Espainiak ateak ireki dizkio Palestinaren aitortzari, eta Israelek "terrorismoa babestea" leporatu dio
Pedro Sanchez Espainiako Gobernuko presidente eta EBko txandakako presidenteak Israelera, Palestinara eta Egiptora egin duen bidaia amaitu du, baina bidaia amaitu aurretik, ateak ireki dizkio Espainiak Palestinako Estatua bere kabuz onartzeko aukerari, baldin eta nazioarteak norabide horretan erabaki bateraturik hartzen ez badu.
Ordu batzuk geroago, Israelgo Atzerri Ministerioak Espainiako eta Belgikako enbaxadoreak deitu ditu, azken orduetan Espainiako gobernuburuak eta Alexander de Croo Belgikako lehen ministroak egindako "adierazpen faltsuak" argitzeko, Hamasen "terrorismoa babestu" dutela iritzita. Horren aurrean, Jose Manuel Albares Atzerri ministro espainiarrak Rodica Radian-Gordon Israelek Espainian duen enbaxadorea deitu du Israelgo Gobernuaren "akusazio onartezin eta faltsuak" azal ditzan.
Sanchezek Israelen eta Palestinaren arteko gatazka konpontzeko bide bakarra bi estaturen arteko elkarbizitza dela adierazi du bidaia hau egin aurretik buruzagi askoren aurrean.
Orain arte galdetu diotenean ea Espainiak alde bakarreko aitortza planteatzen duen, behin eta berriz esan du beharrezkoa dela elkarlana. Baina ostiral honetan harago joan da, eta iradoki du Espainiak aldebakarreko erabakiak har ditzakeela, alde anitzeko aurrerapausorik izan ezean. Rafahko pasabidean egin ditu adierazpenak, Gazaren eta Egiptoren arteko mugan, Alexander de Croo Belgikako lehen ministroarekin batera egin duen azken bisitan, birari amaiera emateko.
"Nazioarteak eta, bereziki, Europako herrialdeek Palestinako Estatuaren aitortzari buruzko erabakia hartzeko unea iritsi da", azpimarratu du. Eta jarraian esan du mereziko lukeela elkarrekin lan egitea horretarako, "baina hori gertatzen ez bada, Espainiak, noski, bere erabakiak hartuko ditu", gaineratu du.
Bestalde, Israelgo Atzerri Ministerioak ohar batean hizpide izan ditu Sanchezek eta De Crook Rafahko pasabidean egindako adierazpenak: "Israel Nazioarteko Zuzenbidearen arabera jokatzen ari da, eta gerra krimenak eta gizateriaren aurkako krimenak egiten dituen Estatu Islamikoa baino okerragoa den erakunde terrorista baten aurka ari da borrokatzen".
Eli Cohen ministroak Ana Maria Salomon Perez Espainiako enbaxadoreari eta Jean-Luc Bodson Belgikako ordezkariari "errieta" egiteko agindua eman du.
Recep Tayyip Erdogan Turkiako presidenteak asteazkenean nabarmendu zuenez, Espainia da Mendebaldeko herrialde bakarra "isilik" ez dagoena Israelek Gazan egindako "gizateriaren aurkako krimenak" ikusita.
"Mendebaldeko herrialdeak, bat izan ezik, zoritxarrez, ez dira horretaz arduratzen. Europako ia herrialde guztiak isilik daude gai honen inguruan. Ez dago ekimenik sarraskia amaitzeko. Espainiak bakarrik erakusten du jarrera positiboa", esan zuen Erdoganek. Turkiako buruzagiak Gazako Zerrendan bizi den "tragedia munduari kontatu nahian" lanean dabiltzan "kazetariak hiltzea" leporatu dio Israeli ostiral honetan.
Zure interesekoa izan daiteke
Istiluak izan dira polizien eta manifestarien artean Milanen, Olinpiar Jokoen aurkako protesta jendetsuan
Poliziak ur-kanoiak eta negar-gasa erabili ditu manifestarien aurka, protestan ari zirenetako batzuek agenteei su artifizialak, bengalak eta bestelako objektuak jaurti ondoren. Milaka pertsona bildu dira protestetan, Neguko Olinpiar Jokoak hasi eta biharamunean.
Hautagai sozialista faborito dela egingo dute hauteskundeen bigarren itzulia Portugalen igande honetan
Inkesten arabera, Antonio Jose Seguro sozialistak botoen % 67 jasoko ditu, eta Andre Ventura ultraeskuindarrak, berriz, % 32. Ekaitzak Portugalen eragindako hondamendi betean egingo dute hauteskundeen bigarren itzulia.
Trumpek % 25eko muga-zerga ezarri die Irango ondasunak erosten dituzten herrialdeei
Programa nuklearraren inguruan AEB eta Iran zeharka egiten ari diren negoziazioen ostean etorri da erabakia. Asiako herrialdeak adierazi du "hasiera ona" izan direla elkarrizketak.
Islamabadeko xiiten gurtza leku batean izandako atentatu suizida batek dozenaka hildako eta zauritu utzi ditu
Pakistango Defentsa ministroak jakinarazi duenez, bertan zeuden segurtasun zaindariek aurre egin diote erasotzaileari, baina "tiro eginez eta immolatuz erantzun du". Pakistango agintariek Afganistango talibanei eta Indiari egotzi diete erasoa.
Txinak adierazi du ez duela negoziazio nuklearretan parte hartuko, START III ituna iraungi ostean
Asiako erraldoiak dio bere gaitasun nuklearrak ez daudela Estatu Batuen edo Errusiaren parean. Etxe Zuriak salatu du Txinak nabarmen handitu duela bere ahalmen nuklearra.
Preso politikoentzako amnistia legea onartzeko lehen pausoa eman du Venezuelako Parlamentuak
Delcy Rodriguez presidente arduradunak bultzatutako eta ostegunean lehen bozketan onartutako proiektuak 1999tik (chavismoa boterera iritsi zenetik) gaur egunera arte atxilotutako preso politikoak hartzen ditu barne, eta kanpoan uzten ditu giza eskubideen urraketa larriengatik auzipetuak edo zigortuak. Kontsulta prozesua zabalduko da orain, eta bigarren eztabaida batean onartu beharko da gero.
Arma nuklearren START III tratatua iraungi den egunean, eustearen aldeko jarrera agertu dute Errusiak eta AEBk
START III itunak arma nuklear estrategikoen kopurua mugatzen zuen, gehienez 1.550 buru nuklearretara eta 700 sistema balistikotara, bi potentzietako bakoitzerako, izan lurrean, itsasoan edo airean. Start III 2010eko apirilaren 8an sinatu zuten, Pragan, Dmitri Medvedev Errusiako eta Barack Obama AEBetako orduko presidenteek, eta 2021eko otsailean berritu zuten beste bost urterako eta gaur iraungi da.
Trumpek ez du bere ondorengoaz hitz egin nahi izan, eta nabarmendu du Vance eta Rubio "zoragarriak" direla
Donald Trump Ameriketako Estatu Batuetako presidenteak Etxe Zurian bere ordezkoari buruz ez du iritzirik eman nahi izan, eta JD Vancen eta Marco Rubioren lana goraipatu ditu.
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.