Giza eskubideak, Zein da giza eskubideekin lotutako azken ordukoa? |Orain

2024/03/25 - 19:06

Israel Gazan genozidioa egiten ari dela ondorioztatzeko "zantzuak" ikusten ditu NBEko errelatoreak

25 orrialdeko agiriaren arabera, Israelek gutxienez hiru "ekintza genozida" egin ditu nahita, 1948ko Genozidio Delitua Prebenitzeko eta Zigortzeko Konbentzioan hala definitzen direnak.

pedro sanchez antonio guterres robert golob-eslovenia primer ministro-consejo europeo-efe

2024/03/25 - 13:45

Israelek Sanchezi: "Palestinako Estatua aitortzea terrorismoa saritzea litzateke"

Lior Haiat Israelgo Atzerri ministroak Sanchez kritikatu du eta ostiralean Espainiak, Irlandak, Maltak eta Esloveniak sinatutako adierazpena jomugan jarri. Lau herrialdeak Palestinaren aitortza egiteko prest azaldu ziren.

2024/03/25 - 10:20

Rafahri erasoz gero, ondorioak egon litezkeela ohartarazi dio AEBk Israeli

Kamala Harris AEBko presidendeteordeak adierazi duenez, Egiptoko mugatik gertu, Zerrendako hegoaldean, desplazatutako 1,2 milioi gazatarrek "ez dute nora jo", eta hortaz, gune horretan erasoaldia egitea "akats larria" litzateke.

20240324211249_argentina-memoriaren-eguna_

2024/03/24 - 22:20

Memoriaren txingarra ez da itzali Argentinan, azken kolpe militarretik 48 urtera

Gizarteak kaleak hartu ditu gaur Argentinan, "Nunca Más" lelopean. Mileiren Gobernuak diktaduran desagertutakoen kopurua zalantzan jarri izanari erantzunez, "30.000 dira" esan diote, ozen eta argi. Buenos Airesen, ezkerreko gazte mugimendua eta Maiatzeko Plazako amak izan dira protagonista.

2024/03/24 - 21:22

Israelek ez du Gazako Zerrendaren iparraldera konboi humanitario gehiago joaten utziko, gosetea egon arren

"Gure zaintzapean gertatzen ari den tragedia gorabehera, Israelgo agintariek NBEri jakinarazi diote jada ez dutela UNRWAren elikagai konboirik onartuko iparralderantz", jakinarazi du Philippe Lazzarini ordezkari nagusiak.

2024/03/23 - 20:36

Guterres: "Bada garaia palestinarrei Estatu palestinar bat izango duten itxaropena emateko"

NBEko buruak adierazi duenez, "ahal den guztia" egin behar da Israelek Rafahn eraso egin ez dezan. Sinai penintsula eta Gazako Zerrenda lotzen duen hiri horren mugako igarobidea bisitatu ondoren egin ditu adierazpenok.

2024/03/22 - 19:43

Errusiak eta Txinak atzera bota dute AEBk Gazarako egindako su-eten proposamena, "sendotasun faltagatik"

Bi kide iraunkor horiez gain, Aljeriak ere egin du AEBk NBEko Segurtasun Kontseiluan aurkeztutako ebazpenaren kontra. Guyana abstenitu egin da, eta beste hamaika herrialdek aldeko botoa eman dute.

2024/03/22 - 09:26

Gazan "su etenari bide emango dion etenaldi humanitario bat" eskatu du EBk lehenbizikoz

Testua onartzeko orduan, Europar Batasunak aintzat hartu du AEBk "berehalako su etena" eskatuz Segurtasun Kontseiluan aurkeztutako ebazpena.

2024/03/19 - 18:31

Gazako herritarrak gosetera eramanda, Israelek gerra krimena egiten duela salatu du NBEk

Gutxienez 210.000 pertsona eraman dituzte gosetera iparraldean, eta 1,1 milioi gazatar baino gehiago egoera bera pairatzeko arriskuan daude. Bestalde, Netanyahuk baieztatu du Washingtonek "bere ideiak" aurkeztu ahal izango dituela Rafahen lurreko inbasioaren inguruan.

20231103192944_israel-bombardea-entrada-del-hospital-al-shifa-de-gaza-mata-a-13-personas_

2024/03/18 - 11:42

Israelek Gazako Al Shifa ospitalea setiatu du laugarren aldiz, frankotiratzaileekin eta tankeekin

Zerrendako ospitale inportanteena da, eta hildakoak izan dira barruan aterpe hartzen ari diren 30.000 desplazatuen artean.

2024/03/18 - 10:59

Israelgo Armada Gazako Al Shifa Ospitalean sartu da gauez

Israelek dio kontrolpean duela Al Shifa ospitalea, Gazako garrantzitsuena. Gainera, operazioak zehaztu gabeko hildako kopuru bat utzi duela adierazi dute, eta gutxienez 80 pertsona atxilotu dituztela, "jarduera terroristekin zerikusia dutelakoan".

palestinaren aldeko manifestazioa donostian efe

2024/03/17 - 21:15

Jendetza Donostian, Palestinako genozidioa salatzeko manifestazioan

Kultura munduko kideek egindako deiari erantzun diote herritarrek. Ibilbidean zehar, kultur emankizun eta erakusketa ibiltaria izan dira ikusgai. Amaieran, manifestariak lurrean etzan dira sarraskia salatzeko.

20240317200229_gaza-donostia-amaiera-dronea_

2024/03/17 - 21:04

Gazako sarraskia salatzeko performance ikusgarria Donostian, drone ikuspegitik

Igandean Donostian Gazako genozidioa gelditzea eskatzeko egindako manifestazioa performance hunkigarri batekin amaitu da. Ondarretako tuneletik Haizearen Orraziraino, milaka lagun lurrean etzan dira, Gazan eraildakoak gogoratuz.

2024/03/17 - 20:24

Netanyahuk nazioarteko erreguei entzungor eginez esan duenez, Israelek eraso egingo dio Rafahri

Alemaniako kantzilerrarekin izan duen bileraren ostean adierazi du Rafahko zibilak ez direla han harrapatuta geratuko erasoaldia hasten denean. Scholzen ustez, "ezin gara besoak antxumatuta geratu, palestinarrak gosez hiltzen diren bitartean".

2024/03/17 - 18:22

Jende andana bildu da Donostian Palestinari elkartasuna adierazteko, ''Genozidioa STOP!'' lelopean

Kulturatik Kultur Egileak Palestinarekin ekimenak deitutako martxa Alderdi Ederretik abiatu da, eta milaka lagunek bat egin dute deialdiarekin.

20240317164812_gaza-donostia-manifestazioa-amaiera_

2024/03/17 - 17:59

Lurrean etzanda eta sirena hotsez gogoratu dituzte Palestinan eraildakoak

Haizearen Orrazian amaitu da Donostian Palestinako genozidioa amaitzea eskatzeko egin den manifestazio erraldoia. Sirena hotsak entzutean, Ondarretako tuneletik Chillidaren eskulturaraino zeuden ehunka lagun lurrean etzan dira, eta isilik gogoratu dituzte Israelek Palestinan eraildakoak.

2024/03/17 - 14:39