ETAk hil zuen Montxo Doral ertzainaren kasua berriro ireki du Auzitegi Nazionalak
Auzitegi Nazionalak ETAk hildako Montxo Doral ertzainaren kasua ireki du berriro, Eusko Jaurlaritzaren Segurtasun Sailak jakitera eman duenez. Atentatua 1996an izan zen, Irunen, eta, gaur-gaurkoz, argitu gabe dago oraindik.
Ertzaintzak igorritako atestatu osatuari esker ireki du berriro Auzitegi Nazionaleko Instrukzioko 2. Epaitegi Zentralak 13/96 sumarioa.
Orain dela 26 urte irekitako atestatuak Iratxe Sorzabali, Xabi Irastorzari, Iñaki Telletxeari, Markos Sagarzazuri, Ainhoa Adini eta Asier Oiartzabali leporatzen die krimena.
Hilketa gertatu eta sei urtera, 2002ko apirilaren 29an, Frantziako Poliziak ETAren barneko agiri bat aurkitu zuen Castresko zulo batean, "autokritika" edo "kantada" izenekoa. Horrelako agiriak talde armatuaren buruei komandoetan egin zuten ibilbidearen nahiz atxilotu zituztenean Poliziari emandako informazioaren berri emateko erabiltzen zituzten atxilotutako etakideek, Ertzaintzaren esanetan. Beste taldekide batzuk atxilotzea edo ETAko beste talde batzuk desegitea eragozteko pasatzen omen zuten informazio hori.
Castresen aurkitutako agiri horretan, ustez une hartan ETAren burua zenak, Iratxe Sorzabalek, hauxe utzi omen zuen idatzita: "Martxoan lapa bat jarri genuen Montxo Doral zipaioaren autoaren azpian. Lapa ez genuen guk egin, eginda iritsi zen. Markos eta Xabi".
Iratxe Sorzabalek ukatu egin zituen hitz horiek egoitza judizialean, Guardia Zibilaren torturapean egindako adierazpenak izan zirela argudiatuta.
Orain, atentatu hura gertatu zenetik 26 urte igaro direnean, Auzitegi Nazionalak oraintsu kaleratutako epai batean frogatutzat eman du "kantada" horiek funtsezko froga-balioa dutela justiziarentzat, "naturaltasunez, askatasunez eta borondatez egindako adierazpenak" direlako.
Epai horretan oinarrituta, Ertzaintzak duela 26 urte irekitako atestatua osatu eta Auzitegi Nazionalaren esku utzi du, atentatua Ibarla Komandoari egotzita.
Zure interesekoa izan daiteke
450 kulturgilek baino gehiagok eskatu dute Mugimendu Sozialistari Bilbon eta Gasteizen txosna jartzen uzteko
Bada Garaia ekimenaren baitan, bi hiriburuetan ezarritako debekua altxatzeko galdegin dute dozenaka idazlek, abeslarik, aktorek eta bertsolarik. Bilboko Konpartsei eta Gasteizko Txosna Batzordeari gatazka behingoz konpontzeko deia egin diete artistok.
Cerdanek ukatu du Leire Diezen ustezko sarearen burua dela, eta salatu "kanpaina mediatiko" baten biktima dela
PSOEko Antolakuntza idazkari izandakoaren iritziz, UCOren helburua "pertsonak suntsitzea da, ez delituak ikertzea". Argudiatu duenez, Polizia Judizialak gertakari zehatzak ikertu eta, ondoren, erantzuleak bilatu ordez, "alderantzizko metodologia" erabiltzen du.
Europako Migrazio Itunaren "hutsuneak eta zalantzak" kritikatu dituzte Kanarietako eta Euskadiko gobernuek, indarrean jarri aurretik
Migrazioaren eta Asiloaren Europako Ituna indarrean jartzeko astebete falta denean, "ziurtasun baino zalantza gehiago" daudela deitoratu dute. "Elkartasunak agenda, aurrekontua, gobernantza eta erantzukidetasuna izan behar ditu", azpimarratu du Nerea Melgosak.
Sanchezek dioenez, ez zituen Diezen "ibilerak" babestu, ez zuen haien berri, eta izan balitu ez zituzkeen onartuko
Pedro Sanchezek iragarri duenez, PSOEko talde juridikoa Leire auziari buruzko dokumentazio guztia aztertzen ari da, alderdiaren "ohorea" babesteko ekintza egokiak abiatzeko. "Nire gobernua gobernu garbia da, nire alderdia alderdi zintzoa da, eta, oroz gain, ustelkeria gutxi batzuen kontua da", azpimarratu du.
Bengoetxea: "Informazioak kezkagarriak dira, egunen batean Sanchez presidenteak azalpenak eman beharko ditu"
Ibone Bengoetxea Kultura eta Hizkuntza Politikako sailburu eta lehen lehendakariordea PSOE "ataka zailean" jartzen ari diren ustezko ustelkeria auzien inguruan mintzatu da. Horren ustez, "egoera larria da", eta buruzagi sozialistak azalpenak eman beharko ditu. Auziek Jaurlaritzan izan dezaketen eraginaz galdetuta Bengoetxeak erantzun duenez, Jaurlaritzak "euskal agenda du" eta "ez da despistatzen".
Errenteriako alkateak Adingabeen Fiskaltzaren aurrean lekukotasuna emango du bihar Xenpelar auziaren inguruan
Errenteriako Udalak Polizia Judizialaren eta Adingabeen Fiskaltzaren esku utzi zuen atzo sexu-eraso salaketen inguruan duen informazio guztia, eta eduki hori egiaztatzeko deitu dute alkatea.
Leire Diezek Cristina Narbonarekin hitz egin zuen Pedro Sanchez presidentearen aurkako erasoak "bideratzeko" asmoz
UCOk bien arteko elkarrizketa bat jaso du Leire kasuaren sumarioari erantsitako txosten batean.
EITBren euskarazko ikus-entzunezko edukiak ahalik eta gehien zabaltzea babestu du Eusko Legebiltzarrak
EAJren eta PSE-EEren zuzenketa bat da, EH Bilduk EITBk euskarazko audio eta azpitituluen edukia nazioarteko streaming plataformei doan lagatzeko egindako proposamen bat atzera bota ostean. Nazioarteko plataforma eta operadoreekiko harremana ere sustatuko da.
?fmt=webp-alpha&qlt=80)
Errenteria, Lezo eta Pasaiako alkateek portuaren eskumenak eskualdatzea eta gobernantza eredu berri bat eskatu dute
Pasaiako portuak "euskal ekonomian zeregin estrategikoa" duela nabarmendu dute, eta portuko eremuak "jarduera berritzaileak eta enplegu berriak sustatzen dituzten enpresen eskura egotea" eskatu dute.
PPk berriro jeltzaleei mezua, Tubos Reunidosen miaketaren ondoren: "Azalpenak eman beharko ditu EAJk"
Guardia Zibilak Tubos Reunidosen egoitzan egindako miaketaren ondoren, Alderdi Popularrak, beste behin, EAJri begiratu dio, ustelkeriaren aurrean zein jarrera duen argitu dezan eskatzeko. Alma Ezcurra PPren Koordinazio Sektorialeko idazkariordeak esan du Euskal Herriko enpresa erreferenteetako bat ustelkeriak zipriztindu ondoren, jeltzaleek euren iritzia eman behar dutela eta herritarrei azalpenak eskaini. "Ustelkeriarekin bat egiten duten edo aurka dauden azaldu behar dute", adierazi du.