretua aldatzeko inolako arrazoirik.
Sanchezek barkamena eskatu die herritarrei: "Ez genuen inoiz Santos Cerdanekin fidatu behar"
Espainiako Gobernuko presidente eta PSOEko idazkari nagusiak ziurtatu du konbentzituta zegoela Cerdanen osotasunarekin. Halaber, PSOEren kontuak ikertzeko eta alderdia berregituratzeko auditoria bat martxan jarriko duela iragarri du.