Tuvisako langileek greba mugagabea amaitzea erabaki dute
Gasteizko hiri-autobusak kudeatzen dituen Tuvisa udal-enpresako langileek onartu egin dute zuzendaritzaren azken proposamena, aldarrikapenen zati bati erantzuna ematen diola aitortua, eta, beraz, otsailaren 10ean hasi zen greba mugagabeari amaiera ematea erabaki dute.
Tuvisako 300 langile baino gehiago batzarrera deituta zeuden igande honetan, Tuvisako zuzendaritzaren azken lan-proposamenean jasotako puntuak onartzen zituzten ala ez bozkatzeko.
Batzordeko iturriek azaldu dutenez, grebari eusteko, beharrezkoa zen gutxienez botoen % 70 akordioaren aurkakoak izatea, greba mugagabe bati eusteak gehiengo zabal baten babesa behar duelako, euren barne funtzionamenduaren arabera.
Azkenik, akordioaren aldeko 113 boto (% 41,6) eta kontrako 152 boto (% 56) zenbatu dira. eta beharrezko ziren botoen % 70 horretara iritsi ez direnez, greba bertan behera geratu da.
Gauzak horrela, astelehenean normaltasunez ibiliko dira hiriko autobusak. Astebete baino gehiagoz ohiko zerbitzuen % 30ek funtzionatu dute, gutxieneko zerbitzuen % 100ek.
Negoziazioak ez aurrera ez atzera zeudela, 2023ko abenduan hasi ziren hainbat lanuzte eta mobilizazioren ostean iritsi zen, otsailean, greba mugagabea.
Langileek, besteak beste, fitxaketa sistema eraginkor bat eskatzen zuten, baita autobus gehiago ipintzea, linea berriak ezartzea, kontratazio mugagabe gehiago, zerbitzu desberdinetako pribatizazioekin amaitzea eta hitzarmena negoziatzeko egutegi bat ezartzea ere.
Greba-batzordeak batzarraren ostean azaldu duenez, Tuvisaren azken proposamenean aurrerapen "esanguratsuak" jasotzen diren arren lan-aldarrikapenen inguruan, "fitxaketaren gaia ez da % 100ean ixtea lortu eta buelta gehiago eman beharko zaizkio".
Hala ere, lorpenak ere badirela gogorarazi dute. Besteak beste, azaroaren amaieran enpresak "12 lanpostu alde batera utziko zituela eta langileen lan-baldintzak gehiago estutuko zituela" esan zuen, eta horri buelta ematea lortu dutela azaldu dute. Langile batzordeko bozeramaileak pozik agertu dira lortutakoarekin, eta eskerrak eman dizkiete Gasteizko herritarrei "maitasunagatik eta ulermenagatik".
ELA sindikatua, bere aldetik, grebarekin jarraitzearen alde agertu da batzarrean, "akordio hobea lortze aldera", fitxaketa-sistemari, batez ere, "ez diolako erantzunik eman Udalak".
Zure interesekoa izan daiteke
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan Bilboko egoitzan. Erakundeetako eta enpresa munduko ordezkariak bildu dituen ekitaldi batean, konpainiaren historia gogoratu dute, eta "argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolako presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.
Etxebizitzen salerosketa % 11,6 jaitsi da EAEn, eta % 8,2 igo da Nafarroan
Donostian 418 etxebizitza salerosi dira 2026ko urtarrila eta apirila bitartean, aurreko hiruhilekoan baino % 26,8 gutxiago, eta iazko tarte berean baino % 30,8 gutxiago.
Banku-txartelari agur? Bizum bidezko ordainketa saltokietara iritsi da
NFC teknologiaren bidez egingo dira ordainketak, contactless metodoaz, erabiltzaileak Bizum aktibatuta duen banku-aplikazioaren edo Bizum Pay-ren diru-zorro digital berriaren bitartez. Ordainketa berehala egingo da, eta ez da bitartekaririk (Visa, Mastercard…) beharko. Massimo Cermelli ekonomialariaren ustez, Bizum "erakargarria izan daiteke; saltoki txiketarako, batik bat", komisioetan aurreztu dezaketelako.