Giza eskubideak

2024/06/16 - 19:59

Palestinako genozidioa salatu dute dozenaka artistak Bilbon

Dozenaka artista eta eskultore maindire zuri artean bildu dira Arriaga plazan, gertaeren larritasuna ikusita, herritarrengan kontzientzia sortzeko asmoz. Adierazi dute indarkeria ez dela irtenbide bat, batez ere haurrei erasotzen dietenean.

2024/06/16 - 17:15

Netanyahuk ezeztatu egin du Gaza hegoaldean "etenaldi teknikoak" baimenduko dituenik laguntza sartzeko

Adierazpen horiek egin baino ordu batzuk lehenago, ordea, Israelgo Armadak iragarri du etenaldiak egingo dituela, "inguruan laguntza humanitarioa banatu ahal izateko".

2024/06/13 - 10:36

NBEk Gazako krimenei buruz egindako txostena "akusazio faltsuz beteta" dagoela dio Israelek

Israelgo Atzerri ministroaren hitzetan, txostena "NBE izeneko antzerki politiko zinikoaren beste adibide bat da".

2024/06/12 - 16:44

NBEren txosten baten arabera, Israelek gizateriaren aurkako krimenak egin ditu, tartean, "sarraskia"

Lehen ikerketa horren arabera, gerrako lehen hilabeteetan, gerra krimenak burutu zituzten zibilen aurka bai Israelek baita Hamasek ere. Israelgo gobernuaren kasuan, delituak larriagoak dira. Txostenak gizateriaren aurkako krimenak leporatzen dizkio, tartean, "sarraskia".

2024/06/11 - 13:57

Hamasek babestu egin du AEBk Gazarako egindako su-eten proposamena

NBEren Segurtasun Kontseiluak Gazako gerrari amaiera emateko hiru faseko su-eten proposamena onartu eta biharamunean, Hamas prest agertu da bitartekariekin horri buruz hitz egiteko.

2024/06/11 - 10:54

NBEko Segurtasun Kontseiluak AEBk Gazarako egindako su-eten proposamena babestu du

Joe Bidenek proposatutako proposamenak aldeko 14 boto eta Errusiaren abstentzioa jaso ditu, eta "erabateko su-etena", Hamasek bahituak askatzea, bahituen gorpuak entregatzea eta preso palestinarrak askatzea jasotzen ditu.

2024/06/11 - 07:00

Jordanian konferentzia humanitarioa egingo dute gaur, Gazarako premiazko plan bat adosteko xedearekin

NBEko datuen arabera, 1,11 milioi pertsona, Gazako biztanleriaren erdia gutxi gorabehera, gosete maila "katastrofikoa" pairatzen ari dira.

2024/06/08 - 23:23

Gazako sarraskia salatzeko performance ikusgarria Bilbon, drone ikuspegitik

Gazako genozidioa gelditzea eskatzeko egindako manifestazioa performance hunkigarri batekin amaitu da Bilbon, Guggenheim Museoaren atarian. "Gure begien aurrean, genozidio bat. Herri baten, bere lurraren eta biztanleriaren suntsiketaren lekuko izaten ari da mundua", ohartarazi dute.

2024/06/08 - 21:52

Manifestazio jendetsuak egin dituzte Bilbon eta Iruñean Europari eskatzeko Gazako gerran lagun ez dezala

Europako hauteskundeen bezperan, Gernika-Palestina herri ekimenak eta Yala Nafarroa Palestinarekin plataformak bi manifestazio antolatu dituzte, "Genozidioa STOP! Europa ez izan konplize" lelopean.

2024/06/08 - 21:32

''Gazako genozidioari amaiera emateko'' eskatu dute milaka lagunek Bilbon eta Iruñean

Gernika-Palestina eta Yala plataforma nafarrak deituta, manifestazio jendetsuak egin dituzte bi hiriburuetan "Genozidioa stop!" lelopean.

2024/06/06 - 15:02

Gutxienez 40 pertsona hil ditu Israelek UNRWAren eskola baten aurka Nuseiraten egindako eraso batean

Israelgo Armadaren arabera, "Hamaseko eta Yihad Islamikoko 20-30 terrorista" ezkutatzen ziren Gazako Zerrendaren erdialdean dagoen NBEren eskola horretan. Gazako Gobernuak, bere aldetik, salatu du hildako gehienak eskolan babesa hartu zuten zibilak direla.

2024/06/03 - 20:44

Gutxienez 40 pertsona hil eta beste 150 zauritu dituzte Gazan azken orduetan

Benjamin Netanyahu Israelgo lehen ministroak esan du "hutsuneak" daudela Israelen proposamenaren eta Joe Biden presidente estatubatuarrak iragarritako bertsioaren artean, eta su-etena aldi baterakoa izango litzatekeela berretsi du, baina ez lukeela gerraren amaiera ekarriko.

2024/06/03 - 12:18

Derrigorrezko desplazamenduek milioi bat palestinar baino gehiago urrundu dituzte Rafahtik, UNRWAren arabera

Israelen azken bonbardaketek 20 pertsona baino gehiago hil dituzte Gazako hegoaldean eta erdialdean. Bestalde, urriaren 7an hildako israeldar baten gorpuzkiak aurkitu dituztela iragarri du Israelgo Armadak.

2024/06/02 - 17:14

120 palestinarren gorpuak aurkitu dituzte Jabalian, tropa israeldarrak atera ostean

Gudan hildako palestinarrak 36.439 dira jada, horien % 70 emakumeak eta haurrak, azken 24 orduetan 60 gehiago hil baitira, Gazako Osasun Ministerioaren arabera.

2024/06/01 - 23:16

Netanyahuk, bake-proposamenaz: "Hamas politikoki eta militarki suntsitu arte ez da iritsiko"

"Gerrari bukaera emateko Israelek jarritako baldintzak ez dira aldatu: Hamasen Gobernua eta hark eraso egiteko duen ahalmena suntsitu behar dugu, bahitutako pertsona guztiak aske utzi behar dituzte eta Gaza Israelentzat mehatxu ez den bermea jaso behar dugu", esan du lehen ministroak.

2024/06/01 - 12:18

1936an fusilatutako Modesto Manuel Azcona Garaicoechea arabar diputatuaren gorpuzkiak identifikatu dituzte

Arabako Aldundiko Kudeaketa Batzordeko kidea zen, eta tropa frankistek hil zuten. Miranda de Ebroko hobitik atera zituzten Azconaren gorpuzkiak, eta hiru birlobei egindako proba genetikoei esker identifikatu dituzte.

2024/06/01 - 10:39

Bidenek iragarritako bide-orriak Gazan su-etena egoteko esperantza hauspotu du

Hiru fase izango lituzke: Hamasek bahitutakoak askatzea, Israelgo Armada erretiratzea eta Gaza berreraikitzeko plana adostea. Hamasek begi onez ikusi du proposamena, eta Israelek ere ontzat jo du.

2024/05/31 - 20:08

Milioi bat pertsonak baino gehiagok ihes egin behar izan dute Rafahtik, Israelen erasoak direla eta

Rafahtik gertu dauden ustezko gune seguruetara ebakuatzeko esan die Israelek palestinarrei, baina toki horietan hainbat eraso egin ditu azken egunotan. Dozenaka pertsona hil dira desplazatuentzako kanpalekuetan, hainbat eraso militarren ostean.

2024/05/28 - 21:12

Bonbardaketek ez dute etenik Rafahn, hildakoen kopuruak handitzen jarraitzen duelarik

Gutxienez 16 pertsona hil dira gaur goizaldean UNRWA NBEko agentziak errefuxiatuentzako jarritako kanpalekuen aurkako erasoetan, eta gaur arratsaldean 20 pertsona baino gehiago hil dira hainbat erasotan.

2024/05/27 - 21:35

Israelek 50 pertsona hil ditu "zona seguruan" zegoen Rafahko errefuxiatu gune baten kontra egindako erasoan

Israelgo Armadak berak Tal al Sultango kanpalekuaren kontrako bonbardaketa baieztatu du. Erasoak sute handia eragin du. Kanpalekua ez dute aurrez hustu, eta jende asko erreta hil da. Hildako gehienak zibilak dira.