Hamas
2023/12/15 - 22:38
Israelek aitortu du hiru bahitu israeldar hil dituela Gazan egindako operazio batean
Israelgo Armadak azaldu duenez, hiru bahituak mehatxu gisa identifikatu zituzten, tiro egin zieten eta hil egin zituzten.
2023/12/13 - 08:54
NBEren Batzar Nagusiak Gazan berehalako su etena ezartzea eskatu du, gehiengo zabalez
Duela 15 egun eztabaidatutakoak baino babes gehiago izan du adierazpenak (153 aldeko boto izan dira oraingoan; aurrekoan, 120). "Gazako Zerrendaren egoera humanitario katastrofikoaren" aurrean menia ezartzea eta Hamasek bahitutakoak baldintza gabe eskatzea galdegin du.
2023/12/10 - 20:58
Hamas: "Ez dugu bahiturik askatuko preso palestinarrekin trukatu ezean"
Israelgo Gobernuak argi utzi du ez duela trukeekin jarraitzeko asmorik. Israelgo agintarien arabera, Hamasek 132 bahitu ditu oraindik gatibu.
2023/12/06 - 20:45
Guterresek Segurtasun Kontseiluari eskatu dio presioa egin dezala "giza hondamendiak saihesteko" Gazan
Lehen aldia da NBEren sorrera-gutunaren 99. artikulua aipatzen duena. Artikulu horren arabera, idazkari nagusiak "nazioarteko bakea eta segurtasuna arriskuan jar dezakeen edozein gairi buruz ohartarazi ahal dio Segurtasun Kontseiluari".
2023/12/06 - 09:20
Lurreko erasoaldiaren hirugarren fasean aurrera egin du Israelek, Gazako hegoaldea jomugan
Atzo —gerra hasi zenetik 60 egun bete ziren— Israelgo tropek Hamasi eraso egiten jarraitu zuten, "orain arteko erasoaldi bortitzena burututa".
2023/12/04 - 20:24
Gazako operazioa beste bi hilabetez luzatuko dela uste du Israelgo Defentsa ministroak
ABC telebista kate estatubatuarrari emandako adierazpenetan, Gallantek esan du Hamasek "bi aukera" dituela: "tuneletan edo gainazalean hiltzea ala baldintzarik gabe amore ematea".
2023/12/04 - 11:58
Israelek ofentsiba indartu du Gazan, eta hegoaldea lurrez erasotzeko prestatzen ari da
Etengabeko erasoen aurrean, Irango Atzerri ministro Hosein Amir Abdolahianek adierazi du AEBk ordaindu egin behar duela, "emakumeak, haurrak eta zibilak hiltzeko orduan", Israeli emandako laguntza "hipokritagatik".
2023/12/02 - 21:33
Hamasek dio ez duela bahiturik askatuko behin betiko su-etenik ez den bitartean
"Akordioaren bere zatia ez betetzea" leporatu dio Israelek Hamasi, eta emakume guztiak askatzeko eskatu dio, su-etena berriro eztabaidatu aurretik. Hamasek dio emakume eta haur guztiak entregatu dituela, eta Israelek eskatzen dituen ama eta haurrak Israelen bonbardaketen ondorioz hil zirela.
2023/12/01 - 13:54
Israelek 180 pertsona hil eta 590 zauritu ditu su-etena amaitu ostean Gazan egindako bonbardaketetan
Hamasek eta Israelek elkarri leporatzen diote menia apurtu izana. AEBko Gobernuak ere Hamasi egotzi dio meniaren hausturaren errua. "Hamasen erruz amaitu zen su-etena, ez baitute bahituen zerrenda bat entregatu, menia luzatzen lagundu zezakeena", adierazi du John Kirbyk.
2023/11/30 - 12:10
Israelek eta Hamasek su-eten humanitarioa egun batez luzatzea adostu dute
Hamasek hamar bahitu askatu ditu ostegun honetan, eta Israelek askatutako preso palestinarren artean gutxienez 23 adingabe eta zazpi emakume daude. Bestalde, hiru pertsona hil dira eta beste sei zauritu dira Jerusalemen tiroz egindako eraso baten ondorioz.
2023/11/29 - 21:30
Palestina NBEren aurrean: "Hau ez da gerra bat, sarraski bat da; Israel Palestina mapatik ezabatzen ari da"
Palestinar Aginte Nazionalak "nazioartearen babesa" eskatu du NBEko Segurtasun Kontseiluaren aurrean. Bestalde, Israel su-eten iraunkor baten aurka agertu da, "Hamasen terrorearen erreinua" sendotzeko soilik balioko duela argudiatuz.
2023/11/28 - 19:23
Qatarrek dio Gazan "su-eten iraunkorra" lortzeko lanean ari dela
"Gure helburua Gazako Zerrendan su-eten humanitario luzeagoa lortzeko akordioa ixtea da", azaldu du Mayed al Ansari Qatarreko Atzerri Ministerioko bozeramaileak.
2023/11/28 - 12:36
Israelek 30 emakume eta haur palestinar kartzelatik atera ditu, eta Hamasek 12 bahitu askatu
Israelek 50 palestinar gehitu ditu kartzelatik atera daitezkeenen zerrendara, tartean Ahed Tamimi ekintzailea. Orain arte, Hamasek 60 israeldar askatu ditu, baita beste 21 atzerritar ere.
2023/11/28 - 10:06
Bahituen eta presoen trukeak aurrera jarraitzen du Hamasen eta Israelen artean
Bart gauean 11 bahitu aske utzi ditu Hamasek. Israelek, bere aldetik, 33 preso palestinar atera ditu kartzelatik; 30 adingabe eta 3 emakume.
2023/11/28 - 09:12
Albiste izango dira: "Artikotik Kantaurira" berezia, su-etenaren luzapena Gazan eta Herri Urrats 2024
Gaurkoan albiste izango direnen laburpena, hitz bitan.
2023/11/27 - 22:26
Bahituen eta presoen arteko laugarren trukearen hasiera berretsi du Israelek
Astelehen honetan, Hamasek beste 11 bahitu israeldar askatu ditu. Bestalde, Israelek beste 30 palestinar aske utziko ditu datozen orduetan. Etenaldia hasi zenetik, 39 israeldar, 19 atzerritar eta 117 palestinar aske utzi dituzte, NBEren arabera.
2023/11/27 - 18:48
Akordioa itxi dute Gazako Zerrendan su-etena beste bi egunez luzatzeko
Qatarrek, Egiptok eta Hamas Erresistentzia Islamikoaren Mugimenduak berak baieztatu dute beste bi egunez borrokaldiak eteteko akordioa. Orain arte, Israelgo Gobernuak ez du su-etenaren luzapenari buruzko adierazpenik egin.
2023/11/27 - 10:34
Hamasek emandako bahituen zerrendaren gaineko "eztabaida" piztu du Israelek
Zerrenda aztertzen ari omen dira, baina oraingoz ez dute xehetasun gehiagorik eman. Urriaren 7an izandako erasoaldian bahitu zituzten hamaika lagunen izenak daude zerrenda horretan.
2023/11/27 - 09:23
Albiste izango dira: "Artikotik Kantaurira" berezia, Hezkuntza Legearen ponentzia eta Gazako su-etena
Gaurkoan albiste izango direnen laburpena, hitz bitan.
2023/11/26 - 20:57
Arrakastaz osatu da Hamasek bahitutakoen eta Israelek preso hartutakoen hirugarren trukea
Hamasek 17 lagun askatu ditu eta Israelek 39 preso, adin txikikoak denak. Egiptok eta Qatarrek, Israelen eta Hamasen arteko su-etenaren bitartekariek, azaldu dute bi aldeek "erantzun positiboa" eman diotela su-etena beste lau egunez "baldintza berberetan" luzatzeko proposamenari.