Mikel Lejarza 'El Lobo'ren eta beste polizia baten aurkako kereila jarri dute Josu Mujikaren heriotzagatik
Euskal Herriko Giza Eskubideen Behatokiak (EG Behatokia) eta 1975ean Madrilen hil zen edo erail zuten Josu Mujikaren familiak kereila aurkeztu dute ETAn infiltratu zen Mikel Lejarza El Lobo-ren eta beste polizia baten aurka, gizateriaren aurkako delituak leporatuta.
Josu Mujika ETAko kidea 1975eko uztailaren 30ean hil zen edo erail zuten Madrilgo erdiguneko kale batean, Espainiako inteligentzia zerbitzuek agente infiltratu bat zuten talde bateko kideak atxilotzeko operazio batean. Eusko Jaurlaritzak aitortu zuen Mujika giza eskubideen urraketaren biktima izan zela txosten batean.
Eusko Jaurlaritzako Balorazio Batzordeak adierazi zuenez, bertsio ofizial kontrajarriak (hasieran suizidioa, gero bihotzekoak jo, eta ondoren tiroketa) ezin izan ziren argitu independentea izan ez zen ikerketa batean.
Orain, Bergarako (Gipuzkoa) epaitegi batean aurkeztutako salaketaren arabera, baliteke "gizateriaren aurkako delitu" bat izatea, Memoria Demokratikoaren Legeak "preskribaezin eta amnistiaezintzat" jotzen duena.
Ohar batean, GE Behatokiak gogorarazi du aipatutako Balorazio Batzordeak Mujika auziari buruzko txostenean "gutxienez bi egileren parte-hartzea" aintzat hartu zuela: "Mikel Lejarza, infiltratutako agentea, Defentsako Goi Ikasketa Estrategikoen Zentroko kidea" eta beste polizia bat.
GE Behatokiak bere oharrean azpimarratu duenez, kereila hau Mujikaren heriotzaren 49. urteurreneko bezperan aurkeztu da, "tunel luze-luze bat, non familiak inoiz ez dion utzi egia, justizia eta erreparazioa lortzeko borrokari".
"Gure ustez, Eusko Jaurlaritzak aurrera eramandako prozesuak egia instituzionala aitortzen du, eta horrek egia soziala sendotzen du", nabarmendu dute. Hala ere, kolektiboak azaldu duenez, "bada garaia zigor-arloko justiziak bere izena ohoratzeko Estatuko aparatuei egotz dakizkiekeen giza eskubideen urraketa larrien biktimen aurrean".
Zure interesekoa izan daiteke
Gizon bat atxilotu dute Enrique Maya Iruñeko alkate ohiari egindako erasoarekin lotura duelakoan
Joan den ekainaren 9an, Iruñeko alkate ohia iraindu eta kolpatu zuten Estafeta kalean, katle fisikorik eragin gabe. Mayak gertakaria salatu zuen, eta ustezko egilea atxilotu dute orain, segurtasun-kamerak aztertu ondotik.
Zapatero Auzitegi Nazionalera iritsi da, inputatu gisa deklaratzeko
Espainiako Gobernuko presidente ohiak Plus Ultra auzian deklaratu behar zuen hasieran, baina azkenean bulegoan atzeman dizkioten bitxiengatik ere egin behar du.
Albiste izango dira: Zapateroren deklarazioa Auzitegi Nazionalean, lehendakariari elkarrizketa eta Azkena Rock jaialdiaren aurkezpena
Gaurkoan Orain-en albiste izango direnen laburpena, bi hitzetan.
Pradales: “Neurri nagusia etxebizitza gizarte funtsa da, eta 2027ko aurrekontura begira neurri berriak sartuko ditugu”
Imanol Pradales lehendakariak azpimarratu du etxebizitzaren arazoa ezin dela "egun batetik bestera" konpondu, eta uste du legealdiaren bigarren erdian ereindakoaren lehendabiziko fruituak jasoko direla.
Lehendakaria: "Sanchezek orain arte eman ez dituen azalpenak eman beharko ditu, gardentasunez"
Euskal Telebistan elkarrizketa egin du Imanol Pradales lehendariak, agintaldiaren erdira iritsi denean. Espainiako gobernuburuak "zentzua eman" behar dio legealdiaren azken txanpari, adibidez, transferentzien negoziazioan. Horri dagokionez, aurreratu du Transferentzien Batzorde Mistoa datorren astelehenean, ekainaren 22an, bilduko dela.
Lehendakaria: "Aukera eman behar zaie Enplegu Legearen inguruan zabalik dauden negoziazioei"
Imanol Pradales lehendakariak "itxasopentsu" ikusten du enplegu publikoan euskara eskakizunak arautuko dituen legea adosteko EAJren eta EH Bilduren arteko negoziazioa. Ekainaren 25ean egingo da gaiaren inguruko bozketa Eusko Legebiltzarrean.
Kongresuko Mahaiak ez ditu onartu hauteskundeak aurreratzea eskatzen zuten Juntsen eta PPren zuzenketak
Bilera telematiko batean, Mahaiaren gehiengoa (PSOE eta Sumar) osatzen duten alderdiek argudiatu dute eskumen hori Gobernuko buruarena dela esklusiboki, eta ez botere legegilearena.
Zapaterok bitxiengatik ere deklaratuko du asteazken honetan, Calama epaileak atzeratzea ukatu ostean
Espainiako gobernuburu ohiaren defentsak atzerapena eskatu zion Calama epaileari, gutxienez 1,3 milioi euroko balioa duten bitxien jatorriari buruzko dokumentazioa biltzeko denbora gehiago edukitzeko. Ferrazko bere bulegoan aurkitutako bitxiengatik kontrabando eta zerga delituak leporatu dizkio.
Imanol Pradales lehendakariari elkarrizketa, gaur gauean, ETB1en
Elkarrizketa Orain eta ETB On plataformetan ere jarraitu ahal izango da, 20:30etik aurrera.
Albiste izango dira: Imanol Pradales lehendakariari elkarrizketa ETBn, AEB eta Iranen arteko bake akordioa eta medikuen greba
Gaurkoan Orain-en albiste izango direnen laburpena, bi hitzetan.