Euriteak direla eta, alerta eta abisuak daude indarrean Ipar Euskal Herrian, Gipuzkoa eta ia Nafarroa osoan
Zaparrada ugariak eta handiak, tarteka baita ekaitzak ere, eta tenperatura beherakada nabarmena. Eguraldi desatsegina iragarri dute gaurko, eta, hala, agintariek muturreko eguraldiagatik hainbat abisu eta alerta ezarri dituzte. Eusko Jaurlaritzako Segurtasun Sailak abisu horia ezarri du Gipuzkoa, prezipitazio iraunkorragatik; Aemet Espainiako meteorologia agentziak ere abisupean jarri du ia Nafarroa osoa (Erribera kanpo utzita). Ipar Euskal Herrian, are okerragoak dira iragarpenak, eta Meteofrancek alerta laranja ezarri du Ipar Euskal Herrian, euriagatik eta uholde arriskuagatik.
Gipuzkoa izan da abisua ezartzen lehena, eta horrela egongo da egun osoan. Euskalmetek egindako iragarpenaren arabera, 24 orduan 60 l/m² baino gehiago pila daitezke lurralde horretan, bereziki ekialdean. Are gehiago, iragarritako kopuruetatik gorako datuak erregistratu dituzte gauean hainbat estazio meteorologikoetan: Alegia (metro koadroko 64,3 litro), Zizurkil (62,4) edo Ereñozu (60,1).
Ingurumari horretan, Añarbeko urtegiak ura askatzeari ekin dio goizean, metro koadroko 43,5 litro jaso baitzuen atzo. Donostialdeko udalerriak urez hornitzen dituen urtegia da Añarbekoa, eta neurriarekin, edukiera handitu nahi du. % 86,57an dago beteta, eta iragarpena kontuan hartuta, hurrengo orduetan ere ura askatzen jarraituko du.
Horrez gain, 16:00etatik 18:00etara, itsasaldeko arriskuagatik abisu izango da indarrean. 2,5 metroko olatuek kostaldean jo dezaketela uste du Euskalmetek eta, gainera, itsasaldia oso bizia izango da, beraz itsasertzeko itsas-uholdeez gain, mareek bereziki eragin ohi duten itsasoko uholde-eremuetan ere gainezka egin dezake.
Ia Nafarroa osoa, Erribera kenduta, abisu horipean dago goizean goizetik. Pirinioetan eta Kantauri isurialdean (Baztan ingurua) 12 orduan metro koadroko 40 litro pilatuko direla iragarri du Aemetek. Nafarroa erdialdean, aldiz, ordubetean 15 l/m2 metatzea da aurreikuspena.
Meteofranceren arabera, Ipar Euskal Herrian gogotik egin du euria bart, eta metro koadroko 20-30 litro pilatu dira. Egunean zehar prezipitazioak etorriko omen direnez, alerta laranja ezarri du, euriteengatik ez ezik uholde arriskuagatik ere.
Zure interesekoa izan daiteke
Berehalako trafiko-kontrolak ezarri dituzte Oiartzunen eta Irunen, hirigunean zirkulazio-arazoak saihesteko
Ertzaintzak Oiartzungo landa-bideetako sarbideak zainduko ditu bereziki, mugan harrapatutako ibilgailuek ordezko bideak erabil ez ditzaten. Irunen, Udaltzaingoak iragazkiak ezarriko ditu, igarobideko trafikoak hirigunea kolapsatu ez dezan. Ostegun honetan, 10 kilometrorainoko auto-ilarak sortu dira Biriatun, Baionarako noranzkoan.
Hamar urteko mutiko bat hil da Burlatako etxebizitza batean izandako sutearen ondorioz
Sua hartu duen eraikineko hirugarren solairuko leihoetako batetik erori da eta ospitalera eraman dute, larri, kolpe ugarirekin.
14 dira Donostiako gozoki-saltzailearen sexu-erasoen biktimak
Ertzaintza 6 urteko epea ikertzen ari da, salatutako gertakarietako batzuk 2020koak baitira. Ustezko egilea behin behineko espetxealdian dago uztailaren hasieratik.
Anboto mendian 30 metroko altueratik erori ostean erreskatatutako 18 urteko emakume bat hil da
Istripua atzo, asteazkena, gertatu zen. Bi lekukok eman zuten abisua, gailurraren iparraldean biktima bihotz-arnasketako geldialdian zegoen bitartean, haren ondoan laguntza eske oihuka ari zen mutil bat prismatikoekin ikusi ostean. Gaur hil da gaztea, Gurutzetako ospitalean.
Urzainkiko suteak aktibo jarraitzen du, eta garrak perimetratzea da orain lehentasuna
Iñaki Elias Nafarroako suhiltzaileen buruak esan duenez, ez dago arriskurik herritarrentzat, baina eremu oso malkartsua izateak asko zailtzen ditu sua itzaltzeko lanak. Azken orduetan 4x4 ibilgailuentzako eta mangerentzako bideak irekitzea lortu dute, eta, horri esker, errazago heldu ahal izango diote suari, lurrez; airez, zortzi helikoptero ari dira lanean.
Enpresen iruzurrerako sare bat desegin dute Bilbon eta Castron
Guardia Zibilak bost pertsona atxilotu ditu talde kriminaleko kide izatea, iruzur egitea, dirua zuritzea, dokumentuak faltsutzea eta egoera zibila usurpatzea egotzita.
Izarrako igerilekua gaur itxi dute, ur eskasia dela eta
Urkabustaizko Udalak (Araba) udal igerilekuen denboraldia ohi baino lehenago ixtea erabaki du, ur kontsumo handia eta akuiferoen agortzea tarteko.
1.200 pertsona migrantetik gora lekualdatu dituzte Ceutako El Trampolin hondartzatik harrera-gune berrietara
Goizean ekin diote pertsona migratzaileak lekualdatzeko lehen faseari, uztail amaieran Ceutan izandako oldearen ondotik hondartza hustu asmoz. Lekualdatzea oinez eta taldeka egin da, inolako isitilurik gabe. Lekualdatutako ia erdiak hondartzara itzuli dira; gehienak, beren gauzak berreskuratzera, baina batzuk berriro han lo egiteko asmoz bueltatu dira.
Behi bat erreskatatu dute sasi artean, Faltzesko bosgarren entzierroan lubetatik erori ostean
Behia mugitu ezinik egon da hainbat minutuz, sasiz eta sastrakaz estalitako eremu batean harrapatuta. Azkenean, animalia bere kabuz irteten saiatu da, baina ez du askatzea lortu. Egoera horren aurrean, erreskate bat jarri da martxan, auzolanean sokak jarrita, zezena harrapatuta geratu den eremutik ateratzeko.
Rigloseko sutea egonkortu dute 14.500 hektarea kiskali ostean
Goizean Centenero, Ena eta Botayan herrietako bizilagunak beren etxeetara itzuli dira, atzo beste 13 herritako 583 bizilagunek egin bezala.