Israelek gutxienez 80 palestinar hil ditu, tartean zenbait haur, Nuseirateko errefuxiatu-eremuan
Israelgo Armadak Nuseirateko (Gaza) errefuxiatu-eremuaren aurka egindako bonbardaketa batek gutxienez 80 palestinar hil ditu, 150 hildako inguru utzi dituen aire-erasoen egun batean.
Maan albiste agentzia palestinarrak jasotako informazioen arabera, Nuseiraten bilaketa lanetan parte hartzen ari diren erreskate taldeek eta zibilek 80 gorpu atera dituzte orain arte hondakinen artetik, tartean hainbat haur.
Gainera, Gazako Al Zaitun auzoan milaka desplazatu hartzen dituen eskola baten kontrako beste bonbardaketa batean dozenaka pertsona hil eta zauritu direla nabarmendu du, eta Al Sabra auzoan beste eraso batek dozenaka biktima utzi dituela.
Era berean, iparraldean gutxienez hamaika pertsona hil dira Yabaliako errefuxiatu-eremuan (Gazako Zerrendako handiena), plaza baten kontra egindako bonbardaketa batean.
Halaber, Nama irratiak Yabalian duen egoitza suntsitu dute errefuxiatu-eremuan egindako beste eraso batean, eta gutxienez hiru pertsona hil dira Gaza Hirian izandako beste bonbardaketa batean, tartean Jaled abu Hilal, Al Ahrar Mugimenduko idazkari nagusia.
Bestalde, bederatzi palestinar hil dira Rafahko (hegoaldea) hiriaren ekialdean, Egiptoko mugan, izandako eraso batean, eta beste hamar Al Qararan eta Bani Suhailan, lurraldearen hegoaldean, egindako bonbardaketa batean.
Palestinar Aginte Nazionala Gazara itzultzearen alde agertu da orain Borrell
Testuinguru horretan, Josep Borrell Europar Batasuneko Kanpo Politikarako goi-ordezkariak Palestinar Aginte Nazionala Gazako Zerrendara itzultzearen alde egin du ostiral honetan, etorkizuneko plan gisa, lurraldea egonkortzeko eta bi estaturen konponbidean aurrera egiteko.
Mohamad Shtaye Palestinako lehen ministroarekin batera Ramallahn emandako prentsaurrekoan, diplomazia buruak "Palestinar Agintea Gazara itzultzea" eskatu du. "Zuei buruz ari naiz, han zaudete, ez duzue inoiz Gaza utzi, herritarrei zerbitzuak eskaini dizkiezue eta lan hori egiten jarraitzeko gaitasuna duzue", esan du.
Albiste gehiago mundua
Pablo Ibarren defentsak dio agertu berri den lekuko batek badakiela nortzuek gauzatu zuten benetan hilketa hirukoitza
Ekainaren 26an 31 urte beteko dira gaueko klub baten jabea eta bertako bi langile hil zituztela. Hiru hilketen egiletzat Ibar jo zuten, eta horren errua egotzita zigortu zuten. Hala ere, berak errugabea dela dio.
Iranek eta Israelek misil gehiago jaurti dizkiote elkarri
Iranek atzo iragarri zuen aukera guztiak mahai gainean dituela, eta erantzunaren neurria aztertzen ari direla. Bien bitartean, Donald Trump AEBko presidentea pozik agertu da erasoak eragindako ondorioekin, eta Iranek “erregimen aldaketa” behar duela esan du.
Albiste izango da: AEBen erasoa Iranen, Cerdan kasua eta San Joan bezpera
eitb.eus-ek gaur egingo dituen albiste nagusien laburpena
Ormuzko itsasartea, petrolioa eta gasa komertzializatzeko gune estrategikoa, ixteko gomendatu du Irango Parlamentuak
Azken hitza, hala ere, Segurtasun Nazionaleko Kontseilu Gorenak eta Ali Khamenei aiatolak, Irango buruzagi gorenak, izango dute. Persiar golkoaren eta Omango golkoaren artean dago Ormuzko itsasartea, eta tarterik estuenean 54 kilometro ditu. Batez beste 13 zisterna-ontzi igarotzen dira egunero bertatik, eta 15 milioi petrolio-upel baino gehiago garraiatzen dituzte. Itxiko balitz, mundu osoan izango luke eragina.
Mikel Ayestaran: "Hemendik aurrera, Iranek bi fronte izango ditu: batetik, Israel; eta, bestetik, AEBren baseak Ekialde Hurbilean"
EITBren Ekialde Hurbileko korrespontsalaren esanetan, "Iranek uste du eskualdeko base kopurua ez dela indarraren erakusle, ahultasunarena baizik, denak babesteko gatz izango duelako AEBk".
Iranek ez du aukerarik baztertzen, AEBk instalazio nuklearren aurka eraso egin ostean
Irango Atzerri ministroak adierazi duenez, AEBk "Nazio Batuen Gutuna, nazioarteko zuzenbidea eta Arma Nuklearrak Ez Ugaritzeko Ituna urratu ditu Irango instalazio nuklear baketsuei eraso eginda", Nazio Batuen Segurtasun Kontseiluko kide iraunkor gisa. Erasoak "sumingarriak" direla esan, eta "ondorio iraunkorrak" izango dituztela gaineratu du.
AEBk Irango azpiegitura nuklearrak bonbardatu ditu
Iranen hiru instalazio nuklear bonbardatu ostean, Donald Trump AEBko presidenteak "bakea edo tragedia" aukeratzeko eskatu dio Irani. Oposizio demokratak Konstituzioa urratu izana leporatu dio Trumpi, Kongresuaren baimen espliziturik gabe egin duelako beste herrialde baten aurkako ekintza militarra. JD Vanceren hitzetan, bere herrialdea "ez dago Iranekin gerran, haren asmo nuklearrekin baizik".
Guterresek gaitzetsi egin du AEBk Irani egindako erasoa, eta diplomaziaren bideari eusteko eskatu du
Egoeraren larritasunaz ohartarazi du Nazio Batuen Erakundeko buruak. Indarkeria ekintzak areagotzeak, bai Iranen, bai mundu osoan, "ondorio katastrofikoak" izan ditzakeela uste du. Nazioarteko komunitateak tentsioa baretzeko eta elkarrizketarako deia egin du.
Martxa jendetsuak Erroman eta Londresen, Gazako erasoaldia amaitzea, Israelekin haustea eta Europaren berrarmatzea gelditzea eskatzeko
Londresko Palestinaren aldeko Martxa Nazionalean parte hartu dutenek oihuka eskatu dute Israelek Palestinako lurraldean "okupazioa" amaitzea eta Israelek Irani egindako bonbardaketak bertan behera uztea. Erroman, milaka lagunek Europaren berrarmatzea gelditzeko eta bakea berrezartzeko eskatu dute.
Trumpek esan du Espainiak "oso gutxi" ordaintzen duela NATOko kide gisa
Horrekin batera, AEBko presidenteak berretsi du erakundeko kide guztiek BPGaren % 5 inbertitu beharko luketela defentsan.