Iparralde

2024/05/18 - 20:05

Donibane Garazi eta Orreaga artean galdutako erromes baten bila ari dira

Jendarmeria Bretainiako 45 urteko gizon baten bila ari da. Gizonak ostiral arratsaldean hitz egin zuen familiarekin azken aldiz, eta geroztik ez dute haren berririk.

2024/05/18 - 15:20

EH Bai ez da Europako hauteskundeetara aurkeztuko eta EH Bilduren zerrendan joango da Iparraldeko hautagaia

Pernando Barrena EH Bilduren Europako hauteskundeetarako zerrendaburuak esan du Euskal Herriko zazpi herrialdeak gogoan hartuta egingo dutela lan legealdi osoan. "Ipar Euskal Herriko arazo eta kezka politikoak, ekonomikoak eta sozialak Europako Parlamentuan izango dira", hitz eman du Barrenak.

2024/05/17 - 19:05

Azterketak euskaraz egiteko eskubidea aldarrikatu dute ikasleek Baionan, beste behin ere

Jasaten duten diskriminazioa salatzeko manifestaldia egin eta komuneko papera bota dute Frantziako Gobernuak Baionan duen ordezkaritza aurrean. Aurten ere ezingo dute Euskara erabili, baina borrokan jarraituko dute, ondorengoengatik. Ziburun, Senperen, Donostian eta Bilbon ere mobilizatu dira.

2024/05/16 - 16:10

Etcheverry eta Molle errudun jo dituzte, baina zigorrik ez ezartzea erabaki du Parisko Zigor Auzitegiak

"Pozik" agertu dira sententziarekin Etcheverry eta Molle, bien iritzian, frogatuta geratu delako euren ekintzen xedea indarkeria amaitzea eta bakea lortzeko urratsak ematea izan dela beti. Helegiterik ez dutela aurkeztuko iragarri dute.

2024/05/13 - 12:47

Abisu horia ezarri dute Euskal Herri osoan, prezipitazio handiengatik

Eguraldi iragarpenaren arabera, ordubetean 15 litro pilatu daitezke metro koadroko.

2024/05/13 - 12:28

Seaskak bere helburua bete eta Beskoitzeko ikastola finantzatzeko adina diru bildu zuen Herri Urratsen

Peio Jorajuria Iparraldeko ikastolen elkarteko lehendakariak esan du oraindik ez dituztela kontu ekonomikoak itxi, baina "dudarik ez" dute Beskoitzeko ikastola finantzatzeko gaitasuna izango dutela.

2024/05/12 - 20:51

Euskaraz bizitzeko nahia aldarrikatu eta Beskoitzeko ikastola eraikitzeko dirua bildu du Herri Urratsek

Inoizko Herri Urratsik handiena da aurtengoa, bi gune gehiago eta eszenatoki berri bat baititu.

2024/05/12 - 14:27

Jendetza bildu da goizean goizetik Herri Urratsen, zirimiriari aurre eginez

Inoizko jai handiena izango da, bi gune berrirekin, eta hamaika ekitaldi antolatu dituzte, tartean talde entzutetsuen kontzertuak.

2024/05/12 - 13:50

''Euskal Herri osoak eraikiko du Beskoitzeko ikastola gaur Herri Urratsen elkartasuna adieraziz''

Horixe adierazi du Peio Jorajuria Seaska Ipar Euskal Herriko ikastolen elkarteko lehendakariak Senpereko jaiaren atarian.

2024/05/11 - 09:59

Ekaitzak zapuztuko du uda giroa arratsaldean

Larunbat goizean eguzkia ikusteko aukera izango dugu, baina arratsaldean ezegonkortzera egingo du eta zaparradak botako ditu nonahi. Jaurlaritzak abisu horia ezarriko du prezipitazio handiagatik. Maximoak jaisten joango dira asteburuak aurrera egin ahala, baina 20 °C-tik gora egongo dira.

2024/05/07 - 09:51

Espetxera bidali dute Donibane Lohizunen hilda aurkitu zuten emakumearen bikotekidea

Ipar Euskal Herriko Mugimendu Feministak deituta, manifestazio jendetsua egin zuten atzo Donibane Lohizunen, hilketa matxista salatzeko. Frantziako Justiziaren "arduragabekeria" salatu eta "erantzunkizunak" eskatu zituzten.

2024/05/06 - 23:13

Manifestazio jendetsua egin dute Donibane Lohizunen, azken hilketa matxista salatzeko

Talde feministek salatu dute fiskalak ez duela jakinarazi biktimaren izena zein den ere eta, manifestarien ustez, Euskal Herrian aurten izan den lehen feminizidioa ekidin zitekeen. Babes eta baliabide gehiago eskatu dizkiete Ipar Euskal Herriko erakunde publikoei.

2024/05/06 - 10:38

Gaur egingo diote autopsia Donibane Lohizuneko hotel batean hilda aurkitu zuten emakumeari

37 urteko bikotekideak atxilotuta jarraitzen du, eta arratsaldean eramango dute epailearen aurrera. Hilketa matxista salatzeko, Ipar Euskal Herriko Mugimendu Feministak deituta, elkarretaratzea egingo dute gaur, 19:00etan, Donibane Lohizunen.

2024/05/05 - 18:08

Fiskalak jakinarazi du oso krimen "basatia" izan dela Donibane Lohizuneko emakumearena

Astelehenean egingo diote autopsia. 37 urteko bikotekideak atxilotuta jarraitzen du, eta Jerome Bourrier fiskalak esan du hala jarraituko duela epaitzen duten arte. Bihar bertan, elkarretaratzea egingo dute hilketa salatzeko.

2024/05/04 - 19:16

Epailearen aurrera eramateko zain, atxilo dute Donibane Lohitzunen hilda agertu den emakumearen bikotekidea

Hilketa leporatuta, Baionako komisarian dago atxilotuta. Pertsona hau bera atxilo hartu eta aske utzi zuten apirilaren 14an, hilda agertu den emakumea Ziburuko hotel bateko bosgarren solairutik erori eta larri zauritu ostean.

2024/05/03 - 22:08

Hilik aurkitu dute indarkeria zantzuekin, Ziburun hotel bateko balkoitik erori eta larri zauritu zen emakumea

Gorpua Donibane Lohizuneko Paris hoteleko gela batean topatu dute. Emakumearen bikotekidea atxilotu egin dute, hilketa leporatuta. Pertsona hau bera atxilotua eta aske utzia izan zen apirilaren 14ko gertakarien ostean.

2024/05/01 - 11:25

Maiatzari ekiteko, euria eta tenperatura jaitsiera nabarmena

Goizean zaparrada mardulak botako ditu, baina egunak aurrera egin ahala tartekatuagoak izango dira. Gainera, tenperaturak asko jaitsiko dira eta elur maila 1.000 metroan koka daiteke.

2024/04/30 - 13:56

Giro hodeitsua, euria eta tenperatura jaitsiera nabarmena, maiatza hasteko

Asteazken goizean euri zaparrada mardulak botako ditu, baina egunak aurrera egin ahala tartekatuagoak izango dira. Gainera, tenperaturak nabarmen jaitsiko dira eta elurraren maila 1.000 metrora kokatu daiteke.

2024/04/29 - 09:16

Giro egonkorra eta argia apirila amaitzeko

Asteazkenerako, maiatzaren 1erako, tenperaturak berriro nabarmen jaistea eta euri asko egitea espero da.

2024/04/20 - 11:00

Seaskako ikasleek euskara hutsean egin ahalko dituzte Brebetako azterketak

Galderak ere euskaraz idatzita egongo dira. Frantziako Hezkuntza Ministerioak jakinarazi dio neurria Euskararen Erakunde Publikoari, eta zehaztu Seaskako ikasleek soilik izango dutela aukera hori. Seaskak dio "albiste ona" dela, baina ez dagoela datorren urteetarako bermerik.