Garraio publikoa
2024/01/08 - 13:00
Metro Bilbaok aurreratu egin du goizean Etxebarritik Plentziara eta Kabiezesera doazen lehen trenen ordutegia
Urtarrilaren 13tik aurrera, 05:45ean abiatuko da lehendabiziko trena Etxebarritik Plentziara eta lau minutu geroago, 05:49an, Etxebarritik Kabiezesera. Halaber, eguerdiko trenen (13:50etatik 14:30era) maiztasuna handituko da lanegunetan, hiru minututik bi minutu eta erdira.
2024/01/07 - 20:48
Tuvisako langileek lanuzteei berrekingo diete astelehen honetan, Udalaren beste eskaintza bat jaso arte
Gasteizko Udalak konpromisoa hartu zuen astelehen arratsalderako beste eskaintza bat aurkezteko, hiriko autobusetako lan-gatazka "bideratzeko". Bitartean, langileek lanuzte partzialak egiten jarraituko dute, 05:00etatik 09:00etara.
2024/01/07 - 11:27
Leixuri Arrizabalagak ukatu du erabiltzaileen protestagatik eutsi izana garraio publikoko deskontuei
Bizkaiko Foru Aldundiko bozeramaileak azaldu du Aldundiak zuen planaren ostean proposatu zuela Pedro Sanchezek deskontuak luzatzea.
2024/01/04 - 14:25
Nabarmen areagotu da musukoaren erabilera garraio publikoan
Gripearen eta covid-19aren birusaren zirkulazioak gora egin du azken astean Euskadin, eta, horrekin batera, musuko gehiago ikusten dira garraio publikoan. Agintariek leku itxietan erabiltzea gomendatzen dute.
2024/01/04 - 11:57
Bilbobuseko langileek manifestazioak eta lanuzteak deitu dituzte gaurko
Bilbobuseko langileek manifestazioak egingo dituzte gaur, goizean zein arratsaldean, hitzarmen berri bat eskatzeko. Gainera, lau orduko lanuzteak egingo dituzte 08:00etatik 12:00etara eta 16:30etik 20:30era.
2024/01/03 - 16:53
Lurraldebuseko erabiltzaile guztiek % 50eko deskontua izango dute 2024an
Gipuzkoarrek 2023ko baldintza beretan erabili ahal izango dute zerbitzua eta hobariak Mugi sistemaren berezko abantailei gehituko zaizkie.
2024/01/03 - 15:09
Barik txartel guztiei % 50eko deskontua aplikatuko zaie, 2024an ere, Bizkaiko garraio publikoan
EITBk jakin ahal izan duenez, % 50eko deskontua aplikatuko da Barik ez pertsonalizatuetan eta baita aldi baterako abonuetan ere.
2024/01/03 - 12:00
''Langile publikoen egoerak berdin jarraitzen badu, greba eta mobilizazio gehiago etorriko dira''
Sektore publikoan iaz deitutako greba deialdiek mugimendu txikiak eragin badituzte ere, langile publikoen egoerak kaskarra izaten jarraitzen duela esan digu Euskadi Irratian Garbiñe Aranburu, LAB sindikatuko koordinatzaile orokorrak, eta litekeena dela greba eta mobilizazio gehiago etortzea.
2024/01/01 - 10:19
Hauek dira inflazioari aurre egiteko indarrean izango diren neurriak
Urte hasieratik aldaketa nabarmenak izango dira inflazioari aurre egiteko neurrien artean. Grrantzitsuenak bildu ditugu albiste honetan.
2023/12/30 - 11:36
San Silvestre lasterketek gorabeherak eragingo dituzte trafikoan eta garraioan hiriburuetan
Lasterketak izango dira goizez eta arratsaldez hiriburuetan, eta horrek kale batzuk ixtea eta garraio publikoan aldaketak izatea eragingo du.
2023/12/30 - 10:22
Renferen aldiriko eta distantzia ertaineko abonu berriak, erosgai
Abonuek abenduaren 30etik apirilaren 30era arte izango dute balioa. Renfe Aldiriak aplikazioaren bidez eros daiteke, edo, Distantzia Ertaineko eta Avant abonuen kasuan, Renferen webgunearen bidez.
2023/12/28 - 20:52
Bilbobusen Barik txartelarekin egindako bidaiek ere % 50eko deskontuak galduko dituzte urtarriletik aurrera
Data horretatik aurrera, 50 eta 70 bidaiako bonuetan soilik aplikatuko dira beherapenak, eta gainerako erabiltzaileek osorik ordaindu beharko dute. Horrela, erabiltzaileek Barik txartela pertsonalizatu beharko dute diru-laguntzak jaso ahal izateko, gutxieneko bidaia kopuru batekin.
2023/12/27 - 16:25
Txartel arruntetan eta Barikeko bidaietan % 20ko deskontua kenduko du Metro Bilbaok urtarrilaren 14tik aurrera
Bizkaiko Garraio Patzuergoak erabaki du deskontu hori aldi baterako tarifetara mugatzea, hileko abonuetara esaterako. Hortaz, Metro Bilbaoko tiket arruntak deskonturik gabe geratuko dira egun horretatik aurrera.
2023/12/27 - 15:07
Espainiako Gobernuak herritar guztiei zabalduko die garraioaren beherapena
Elektrizitatearen eta gasaren gaineko zergen beherapena "pixkanaka" kenduko du: elektrizitatearen BEZa egungo % 5etik % 10era igoko da. Oinarrizko produktuen BEZa % 0koa izango da, eta pastarena eta olioarena % 5ekoa.
2023/12/27 - 14:42
Bankuen eta enpresa energetikoen zergen luzapena iragarri du Sanchezek
Espainiako Gobernuko presidenteak urteko azken Ministroen Kontseiluak onartutako ezkutu sozialaren neurriak zerrendatu ditu, tartean, Estatuko garraio publikoaren doakotasuna eta beste garraio publikoen hobaria.
2023/12/27 - 09:02
Albiste izango dira: Babes sozialaren luzapena, Mileiren kontrako protestak eta migratzaile karabana Mexikon
Gaurkoan albiste izango direnen laburpena, hitz bitan.
2023/12/27 - 06:00
Espainiako Gobernuak babes sozialaren luzapen partziala onartuko du gaur
Gazteentzako eta langabeentzako garraio publikoa doakoa izango da, eta ekainera arte luzatuko dira elikagaientzako BEZaren murrizketak. Zortzigarren neurri-sorta izango da, Ukrainako gerrak izan dituen ondorioei eta salneurrien igoerari erantzuten jarraitzeko.
2023/12/26 - 19:12
Gipuzkoak gutxienez % 20ko hobaria mantenduko du Mugi txartel pertsonalizatuetan
Horrela, txartel anonimoak, hasiera batean, deskontuetatik kanpo geratzen dira. EH Bilduk gogor kritikatu du EAJk eta PSE-EEk erabaki horrekin "zaurgarrienei bizkarra ematea".
2023/12/22 - 13:04
Metro Bilbaok eta Euskotrenek patinete elektrikoak debekatuko dituzte urtarrilaren 15etik aurrera
Neurriak ez die eragingo mugikortasun urriko pertsonen ibilailuei, ezta bizikleta elektrokoei ere.
2023/12/21 - 09:41
24 orduko greba egunari eutsiko dio Bilbobusek, San Tomas egunean
Azken orduko bilera egin dute langileen batzordeak eta zuzendaritzak, baina ez dute akordiorik lortu. Gaurkoaz gain, bihar lau orduko lanuzteak egingo dituzte txandako.