Israelek dagoeneko okupatuta dituen Gazaren inguruko eremuak husteko agindua eman du berriro
Israelgo Armadak Beit Hanoun eta Sheikh Zayed husteko agindua eman du berriro, Gazako ipar-ekialdean, jadanik tropa sinoistek okupatutako Zerrendaren ondoan, Israelen banalerroaren alboan, bertan "frankotiratzaileen erasoak eta ekintza terroristak" egiten direla argudiatuta.
Horrela, Israelek Gaza Hiriaren mendebaldera "berehala" joateko agindua eman die Gazako herritarrei, eta Hamas erresistentzia palestinarrari egotzi dio desplazamenduaren eta sufrimenduaren erantzukizuna.
Martxoaren 18an Israelek su-etena hautsi zuenetik, Armada sionistak 420.000 gazatar baino gehiago desplazatu ditu berriro. Dagoeneko gatazkak herritarren % 90 (2,1 milioi inguru) desplazatu ditu, UNRWA errefuxiatu palestinarrentzako NBEren agentziaren datuen arabera.
Israelgo Armadak hainbat aldiz agindu du sektore horiek husteko, su-etena hautsi zuenetik. Eremua Israelen kontrolpean dagoen perimetroarekin muga egiten du, Israelen banalerrotik hasi eta Palestinako iparraldean kilometro bat baino gehiagoko sakoneraraino. Israelgo tropek Gazako iparraldean okupatzen duten eremua are gehiago zabaltzearen beldurra areagotzen ari da.
"Ebakuazio" agindupean dauden eremuak eta mugimendu guztiak Armadarekin koordinatu behar diren sektoreak batuta, Israelek 'debekatutako' eremu gisa mantentzen du Zerrendako lurraldearen % 69 inguru, Gai Humanitarioak Koordinatzeko NBEren Bulegoaren (OCHA) arabera.
Mohammed Salha Jabaliako (iparraldea) Al Awda Ospitaleko jarduneko zuzendariak gaur esan duenez, osasun zentroa larrialdi egitasmo bat prestatzen ari da, tropa israeldarrek iparraldean duten nagusitasuna areagotzeko aukera dela eta. Horren ondorioz, Indonesia Ospitalea (Beit Lahia) ixteko arriskua handia da, eta Al Awda eskualdeko zentro bakarra bihurtuko litzateke.
Sarraskiak ez du etenik
Gutxienez 12 pertsona hil ditu Israelek Jabaliaaren aurka egindako eraso batean, Gazako Zerrendaren iparraldean, Defentsa Zibileko larrialdi zerbitzuak jakitera eman duenez. "Oraindik desagertutako pertsonak hondakinen azpian harrapatuta daude, eta horiek berreskuratzea zaila da, erreskaterako makineriarik ez dagoelako", erantsi du Mahmud Basal Defentsa Zibileko bozeramaileak.
Agintariek oraindik baieztatu gabe duten hildakoen kopurua gutxienez 18koa dela ziurtatu dute bertako iturri medikoek. Bonbardaketak desplazatuak babesten ziren familiaren etxe bat izan du jomuga, Wafa Palestinako albiste agentzia ofizialaren arabera.
Gaza Hiriko Al Yarmouk kalearen aurkako beste bonbardaketa baten ondoren gertatu da erasoa, iparraldean hori ere, eta gutxienez 7 pertsona hil dituzte, tartean haurrak. Israelen bonbardaketek 60 pertsona inguru hil dituzte ostegun honetan Gazan, Zerrendako medikuek jakitera eman dutenez.
Haur-ospitale bat zerbitzutik kanpo, Israelen eraso baten ondorioz
Gainera, Gazako Zerrendako agintariek gaur jakinarazi dutenez, lurraldearen iparraldean dagoen haur-ospitale bat zerbitzuz kanpo geratu da, asteartean Israelgo Armadak egindako eraso baten ondorioz.
Gazako Osasun Ministerioak ohar labur batean adierazi duenez, Al Durra haur-ospitalea, Gaza hiriaren ekialdean, "zerbitzutik kanpo dago", Israelen erasoetan "kalte larriak" jasan ostean. Dagoeneko 37 dira eraso militar sionisten ondorioz zerbitzutik kanpo dauden ospitaleak.
Zure interesekoa izan daiteke
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.
EBko 22 estatuk Ceutako migrazio krisiaren aurrean erantzun bateratua eskatu dute
Italiak eta Danimarkak bultzatutako gutunean, EBko Barne ministroen ezohiko bilera eskatu dute kanpo-mugen kontrola indartzeko, eta ohartarazi dute erregularizazio masiboek "erakarpen-efektua" izan dezaketela.
Von der Leyenen ustez, Europako mugen kontrola "are gehiago indartu behar da"
Europako Batzordeko presidenteak ohartarazi duenez, "adi egon behar dugu sarbide kritiko guztietan, eta agintari guztien arteko koordinazio estua izan". Era berean, “ikasgaien azterketa-prozesu bat" abiatzeko eskatu du, "Europaren erresilientzia hobetzeko".
Hamasek armagabetzeko akordioa berretsi du, baina Israel Gazatik erretiratzea jarri du baldintza gisa
Testuinguru horretan, talde palestinarrak berretsi du ez duela bere esku dagoen armamentua entregatuko Israel Gazako Zerrendatik erretiratu baino lehen.
AEBk Kuwaiten duen base militar baten aurkako erasoa aldarrikatu du Iranek
Irakeko Gobernuak ukatu egin du bere lurraldearen barruan erasoak baimendu izana, Estatu Batuetako presidenteak aste honetan ziurtatu ostean Saudi Arabiarekin batera eta Irakekin koordinatuta egin zituztela erasoak. Bestalde, Itsaso Gorria babesteko nazioarteko koalizio baten sorrera iragarri du Saudi Arabiak.
AEBk eta Saudi Arabiak Iranen aldeko miliziei eraso egin diete Iraken, drone bidezko eraso baten ondoren
Bonbardaketek Herri Mobilizazioaren Indarretako 20 kide hil eta 32 zauritu dituzte gutxienez, eta Irakek larrialdiko bilera deitu du tentsioak gora egin duelako.
Fujimorismoa itzuli da: Keiko Fujimorik presidente karguaren zina egin du
Alberto Fujimori presidente ohiaren (1990-2000) alabak laugarren saiakeran lortu du presidente izatea. Aurreko hauteskundeetan bigarren itzulian galdu zuen. Azken hamarkadan herrialdeak bizi izan duen ezegonkortasun politikoari aurre egin beharko dio, eta gobernatzeko akordioak lortu beharko ditu, ez baitu eta gehiengo osorik. Gainera, Keiko Fujimorik Trumpengana gerturatzeko asmoa duela iragarri du, eta horrek aldaketa ekar dezake politikan, Peruko ekonomiaren bazkide nagusia Txina baita.