Epaile batek Trumpen aurka egin du agindu judizial bat desobeditzegatik eta pertsonak kanporatzeagatik
Epaile federal batek Donald Trump AEBko presidentearen Gobernua aurka egin du gaur, agindu judizial bati entzungor egiteagatik eta 200 pertsona migratzaile baino gehiago, gehienak venezuelarrak, El Salvadorreko kartzela erraldoira bidaltzeagatik.
40 orrialdetik gorako idatzi batean, James Boasberg epaileak Gobernuari leporatu dio migratzaileak El Salvadorrera bidaltzean atzera egiteko agindu judizial bati "gutxiespen osoz" muzin egin izana.
"Konstituzioak ez du onartzen agindu judizialak nahita desobeditzea, bereziki hori errespetatuko dutela zin egin duten funtzionarioen aldetik", azaldu du. Gobernuari gorteetako erabakiak "baliogabetzen" uzteak "Konstituzioari berari iseka egingo lioke", gaineratu du Boasbergek.
Iragan martxoaren 14an, gerra garaian erabilitako 1798ko Atzerriko Etsaien Legea baliatu zuen Trumpek, ehunka venezuelar kanporatzeko Tren de Aragua erakunde kriminaleko kide izatea leporatuta.
Legea aldarrikatu eta hurrengo egunean, Boasbergek araudia blokeatu zuen, pertsona migratzailez beteriko bi hegazkin El Salvadorrera zihoazenean eta hegaldi horiek itzultzeko agindu zuenean.
Hegazkinek ez zuten atzera egin, eta El Salvadorren lurreratu ziren, aurrekaririk gabeko borroka legala piztuz, non Trumpek magistratua epaiketa politiko batera eramateko asmoa agertu zuen.
Migratzaileak El Salvadorrera bidaltzeak hainbat arazo eragin dizkio Trumpen Gobernuari, eta nazioarteko erakundeek errefusatu egin dute.
Human Rights Watchek, joan den astean argitaratutako txosten batean, AEB salatu zuen. Pertsona horiek "desagertze behartuan" izatea leporatu zien gobernuz kanpoko erakundeak Washingtoni eta El Salvadorri.
Gainera, Estatu Batuetako hedabide askok frogatu dute El Salvadorrera kanporatutako pertsona gehienek ez dutela aurrekari penalik.
Washingtonek akordioa itxi zuen Nayib Bukele El Salvadorreko presidentearekin, AEBetan atxilotutako migratzaileak CECOTera bidaltzeko. CECOT giza eskubideak urratzeagatik behin eta berriz salatutako espetxea da.
Akordioaren zati gisa, Washingtonek sei milioi dolar ordainduko dizkio El Salvadorri espetxe sistemari eusteko.
Zure interesekoa izan daiteke
Hamasek armagabetzeko akordioa berretsi du, baina Israel Gazatik erretiratzea jarri du baldintza gisa
Testuinguru horretan, talde palestinarrak berretsi du ez duela bere esku dagoen armamentua entregatuko Israel Gazako Zerrendatik erretiratu baino lehen.
AEBk Kuwaiten duen base militar baten aurkako erasoa aldarrikatu du Iranek
Irakeko Gobernuak ukatu egin du bere lurraldearen barruan erasoak baimendu izana, Estatu Batuetako presidenteak aste honetan ziurtatu ostean Saudi Arabiarekin batera eta Irakekin koordinatuta egin zituztela erasoak. Bestalde, Itsaso Gorria babesteko nazioarteko koalizio baten sorrera iragarri du Saudi Arabiak.
AEBk eta Saudi Arabiak Iranen aldeko miliziei eraso egin diete Iraken, drone bidezko eraso baten ondoren
Bonbardaketek Herri Mobilizazioaren Indarretako 20 kide hil eta 32 zauritu dituzte gutxienez, eta Irakek larrialdiko bilera deitu du tentsioak gora egin duelako.
Fujimorismoa itzuli da: Keiko Fujimorik presidente karguaren zina egin du
Alberto Fujimori presidente ohiaren (1990-2000) alabak laugarren saiakeran lortu du presidente izatea. Aurreko hauteskundeetan bigarren itzulian galdu zuen. Azken hamarkadan herrialdeak bizi izan duen ezegonkortasun politikoari aurre egin beharko dio, eta gobernatzeko akordioak lortu beharko ditu, ez baitu eta gehiengo osorik. Gainera, Keiko Fujimorik Trumpengana gerturatzeko asmoa duela iragarri du, eta horrek aldaketa ekar dezake politikan, Peruko ekonomiaren bazkide nagusia Txina baita.
Girondako sutea berraktibatu da fokuetako batean, eta beste 4.000 turista ebakuatu dituzte
Sutea gaur gauetik dago egonkortuta, baina agintariak fenomeno meteorologiko kaltegarrietarako prestatzen ari dira. Puntu horietako bat berriro aktibatu da haizearen norabidea aldatu da eta.
Gutxienez 18 hildako eta dozenaka zauritu utzi ditu Japon hego-mendebaldea astindu duen 7,1 indarreko lurrikarak
Kumamotoko merkataritza-gune batean leherketa izan da, eta baliteke hildako gehiago egotea. Tsunami alerta bertan behera utzi dute.
15 urteko mutil bat atxilotu dute Seattleko tiroketarekin lotura duelakoan
Gutxienez hiru pertsona hil eta lau zauritu ziren gastronomia-jaialdi ezagun batean izandako tiroketan. Poliziak bigarren susmagarri baten bila jarraitzen du.
Macronek iragarri du Landetako sutea "kontrolpean" dagoela, baina Girondakoak "oso gogor" jarraitzen duela
Girondako departamenduan piztutako sutearen harira, Eliseoko buruak esan du "borrokan" jarraitzen dutela. "Egonkortu egin da, gutxigorabehera, baina oso gogorra izaten jarraitzen du, eta oso zuhurrak izan behar gara datozen orduetan eta egunetan", ohartarazi du.
Iranen aurkako bonbardaketak gelditzeko agindu du Trumpek, akordio bat negoziatzeko
Hala ere, ohartarazi du erasoei berriro ekingo diela elkarrizketek porrot egiten badute.
Gutxienez hiru pertsona hil eta lau zauritu dira tiroketa batean Seattle hirian
Tiroketa gastronomia jaialdi batean gertatu da. Alkatearen arabera, pertsona bat atxilotu dute gertaerarekin lotura duelakoan.