Israelek hondeamakinak eta ura eta zaborra biltzeko kamioiak suntsitu ditu Gazako hainbat tokitan
Israelgo Armadak 20 bat hondeamakina eta ura, ur zikina eta zaborra garraiatzeko hainbat kamioi suntsitu ditu gaur goizaldean Jabalian (iparraldean), Gaza Hirian (iparraldean) eta Khan Yuniseko (hegoaldean) eraikitzeko enpresa batean.
Jabalian, Israelgo Armadak Al Nazlako udaletxeko garajeren kontra eraso egin du, eta bederatzi hondeamakina suntsitu ditu, Defentsa Zibilak jakinarazi duenez. Egiptok eta Qatarrek osatutako batzordeak laga zituen makinak, Israelek 16 hilabetez egindako erasoek eragindako suntsipena garbitzeko.
Defentsa Zibileko taldeek gorpuak hondakin artetik ateratzeko eta errepideak garbitzeko erabiltzen zituzten makina horiek, eta larrialdi zerbitzuak Rafah eta Khan Yunis eremuetara hobeto iristeko, Mohamed Al-Mughair Defentsa Zibileko ekipamenduen eta horniduren zuzendariak ohar batean azaldu duenez.
Ura garraiatzeko zisterna-kamioi bat, biltzeko bat, eta ur zikina trinkotzeko beste bat ere suntsitu ditu armada sionistak, baita zabor-kamioi bat eta erregaia garraiatzeko kamioi bat ere.
Gainera, Israelek beste eraso bat egin du Gaza Hirian, eraikuntza enpresa bateko hondeamakina baten kontra, eta Khan Yunisen, beste 6 hondeamakinaren kontra, bertako iturriek jakitera eman dutenez.
Gazako Defentsa Zibilak ohar batean salatu duenez, Israel "lan humanitariorako baliabideak suntsitzen ari da".
Al-Mughairrek gogorarazi duenez, Egiptok eta Qatarrek osatutako batzordeak, dohaintza egitean, Jabaliako garajearen koordenatu geografikoak jakinarazi zituen, Israelgo Armadak horren berri izan zezan.
Gazako Osasun Ministerioak gaur jakitera eman duenez, Israelek 26 pertsona hil ditu igande gauerditik astelehenera arte, eta 20 pertsona gehiago, azken gaueko erasoetan.
Gazako Zerrendako agintarien arabera, 51.250 hildako baino gehiago eta 117.000 zauritu inguru eragin dituzte Israelen erasoek 2023ko urriaren 7tik.
Bestalde, Gazako Osasun Ministerioak Israeli leporatu dio polioaren aurkako txertoak Zerrendan sartzea galarazi izana duela hilabete baino gehiagotik, eta ohartarazi du horregatik 600.000 haur baino gehiago arriskuan daudela Palestinako lurraldean.
Zure interesekoa izan daiteke
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.
33 intoxikatu, 600 isun eta bi obus desaktibatuta, hiru egun iraun dituen 'rave' jendetsu batean, Frantzian
Le teknival izeneko ravean, 40.000 lagun elkartzera iritsi ziren larunbatean. Legez kanpoko musika topaketa hauek debekatzeko prozesu legegilea martxan da Frantzian, eta hain zuzen ere, horren kontra protesta egiteko antolatu zuten jaia, Barne ministroaren jaioterrian, eremu militar batean.
Iran aztertzen ari da bere 14 puntuko bake planari AEBk emandako erantzuna
Besteak beste, hauxe da Iranek proposatu diona: eraso militarrik egongo ez dela bermatzea, AEBren tropak Irandik ateratzea, itsas blokeoa altxatzea, izoztutako Iranen aktiboak libratzea, konpentsazioak ordaintzea, zigorrak kentzea eta gerra fronte guztietan bukatzea (Libanon ere bai).
Adur Ramirez de Alda, Global Summud Flotillako kidea: “Denboralea igarotakoan, Turkiara abiatzea da asmoa”
Israelek bidaia geldiarazi ondoren, Kreta Greziako uhartean daude une honetan lau euskal herritar. Ondorengo orduetan erabakiko dute ontzidian jarraitu ala Euskal Herrira itzuli.
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.
Euskal Herrian dira jada Gazara zihoan Global Sumud flotillako bi euskal ekintzaile eta aske geratutako besteek aurrera jarraituko dute
21:00ak aldera iritsi dira bi ekintzaileak Loiuko aireportura. 175 ekintzaile atxilotu zituzten asteazkenean eta horietatik 36 ospitaleetan artatu behar izan dituzte. Guztiak aske utzi dituzte bi izan ezik, Thiago Avila brasildarra eta Saif Abukeshe, palestinar espainiarra.