Lekuko batek adierazi du Maialenen ustezko hiltzailea “noraezean" zebilela eta biktimari “familia aurka jartzea" leporatzen ziola
Maialenen hilketaren epaiketaren bigarren egunean, hainbat lekukok deklaratu dute. Maialen maiatzaren 27an hil zuen omen bikotekideak, Gasteizko hotel batean, 13 labankada emanda. Akusazioek diote hiltzeko asmoz jardun zuela, eta 45 urteko espetxe-zigorra eskatu dute. Defentsak, berriz, "errealitatetik deskonektaturik" zegoela alegatzen du.
Maialen Mazonen, ustez bikotekide ohiak Gasteizen labankadaka hil zuen andrearen, heriotza argitzeko epaiketaren bigarren egunean, hainbat lekukok deklaratu dute. Horietako batek, akusatuarekin harreman komertziala izan zuenak, “noraezean zebilen” pertsona gisa deskribatu du, eta biktimari “familia bere aurka jartzea" leporatzen ziola adierazi du.
Maialenen aitaren bikotekidearen semeetako batek ere testigantza eman du gaur goizean, eta adierazi du anaiak eta biak aurkitu zutela gaztearen gorpua. Antza, aurreko egunetik ez zuten Maialenen berririk, eta Gasteizko hainbat ostalaritza-establezimendutan ibili ziren gazldezka, ostatu hartu zuen tokia topatu zuten arte.
Kontatu duenez, biktima lurrean zegoen, zaurituta, alabaren aulkitxoari helduta. Azaldu du gertakariak ondorio psikologikoak izan dituela familian.
Gainera, Maialen eta haren ustezko hiltzailea maiz joaten ziren taberna eta kafetegietako langileek ere hartu dute hitza gaurkoan, eta gehienek esan dute ohikoa zela bikotea liskarrak izaten ikustea, eta harreman gorabeheratsua zutela.
Apartahotelean, solairu berean ostatu hartuta zegoen bezero bat ere izan da gaur epaiketan, eta, adierazi duenez, arratsalde hartan, gelara bidean zihoala, oihuak eta irainak entzun zituen korridorean, eta, 19:00ak inguruan, motxila bat ikusi zuen bide erdian botata.
Krimena gertatu eta ordu batzuetara ustezko hiltzailearekin tragoak edaten egon ziren bi gaztek ere deklaratu dute, eta esan dute akusatua odolez zikinduta eta “apatiko” agertu zela, baina “normaltasunez eta eldarnio-sintomarik gabe” hitz egiten zuela. Gainera, alkandoraren odolaren jatorriari buruzko azalpenak eskatu zizkiotenean, bere bikotekideak “jo” egin zuela ziurtatu zuela azaldu dute.
Atzo ekin zitzaion Maialen Mazonen ustezko hiltzailearen epaiketari. Bikiez haurdun zegoela, 2023ko maiatzaren 27an hil zuen ustez bikotekide ohiak, Gasteizko hotel batean, 13 labankada emanda. Akusazioek diote hiltzeko asmoz jardun zuela, eta 45 urteko espetxe-zigorra eskatu dute. Defentsak, berriz, "errealitatetik deskonektaturik" zegoela alegatzen du. Gaurko saioan 11 lekukok deklaratu dute.
Nabarmentzekoa da krimen horrek zalantzan jarri zuela genero-indarkeriaren biktimak babesteko sistema EAEn. Izan ere, akusatuak urruntze agindua zuen, eta Maialen "arrisku larrian" zegoen biktima gisa agertzen zen VioGen genero indarkeria kasuen Espainiako jarraipen sisteman, baina Ertzaintzak "arrisku baxuko" kalifikazioa eman zion. Kasu horren ondorioz, Ertzaintzak kasu horietan jarduteko protokoloak aldatu zituen.
Zure interesekoa izan daiteke
Ertzaintzak 65 urtetik gorako pertsonen 11.976 biktimizazio erregistratu zituen 2025ean
Biktimizazio mota hauen erdia baino gehiago 50.000 biztanletik gorako udalerrietan kontzentratu ziren.
'Euskaltzaleon Martxak' euskaltzale guztiak batu nahi ditu ekainaren 13an Iruñean
Aldarrikapena eta ospakizuna uztartuko ditu jardunaldiak, "euskaraz bizitzeko baldintzak eskatzeko eta euskaltzale izatearen harrotasuna balioan jartzeko".
Gurutzaontzian hantabirusak kutsatutako hiru pertsonak Herbehereetara ebakuatuko dituzte
Espainiako Osasun Ministerioak adierazi duenez, pertsona horiek ebakuatu ondoren, "ez litzateke egongo arrazoi klinikorik" Kanariar Uharteetan eskala egiteko, Cabo Verde eta Uharteen arteko bidean "kasu sintomatiko berririk agertu ezean".
Seaskako ikasleek desobedientziara joko dute eta euskaraz erantzungo dute baxoko matematikako azterketa
Baionan dagoen Bernat Etxepare lizeoan egin duten agerraldian, Seaskako ikasleek iragarri dute desobedientziara joko dutela eta ekainaren 12an egin behar duten baxoko matematikako azterketa euskaraz egingo dutela. Azterketa guztiak frantsesez egitera behartuta daude, eta aspalditik ari dira baxoa euskaraz egiteko aldarrikapenarekin. Momentuz baina, ez dute aurrerapausorik lortu. Euskal gizarteari babesa eskatu diote, eta besteak beste, igandean Herri Urratsen izango diren mobilizazioetara batzeko deia egin dute.
Iñigo Urkulluk eta Patxi Lopezek Garaikoetxea gogoratu dute, zendu berritan
Lehendakari biek doluminak eta esker ona adierazi dituzte Carlos Garaikoetxea zendu ondoren. Iñigo Urkulluk adierazi du beretzat "gertukoa" zela Euskadiri buruzko planteamentuetan. Lopezek, berriz, "erreferentea" dela esan du.
Epaileak ikertu gisa deitu du El Bocaleko pasabidearen diseinatzailea
Egitura diseinu eta eraikuntza akatsen ondorioz erori izana posible dela adierazi du epaileak bere autoan. Ingeniariak ekainaren 5ean deklaratuko du.
OMEk baieztatu egin du bi hantabirus kasu izan direla gurutzaontzian, eta zazpi kasu aztertzen ari dira
Hiru bidaiari hil dira hantabirusak jota, eta laugarren bat zainketa intentsiboetan dago. 23 nazionalitatetako 149 lagun (88 bidaiari) zeramatzan itsasontzia Argentinatik irten zen martxoaren 20an, Cabo Verderantz. Egun, han jarraitzen du, Kanaria Handian edo Tenerifen lehorreratzeko zain. OMEk uste du gaixo eta hildakoak gurutzaontzitik kanpo infektatu zirela.
Zer da hantabirusa, karraskariek transmititzen duten eta gaixotasun larriak eragin ditzakeen birusa?
Martxoaren 20an Ushuaiatik (Argentina) abiatu zen gurutzaontzi batean agerraldi bat izan da, eta dagoeneko hainbat hildako utzi ditu. Agerraldiak gaixotasun zoonotiko horren gainera eraman du fokua.
Pertsona bat zauritu da BI-10 errepidean, Bilbon, istripu baten ondorioz
Ezbeharra Errekalde parean gertatu da, Galdakaorako noranzkoan, eta hiru erreietako bi itxi dituzte. Hala ere, 07:00ak aldera errepidea erabat zabaldu dute.