Industria

2025/01/17 - 20:31

Pesa poloniarrak Societe Generale fitxatu du Talgo Erosteko Eskaintza Publikoa egiteko

Operazioak Espainiako Gobernuaren onespena jaso beharko luke, baina garbi esan izan du Sidenorren aldeko apustua egiten duela, eta atzerriko enpresak Talgon sartzekotan, oso zati txikiarekin sartzeari baino ez diola irekitzen atea, erabakimena Espainian mantendu ahal izateko.

2025/01/15 - 12:24

2.000 milioi euroko inpaktu metatuarekin egin du 20 urteko ibilbidea BEC erakustazokak

Bi hamarkadatan 3.200 ekitaldi eta 20 milioi bisitari jaso ditu BECek. Apirilean beteko dira dira 20 urte, Barakaldon erakustazoka martxan jarri zenetik.

2025/01/14 - 18:42

Elkarretaratzea egingo dute asteazken honetan Zamudion, Siemens Gamesako lan-erregulazioaren aurka

CCOOk eta ELAk deitutako protesta 13:00etan egingo dute, Siemens Gamesak Parke Teknologikoan duen egoitzaren aurrean.

2025/01/14 - 14:41

Jauregik diskrezioa eskatu du Talgoren erosketari dagokionean, eta Sidenorren aldeko apustua berretsi du

Mikel Jauregi Industria, Trantsizio Energetiko eta Jasangarritasuneko sailburuak Talgoren negoziazio-prozesua izan du hizpide. Sidenor EAko konpainiak Talgoren akziodun izan nahi du, eta Eusko Jaurlaritzak eta Espainiako Gobernuak babesten dute aukera hori.

2025/01/14 - 13:32

Eusko Jaurlaritzak enpresa txiki eta ertainentzako 500 milioi euroko laguntza plana abiatuko du otsailean

2024an 272 milioi euro industria lehiakor eta jasangarria sustatzera bideratu ostean, Eusko Jaurlaritzak enpresa txiki eta ertainei laguntzeko programa berri bat iragarri du 2025erako, 500 milioi euroko zuzkidura historikoarekin.

2025/01/13 - 16:58

Pradalesek lan harreman "eraikitzaileak" eskatu ditu, "suntsitzaileak" baztertuta

Zentzu berean, Gasteizko Michelinen arduradunak esan du enpresaren lantegiek EAEn "etorkizuna izan dezaten, elkarrizketa sozial zintzoa eta eraikitzailea" behar dela.

2025/01/13 - 06:00

Nafarroako Parlamentuko Mahaiak eta Eledunen Batzordeak BSHren itxieraren gaia aztertuko dute gaur

UPNk eta PPk Mikel Irujo Industria kontseilariaren agerraldia eskatu dute, enpresaren egoera eta Nafarroako Gobernuak egingo dituen gestioak azaldu ditzan. Nafarroako Gobernuak Irujo eta Maeztu kontseilarien agerraldiak eskatu ditu, gaiaren berri eman dezaten.

2025/01/11 - 15:26

BSHko langile batzordea "nahiko baikor" ostiralean Madrilen izan zen bileraren ostean

Langile batzordeak nahiz Foru Gobernuak lanerako mahai bat osatu izanaren balioa azpimarratu dute, itxaropenik ez izatearen eta "aukerak dituen etorkizun" baten arteko aldea markatzen baitu, Chiviteren ustez.

2025/01/10 - 19:07

Garraio Ministerioak hilaren amaieran jarri du Sidenorrek Talgo erosteko akordiorako epe-muga

Madrilgo nahiz Gasteizko Gobernuen aukera gustukoena da Sidenor, eta oraingoz, bakarra, Talgoren % 29,9a erosteko. Sidenorrek bere eskaintzari eusten dio (4 euro akzioko) eta ziurtatu duenez Trilantic-ek "ez du baztertu". Baina ezer ez dago oraindik itxita.

2025/01/10 - 16:10

Chivitek itxaropena hitzeman die Ezkirotzeko 660 langileei, BSHrekin egindako bilera "positibotzat" jota

Nafarroako presidenteak komunikabideei adierazi die "lanerako mahai bat" osatuko dutela, lanpostu horien galerari irtenbide bat bilatze aldera.

2025/01/10 - 15:18

BSHko langileen elkarretaratzea Ezkirotzen, Madrilgo bilera dela eta

Espainiako Industria Ministerioaren eta Nafarroako Gobernuaren arteko bilera Madrilen egiten ari diren bitartean, BSHko langileek elkarretaratzea egin dute lantegiaren atarian, 'BSH ez da ixten. Nafarroako industriaren alde ' lelopean.

2025/01/10 - 08:51

Albiste izango dira: Venezuela, Copernicus txostena eta BSHren itxierari buruzko bilera Madrilen

Gaurkoan albiste izango direnen laburpena, bi hitzetan.

2025/01/08 - 22:11

Ezkirotzeko BSH konpainiaren enpresa-batzordea ez da joango ostiralean Madrilen egingo den bilerara

Bilera Industria Ministerioak sustatu du, eta bertan BSH taldeak Alemanian dituen ordezkariek eta Nafarroako Gobernuaren ordezkaritza batek parte hartuko dute; azken horrek batzordearen interesak ordezkatuko ditu.

2024/12/23 - 12:01

Esteban, energien gaineko zergari buruz: "Hemen planta asko egiten dira, baina, muinean, ezer gutxi"

EAJk Kongresuan duen bozeramaileak berretsi du euren botoa "ezezkoa" dela, neurriak Kontzertuaren sistema hausten duelako. Espainiako Gobernuak neurri sorta bat onartuko du astelehen honetan, urteko azken Ministro Kontseiluan, besteak beste, enpresa energetikoei ezarritako karga 2025era luzatzea.

2024/12/21 - 17:48

Milaka lagun atera dira kalera Iruñean, ixtear egon daitekeen Ezkirozko BSHko langileei babesa adierazteko

Enpresa-batzordeak "Ezkirozko BSH ixtearen aurkako jarrera" azaldu du, eta irtenbideak bilatzearen alde agertu da, BSHko zuzendaritzak astelehenean langileei helarazi zien ixteko iragarpenari aurre egiteko.

2024/12/19 - 16:16

Jauregik baieztatu du Siemens Gamesaren lan-erregulazioko espedienteak 50 langileri eragingo diela EAEn

Industria sailburuak esan duenez, Eusko Jaurlaritza enpresari nola lagundu aztertzen ari da, besteak beste, eskariak indartuta. "Noski, EAEn parke eoliko berriak nola egin daitezkeen aztertzeko ordua da", nabarmendu du.

2024/12/19 - 12:49

Balenciaga ontziolaren etorkizuna kolokan, gaurko bileraren atarian

Zalantza bazegoen ere, Espainiako Gobernuaren ordezkariek parte hartuko dute ostegun honetako elkarrizketa mahaian. Hartzekodunen konkurtsoan sartu ondoren ontziola historikoaren egoera konpontze aldera erakundeak bilerak egiten ari dira egunotan.

2024/12/18 - 19:20

Siemens Gamesak 430 langiletik 255era murriztu du lan-erregulazioko espedientearen eragina

Neurria urtarrilaren 9an jarriko da martxan. Lan-erregulazioko espediente hau egitasmo baten parte da, multinazionalak bere finantza egoera txarra zuzentzeko, eta aldi baterako beste lan-erregulazio bat jasotzen du.

2024/12/18 - 09:15

Siemens Gamesan 360 langileri eragingo dion aldi baterako erregulazio espedientea proposatu du enpresak

EITB Mediak baieztatu duenez, Hego Euskal Herrian, Asteasuko lantegian izango du eraginik handiena: 200 langilek baino gehiagok egiten dute lan bertan eta horien % 80 ingururi eragingo lioke espedienteak. Zamudioko plantan ere eragina izango du, baina txikiagoa.

2024/12/17 - 22:32

Balenciaga ontziola, ofizialki hartzekodunen konkurtsoan

Konkurtso-administratzailea PKF Attest konpainia izango da, Sestaon Naval ontziolaren itxiera gidatu zuen enpresa bera. Balenciagaren hartzekodunek hilabete dute orain alegazioak aurkezteko.