ETA
2023/10/27 - 23:23
Motibazio politikoko indarkeriaren biktima izatea aitortu berri dio Jaurlaritzak Josu Mugikari
ETA politiko militarreko kidea zela, 23 urterekin, Poliziak Madrilen hil zuen. Biktima aitorpen horren balorazio gazi-gozoa egin du gaur legazpiarraren familiak. Galdera batzuen erantzuna jaso bai, baina beste asko oraindik erantzunik gabe daudela salatu dute.
2023/10/26 - 14:23
EH Bilduk bere aitaren hilobiaren aurkako erasoa gaitzetsi ez izana kritikatu du Marta Buesak
Marta Buesak azpimarratu du "lazgarria" izan zela jakitea Gasteizko Udalaren adierazpen instituzionalak ez zuela talde politiko guztien aho bateko babesa izan. "Oso etsigarria izan zen jakitea EH Bilduk ez zuela adierazpen horrekin bat egin nahi izan", adierazi du.
2023/10/21 - 15:41
''Konponbiderako giltzak'' lelopean manifestatuko da Sare urtarrilaren 13an
Presoen eskubideen aldeko urteroko martxaren leloa aurkeztu du ETAko presoei babesa erakusteko herri-plataformak Gernika-Lumon, eta horiei ezartzen zaien "salbuespenezko espetxe-politika" salatu du berriro.
2023/10/16 - 16:08
Zapatero amnistiaren alde agertu da, eta bere momentuan Otegiri ere aplikatzea pentsatu zuela esan du
Espainiako Gobernuko presidente ohiak aukera hori aztertu zuen, baina baztertu egin zuen, "zorionez, ETAren amaiera elkarrizketa bidezko amaiera izan zelako".
2023/10/14 - 19:28
40 urte Lasa eta Zabala desagertu zirenetik
Joxean Lasa eta Joxi Zabala bahitu, torturatu eta hil zituztenetik 40 urte bete dira. GALen lehen biktimak izan ziren.
2023/10/13 - 12:00
40. urterrenean, Pili Zabalak kritikatu du oraindik ez dutela lortu ez egia, ez justizia, ez erreparazioa
Joxean Lasarekin batera GALek bahitu eta guardia zibilek torturatu eta hil zuten Joxi Zabalaren arrebak, hala ere, esan du geroz eta aitortza sozial zabalagoa jasotzen ari direla.
2023/10/08 - 15:17
PSE-EEren gazteek Buesa eta Diezen monolitoaren kontrako erasoak gaitzetsi dituzte, ekitaldi batean
EGAZek antolatutako ekitaldian, Maider Etxebarria Gasteizko alkate sozialistak esan du "egon zen indarkeria gaitzesteari uko egiten diotenak" kritikatu ditu.
2023/10/06 - 18:52
Beste eraso bat Fernando Buesaren memoriari: hilobia zikindu dute espraiarekin eta gorozkiekin
Gasteizko Udalak adierazpen bat onartu du atzoko eta gaurko erasoak gaitzesteko, eta EH Bildu akordio horretatik kanpo geratu da. Dena den, Arnaldo Otegik "erabateko gaitzespena" agertu du bi gertakarion aurrean.
2023/10/06 - 15:03
Otegik "arbuiatu" egin ditu Buesaren monolitoaren eta panteoiaren aurkako eraso "onartezinak"
EH Bilduko koordinatzaile nagusiaren esanetan, biktima guztiak eta horien memoria errespetatzea oinarrizko baldintza da bizikidetza eraikitzeko.
2023/10/06 - 14:48
Fernando Buesa Fundazioak familiaren "samin sakona" nabarmendu du haren hilobiak jasandako erasoa tarteko
Eduardo Mateo Fundazioko proiektu burua EH Bilduri eta Arnaldo Otegiri zuzendu zaie, eta ETA "deslegitimatu eta gaitzetsi" dezatela galdegin die. "Esan dezatela ez zuela inoiz existitu behar", azpimarratu du.
2023/10/06 - 12:42
Pintura beltzarekin eta gorozkiekin eraso diote Fernando Buesaren hilobiari
ETAk 2000ko otsailaren 22an Jorge Diez bizkartzainarekin batera hildako Fernando Buesaren familiaren panteoiari pintura eta gorozkiekin eraso diote bart, Arabako hiriburuan bien omenez altxatutako monolitoaren kontra egindako sabotajearen ondoren.
2023/10/06 - 12:02
Idoia Mendia: ''Tamalez herri honetan oraindik asko egin behar dugu memoriaren alde''
"Memoria politikak oso beharrezkoak dira oraindik eta lan handia dugu, batez ere, gazte eremuetan", adierazi du Idoia Mendiak Fernando Buesaren monolitoari eta hilobiari eginiko erasoen inguruan galdetuta.
2023/10/06 - 11:43
Urkullurentzat ''guztiz gaitzesgarriak'' dira Fernando Buesaren monolitoaren eta hilobiaren aurkako erasoak
"Ikusten ari gara Euskadin ere badirela indarkeria politikoa erabili nahi izango luketen taldetxo batzuk ere", adierazi du Iñigo Urkulluk. "Badira taldetxo hoien gain eragina izan dezaketen eragile batzuk eta indarrez esan beharko luketenak hori ez dela bidea", gaineratu du.
2023/10/02 - 20:08
ETAk hildako espetxe-funtzionarioak omendu ditu lehendakariak, I. Mandela Egunean
Donostiako Tabakalera zentroan 16:00etatik aurrera egingo den ekitaldian, espetxe-bizitzari buruzko hainbat bideo ikusiko dira, 1997an ETAk hildako Francisco Javier Gomez Elosegui funtzionarioaren irudia gogorarazteko egindakoa tartean.
2023/10/02 - 15:43
Espetxeetako langileek ETAren aldetik jasandako sufrimenduari buruzko txostena laster argitaratuko dute
Eusko Jaurlaritzako Berdintasun, Justizia eta Gizarte Politiketako sailburuak iragarri duenez, Pedro Arrupe Giza Eskubideen Institutua egiten ari den txostenean islatzen da espetxeetako langileek ETAren terrorismoagatik jasandako sufrimendua.
2023/10/02 - 09:17
Gomez Eloseguiren lankidea: ''Berak bazuen hilko zutenaren susmoa''
Pablo Martinez Larburuk gogoan du nola ezagutu zuen Francisco Javier Gomez Elosegui, 1997ko martxoaren 11n ETAk hil zuen Martuteneko espetxeko psikologoa. Bideo zati hau Gomez Eloseguiren izena daraman sari-banaketan egingo den proiekzioarena parte da.
2023/09/30 - 12:57
Euskadik bi urte beteko ditu espetxeen eskumenarekin, eta presoen laurdena erdi-askatasunean dagoelarik
EAEko hiru kartzeletan 1.577 preso daude, eta Jaurlaritzak bergizarteratzea sustatzen jarraitu nahi du hirugarren graduen eta erdi-askotasun erregimenen bidez. 200 presok kanpoan jarraitzen dute, eta bi urteren buruan horiek ere bertan egotea espero dute.
2023/09/24 - 01:21
''Ez dago zuriketarik, Urrutikoetxea den bezalakoa erakusten du, pertsona hotza eta eskrupulurik gabea''
No me llames Ternera filmari buruz galdetuta, Francisco Ruiz filmean hitz egiten duen ETAren biktimaren bilobak ontzat eman du Evoleren eta Sanchezen dokumentala. "Harrigarria", "interesgarria"... esan dute beste ikusle batzuek.
2023/09/24 - 00:42
Franciso Ruiz ETAren biktima: "'No me llame Ternera' filmeko zuzendariek lan bikaina egin dute"
Dokumenaltala ireki eta ixten duen Francisco Ruiz Kursaaleko aretoan zegoen filma jendaurrean lehen aldiz eman denean. Txalo zaparrada jaso du proiekzioa amaitzean.
2023/09/23 - 21:31
Evole: ''Urrutikoetxea erakundea beste edozeren gainetik jartzen duen militantea da; dezepzionatu gintuen''
Jordi Evole "No me llames Ternera" dokumentalaren zuzendariari gustatuko litzaioke "adiskidetzeko hitzkuntza" entzutea ETAko kide ohiaren ahotik. Era berean, pelikularen egileek estreinaldiaren inguruan sortutako "zarata" kritikatu dute.