Hamas
2023/10/27 - 16:59
Israelgo Armadak Gazan egiten dituen sartu-irtenak oso puntualak dira
Lurreko erasoaldi handia baimenduko duen argi berdea oraindik ez da iritsi. Militarrek prest daudela errepikatzen dute egunero, baina mugimendu handi hori momentuz ez da heldu.
2023/10/26 - 22:40
Gaurko operazio militarrarekin herritarren gogo-aldartea suspertu nahi du Israelek
Azken orduotan kezka areagotu egin da Hamasek iragarri baitu Israelek Gazan egindako bonbardaketen ondorioz 50 bahitu hil direla. Haien senideek protesta egin dute gaur Tel Aviven Defentsa Ministerioaren egoitzaren atarian, lur inbasioa gatibuak etxera onik ekarri ostean abiatu dezatela eskatzeko.
2023/10/26 - 20:35
Albaresek "babesa eta elkartasuna" helarazi dizkio Ivan Illarramendiren sendiari
Espainiako Gobernuko Atzerri Gaietarako ministroak Hamaseko bahituen senide talde bat hartu du; tartean, Ivan Illarramendi bilbotarraren senide bat. Urriaren 7an bahitu zuten, Israelgo kibbutz batean, emaztearekin batera.
2023/10/26 - 19:00
Gutxienez 50 bahitu hil dira Israelek Gazaren aurka egindako bonbardaketetan, Hamasen arabera
Hamas Erresistentzia Islamikoaren Mugimenduko Ezzedin al Qassam Brigadek 50 bat "preso sionisten" heriotza baieztatu du, Gazaren aurkako "bonbardaketen eta sarraskien" ondorioz.
2023/10/26 - 18:27
Israelen bonbardaketek 7.000 palestinar baino gehiago hil dituzte 20 egunetan, ia 3.000 haur tartean
Gainera, 18.500 palestinar zauritu dituzte aire-erasoetan. Era berean, Israelgo Armadak 57 osasun-instalaziori eraso die, eta 12 ospitale eta 32 osasun-zentro zerbitzutik kanpo geratu dira bonbardaketen edo erregai faltaren ondorioz.
2023/10/26 - 16:49
Tanke eta bulldozerrekin sartu dira Israelgo tropak Gaza iparraldeko hainbat eremutan
Israelek jakitera eman duenez, operazio honek bi helburu nagusi zituen: alde batetik, prestatzen ari diren lur-operazio handirako bideak garbitzea; eta bestetik, gatibu dauden pertsonen inguruko informazioa biltzea.
2023/10/26 - 16:05
Gerra-guneetan informatzea: gatazkan dagoen kazetari baten lan gogorra
Xabier Madariaga Palestinatik eta Israeldik etorri berria da, eta kazetari baten lana horrelako egoera batean nolakoa den kontatu digu, baita bigarren Intifadan informazioa eman zuenetik 20 urte igaro direnean gatazka nola ikusi duen ere.
2023/10/26 - 12:30
Israelgo tankeek sartu-irtena egin dute Gazan
Israelgo Armadak sartu-irten labur bat egin du tankeekin Gazako Zerrendaren iparraldean, Hamas talde islamistaren aurkako "borrokaren hurrengo etapak" baino lehen, Israelgo Armadako bozeramaile batek jakitera eman duenez.
2023/10/26 - 10:38
Israelgo Armadak lurreko eraso bat egin du gauean, tankeak erabiliz, Gazako iparraldean
Israelgo Defentsa Indarrek iragarri dute "erasoaldi selektiboa" egin dutela tankeekin, inbasiorako "prestaketaren barruan". Bestalde, egunkari palestinar batek jakinarazi du "borroka armatu bortitzak" izaten ari direla Zerrendaren erdialde-ekialdean.
2023/10/25 - 22:14
Netanyahuk berretsi du lurrez sartuko direla Gazan
Israelgo lehen ministroak bi helburu ditu: Hamas desagerrarazi eta talde islamistaren esku dauden bahituak askatu.
2023/10/25 - 20:35
6.500 pertsona baino gehiago hil dituzte Israelen bonbardaketek Gazan
Guztira, 2.704 haur hil dituzte Gazako Zerrendan azken 19 egunotan. Hori dela eta, berehala su-etena adostea eta laguntza humanitarioa sartzen uztea eskatu du Unicef NBEren agentziak.
2023/10/24 - 18:18
EIren aurkako "nazioarteko koalizioa" Hamasen kontra egiteko baliatzea proposatu dio Macronek Netanyahuri
"Hamas Israelgo Estatua suntsitzea helburu duen talde terrorista bat da, Estatu Islamikoaren, Al Kaidaren eta bere kideen kasua ere bada, ekintzan zein asmoan", adierazi du Frantziako presidenteak.
2023/10/24 - 16:41
Israelek orain arte eginiko bonbardaketarik bortitzena egin du Gazan, eta ehunka hildako eragin
Azken 24 orduetan Gazan 700 pertsona baina gehiago hil dituztela adierazi du Osasun Ministerioak. Bonbardaketa gogorrenak Gaza hegoaldean ari dira izaten, Israelek palestinarrei toki seguruagoa dela esan ostean.
2023/10/24 - 11:42
Gazan bahituta zeuden bi emakume israeldar askatu ditu Hamasek
Hamasen esanetan, Egiptoren eta Qatarren bitartekaritzaren ostean askatu dituzte bi emakumeak, "premiazko arrazoi humanitarioengatik".
2023/10/23 - 23:19
Israelen atxilotutako Gazako 4.000 langile inguru non dauden ez dakitela salatu dute hainbat GKEk
Astelehen honetan, Israelgo giza eskubideen aldeko sei taldek eskaera bat aurkeztu diote Auzitegi Gorenari, azken bi aste hauetan "atxilotu guztien izenak eta kokalekuak" jakinaraztea eskatzeko Gobernuari.
2023/10/23 - 22:55
Gazan bahituta zituen bi emakume israeldar askatu dituela iragarri du Hamasek
Nurit Yitzhak eta Yochved Lifshitz askatu dituzte, azken hori 85 urtekoa. Talde islamistak adierazi duenez, "permiazko arrazoiengatik eta gaixorik daudelako" utzi dituzte libre.
2023/10/23 - 22:50
Lurreko inbasioa atzeratzea eskatu dio Washingtonek Netanyahuri
Israelgo Gobernuak lurreko operazioaren argi berdea atzeratu du, Bidenek eskatu diolako, "The New York Times" egunkariaren arabera. Bien bitartean, Israelek airetik bonbardaketak egin ditu eta 436 pertsona hil ditu azken 24 orduetan, Hamaseko Gobernuaren Osasun Ministerioaren arabera.
2023/10/23 - 18:37
5.000tik gora dira Israelen bonbardaketen ondorioz Gazan hildakoak
Hildakoetatik, % 40 haurrak dira eta % 22 adinekoak. Israelen, berriz, Hamasen erasoek 1.400 hildako inguru utzi dituzte, eta 220 pertsona bahituta daude.
2023/10/23 - 16:25
Israelek Hamasen milizianoek urriaren 7an eginiko erasoaldiaren irudiak erakutsi dizkie komunikabideei
Gazaren kontra eraso egiten segitzen du Israelgo armadak. Etenik gabe bonbardatu du Gaza hiria eta baita hegoaldean dauden Khan Younis, Jabalia eta Rafah ere.
2023/10/22 - 22:39
Hamasek bahitutakoen senideak Genevan egon dira, Nazio Batuen inplikazioa eskatzeko
Azken egunotan, Hamasek bahitutakoak aske uztea eskatzeko hainbat elkarretaratze izan dira, Israelen batik bat. Gaur, bahitutakoen senideak Genevan egon dira, NBEk Europan duen egoitzaren aurrean, eta babes handiagoa eskatu diote bahitutako 212 senideak aska ditzaten.