Aita Marik 108 pertsona lehorreratu ditu Salernon, eta salatu du Italiak ez diela utzi hurbilago porturatzen
Aita Marik 108 pertsona lehorreratu ditu Salernon (Italia), eta salatu du Italiako Gobernuak hartutako erabakia dela eta denboralea zeharkatu behartu izan dutela 25 korapilotik gorako boladekin eta bi metrotik gorako olatuekin. Izan ere, ez die utzi gertuagoko ezein kai segurutan porturatzen, Itsas Salbamendu Humanitarioak ohar batean azaldu duenez.
Aita Marik 108 pertsona erreskatatu zituen larunbatean, Mediterraneoan. Italiako Gobernuak Salernoko portura jotzea eskaini zien bizirik atera diren pertsonak lehorreratzeko, "praktikan, urruneko portua, gobernuz kanpoko erakundeak ahitzeko estrategia", salatu du.
"108 pertsona erreskatatu ditugu, eta bi egunez nabigatu behar izan dugu Salernoko portuan lehorreratu ahal izateko, Piantedosi dekretua aplikatuta, atzo gauerdian haize eta olatu denborale gogor batek laguntza humanitarioko ontzia astindu zuen", azaldu du gobernuz kanpoko erakundeak.
25 korapiloko ufadekin eta bi metro baino gehiagoko olatuekin "erreskatatutako pertsona guztiek blai eginda eta hotzak hartuta igaro dute gaua, nahiz eta tripulazioa ahalegindu", deitoratu dute.
Azaldu dutenez, egoera horren berri eman zitzaien Italiako agintariei, eta gertuen zuten portua ematea eskatu. Eskaera horri "ez zioten erantzun, eta Salernoko porturaino ordu luzez nabigatzera behartu gintuzten", erantsi dutenez.
Sufrimendu handiagoa
"Nabigazioaren baldintza gogorrek eragindako sufrimendua ez zen beharrezkoa, eta ekidin zitekeen Italiako Gobernuak Salernoko portua baino gertuago dagoen portu bat eman izan baligu", kritikatu dute.
"Berriro ere salatu nahi dugu Italiako Gobernuak beste behin urratu egin dituela printzipio humanitarioak, erreskate eremutik urrun dagoen portu bat eskaini baitigu", salatu du Amaia Iguaran gobernuz kanpoko erakundearen presidenteordeak.
Aita Mari ontziak, Mediterraneoan lanean hasi zenetik, 1.522 pertsona bizirik erreskatatzea lortu du.
Zure interesekoa izan daiteke
GIB diagnostiko berantiarren kopurua % 60ra igo da Euskadin
Osasun Sailak uste du HIESaren eta STIen inguruko estigmak diagnostikoa atzeratzen duela eta kutsatzeko arriskua handitzen duela. Osakidetzarekin batera, "Parktikatu sex-carea" kanpaina abiarazi du.
1.778 ikaslek eskatu dute USaPeko euskara azterketa berrikustea
Behin betiko emaitzak datorren astelehenean argitaratuko dira. EHUko errektoreak zehaztu duenez, "ez dute baloraziorik egingo probaren emaitzari buruz"; izan ere, kalifikazioak, une honetan, "behin-behinekoak dira eta berrikuspen prozesuan daude".
Noiz jakingo ditugu USaPeko notak?
Datorren astelehenean, ekainaren 22an, unibertsitatera sartzeko probetako behin betiko notak argitaratuko dira, baina ikasleek azken aukera bat izango dute: azterketak ikustea.
500 babesgune klimatiko daude Euskadin, beroaldiei aurre egiteko
Ihobe sozietate publikoak bultzatutako ekimenari esker, 11 udalerritako eremu publikoak egokitzen dira —hala nola liburutegiak eta parkeak— itzalguneak eta gune freskoak eskaintzeko. Milioi bat pertsonari baino gehiagori egiten die mesede, eta asmoa pertsona zaurgarrienak babestea da.
San Mamesen eta garraio publikoan aldaketak egiteko eskatu zion FIFAk Bilbori
Udalak berretsi egin du 2030ean jokatzekoa den Munduko Txapelketako egoitza izan nahi duela, baina "ez edozein preziotan".
Txirrindulari bat hil da Forondan, auto batekin istripua izanda
Ezbeharra 08:50ak jo barik zeudela gertatu da, A-4306 errepideko biribilgune batetik gertu.
Osakidetzak 17 pertsona txertatuko ditu berriro Bilbon eta Lasarten, hotz-katearen akats baten ondorioz
Osasun Sailak onartu egin du EH Bilduk salatutako hotz-katearen akatsa, eta berriro txertatuko ditu kaltetuak: bost Lasarten eta hamabi Arangoitin. Rebeka Uberak gertatutakoa "ulergaitza" dela esan du, eta gogora ekarri du orain gutxi iraungitako txertoekin Osakidetzan izandako polemika.
Eibarko Udalak ezohiko osoko bilkura egingo du arratsaldean sokamuturren etorkizunaz eztabaidatzeko
Bilkura 19:00etan egingo da, eta bozketa ez da loteslea izango. Bien bitartean, ordu erdi lehenago, 18:30ean, elkarretaratzeak egingo dituzte Udaletxe kanpoan sokamuturraren aldekoek eta aurkakoek.
Albiste izango dira: Abisu horia beroagatik, Estatu Batuen eta Iranen arteko bake akordioa eta "Bizi Natura" saioaren denboraldi amaiera
Gaurkoan Orain-en albiste izango direnen laburpena, bi hitzetan.
Eusko Jaurlaritzak euskara azterketetako zeroen auziko "balizko gorabeherak" aztertzeko eskatu dio EHUri
Unibertsitate eta Hezkuntza sailburuek eta errektoreak urgentziazko bilera egin dute, giro adeitsuan. Aurretik, Jaurlaritzaren bozeramaileak eskatuta zuen azterketak azkar zuzen ditzatela, eta Unibertsitatearen esku daudela esan du. EHUk erantzun du "prozesu guztia" Eusko Jaurlaritzarekin batera egiten dela.