Zaintza, landa eremuan desparekotasuna areagotzen duen faktorea
Landa eremua ez da salbuespena. Gizonen eta emakumeen arteko desparekotasuna nabarmena da, eta inguruaren ezaugarriek are gehiago desorekatzen dute egoera, zerbitzurik ez edukitzeak, besteak beste.
Gaur, Landa Eremuko Emakumeen Nazioarteko Egunean, emakumeek ingurune horretan egiten duten ezinbesteko lana goraipatzeko eguna da, baina ezin aipatu gabe utzi lan horrek gizonekiko desparekotasuna areagotzen duela.
EAEko biztanleriaren % 14 bizi da landa eremuan, 2.000 biztanletik beherako, kilometro koadroko 100 herritar baino gutxiagoko eta BPGaren % 3 lehenengo sektoretik datorren udalerrietan, hain zuzen ere.
Pertsona horietatik, erdiak emakumeak dira (129.000 inguru, Eusko Jaurlaritzaren azken txostenaren arabera), eta uste denaren aurka, soilik % 22k ditu 65 urte baino gehiago, hiriguneetan baino gutxiagok (% 26).
Emakume horiek, batez beste, egunero zortzi ordu egiten dute lan (etxeko lanak, zaintza eta soldatapekoa), gizonek baino bi ordu gehiago, eta lan egiteko adina dutenen % 46k besterik ez du soldatapeko lana.
Hori horrela, landa eremuko emakumeek, batez beste, bi ordu eta 36 minutu aritzen etxeko lanetan, gizonek egiten dutenaren halako bi. Hala eta guztiz ere, alde handiena besteen (mendekoak edo adingabeak) zaintzan sortzen da: emakumeak egunero 102 minutu aritzen dira horretan; gizonezkoak, ordea, 12 minutu.
Gainera, alde handia dago hiri ingurunearekin konparatuta, bertan emakumeek egunean batez beste ordu erdi egoten baitira besteak zaintzen.
Nafarroako Gobernuak egindako txosten baten arabera, "zaintzaren ardura bereziki emakumeena izateak eta ondarearen eskualdatzea gizonezkoen artean egiteak", beste arrazoi batzuen artean, "kalte egin dio emakumeari nekazaritza sektorean aurrera egin dezan".
Izan ere, Nafarroan lau nekazaritza ustiategitik bat dago emakume baten izenean, Iparraldean bezalaxe, eta landa eremuko emakumeen % 1ek bakarrik egiten du lan lehenengo sektorean, eta gizonezkoek halako lau.
EAEn ere oso antzekoa da datua, ustiategien % 25 inguru baitago emakumeen esku.
Zure interesekoa izan daiteke
'Euskaltzaleon Martxak' euskaltzale guztiak batu nahi ditu ekainaren 13an Iruñean
Aldarrikapena eta ospakizuna uztartuko ditu jardunaldiak, "euskaraz bizitzeko baldintzak eskatzeko eta euskaltzale izatearen harrotasuna balioan jartzeko".
Gurutzaontzian hantabirusak kutsatutako hiru pertsonak Herbehereetara ebakuatuko dituzte
Espainiako Osasun Ministerioak adierazi duenez, pertsona horiek ebakuatu ondoren, "ez litzateke egongo arrazoi klinikorik" Kanariar Uharteetan eskala egiteko, Cabo Verde eta Uharteen arteko bidean "kasu sintomatiko berririk agertu ezean".
Seaskako ikasleek desobedientziara joko dute eta euskaraz erantzungo dute baxoko matematikako azterketa
Baionan dagoen Bernat Etxepare lizeoan egin duten agerraldian, Seaskako ikasleek iragarri dute desobedientziara joko dutela eta ekainaren 12an egin behar duten baxoko matematikako azterketa euskaraz egingo dutela. Azterketa guztiak frantsesez egitera behartuta daude, eta aspalditik ari dira baxoa euskaraz egiteko aldarrikapenarekin. Momentuz baina, ez dute aurrerapausorik lortu. Euskal gizarteari babesa eskatu diote, eta besteak beste, igandean Herri Urratsen izango diren mobilizazioetara batzeko deia egin dute.
Iñigo Urkulluk eta Patxi Lopezek Garaikoetxea gogoratu dute, zendu berritan
Lehendakari biek doluminak eta esker ona adierazi dituzte Carlos Garaikoetxea zendu ondoren. Iñigo Urkulluk adierazi du beretzat "gertukoa" zela Euskadiri buruzko planteamentuetan. Lopezek, berriz, "erreferentea" dela esan du.
Lekuko batek adierazi du Maialenen ustezko hiltzailea “noraezean" zebilela eta biktimari “familia aurka jartzea" leporatzen ziola
Maialenen hilketaren epaiketaren bigarren egunean, hainbat lekukok deklaratu dute. Maialen maiatzaren 27an hil zuen omen bikotekideak, Gasteizko hotel batean, 13 labankada emanda. Akusazioek diote hiltzeko asmoz jardun zuela, eta 45 urteko espetxe-zigorra eskatu dute. Defentsak, berriz, "errealitatetik deskonektaturik" zegoela alegatzen du.
Epaileak ikertu gisa deitu du El Bocaleko pasabidearen diseinatzailea
Egitura diseinu eta eraikuntza akatsen ondorioz erori izana posible dela adierazi du epaileak bere autoan. Ingeniariak ekainaren 5ean deklaratuko du.
OMEk baieztatu egin du bi hantabirus kasu izan direla gurutzaontzian, eta zazpi kasu aztertzen ari dira
Hiru bidaiari hil dira hantabirusak jota, eta laugarren bat zainketa intentsiboetan dago. 23 nazionalitatetako 149 lagun (88 bidaiari) zeramatzan itsasontzia Argentinatik irten zen martxoaren 20an, Cabo Verderantz. Egun, han jarraitzen du, Kanaria Handian edo Tenerifen lehorreratzeko zain. OMEk uste du gaixo eta hildakoak gurutzaontzitik kanpo infektatu zirela.
Zer da hantabirusa, karraskariek transmititzen duten eta gaixotasun larriak eragin ditzakeen birusa?
Martxoaren 20an Ushuaiatik (Argentina) abiatu zen gurutzaontzi batean agerraldi bat izan da, eta dagoeneko hainbat hildako utzi ditu. Agerraldiak gaixotasun zoonotiko horren gainera eraman du fokua.
Pertsona bat zauritu da BI-10 errepidean, Bilbon, istripu baten ondorioz
Ezbeharra Errekalde parean gertatu da, Galdakaorako noranzkoan, eta hiru erreietako bi itxi dituzte. Hala ere, 07:00ak aldera errepidea erabat zabaldu dute.
Hiru pertsona hil dira, ustez hantabirusak jota, gurutzaontzi batean
Osasunaren Mundu Erakundeak (OME) adierazi duenez, "kutsatze-arriskuak txikia izaten jarraitzen du" eta "ez dago izutzeko arrazoirik". MV Hondius gurutzaontzia lehorreratzeko portu bila ari da, Cabo Verdek baimena ukatu baitio. Ontzian doazen 149 lagunetatik 14k Espainiako nazionalitatea dute.