Aske utzi dituzte migratzaileei muga pasatzen laguntzeagatik Hendaian atxilotutako zazpi ekintzaileak
Ipar Euskal Herriko zazpi ekintzaile deklaratzera deituta zeuden asteazken goizean, Hendaian, "talde antolatuan" migratzaileei muga pasatzen lagundu eta aterpea emateagatik. Deklarazioa hartu ondoren, epaileak behin-behinean 24 orduko atxiloaldia ezarri die, baina arratsaldeko lehen orduan aske utzi dituzte.
Deitutakoak 08:45ean agertu dira Hendaiako komisariaren aurrean, babesa adierazi dieten eragile askoren ordezkariek lagunduta, eta banan-banan sartu dira komisariara. Orduan, baina, poliziek jakinarazi diete atxiloaldian daudela. Atxilotuak sei orduz zaintzapean izan dituzte eta, isilik egoteko eskubidea erabili dute denbora horretan.
Aske utzi badituzte ere, 2025eko urtarrilaren 28an auzitegira joateko deitu dituzte.
Zazpi ekintzaileak oso ezagunak dira. Tartean dira LAB sindikatuko bi kide, Eñaut Aramendi eta Argitxu Dufau. Sindikatuko koordinatzaile nagusi Igor Arroyok Irungo mugan migratzaileei ematen zaien laguntza defendatu du. "Guk esan nahi duguna da kide hauek egindakoak LAB sindikatu osoak babesten dituela. Langile migratuei laguntza ematea klase elkartasuna praktikan jartzea da", adierazi du Arroyok.
"Euskal Herria, harrera herria" lelopean, hirurehun lagunen baino gehiagoren babesa izan dute polizia etxera iritsi direnean, horien artean, Fermin Muruguzarena, Bidasoa 2018-2023 dokumentalaren zuzendariarena. Abeslari irundarrak "oso larritzat" jo du gertatutakoa.
Ekintzaileetako bi atxilotu zituzten aurretik ere, autoan pertsona migratzaileak eramateagatik.
Atxilotuei leporatzen zaizkien gertakarien artean, joan den martxoan Korrikaren lehendabiziko egunean egindako desobedientzia ekintza egon daiteke. Euskararen aldeko lasterketa 36 pertsona migratzaileri muga zeharkatzen laguntzeko baliatu zutela jakinarazi zuten hainbat eragilek.
Zure interesekoa izan daiteke
Gizon bat atxilotuta Donostian emakume bati sexu-erasoa egitea leporatuta
Erasoa larunbat goizaldean izan ziren, Amarako etxebizitza batean, eta atxiloketa goiz horretan egin zuen Ertzaintzak. Atxilotua epailearen esku dago jada.
Artxandako tuneletako Deustuko tartea bihar irekiko dute berriro
Bizkaiko Foru Aldundiak estaldura, drainatze-sistemak, ebakuazio-galeriak, argiztapena eta gorabeherak detektatzeko sistema automatikoak hobetu ditu. Udazkenean, Salbeko zatiaren txanda izango da.
Gizon bat atxilotu dute Angelun 10 urteko alabari sexu-abusua egitea leporatuta
Erasoak ikasturte barruko oporretan jazo dira, neskatoa aitaren etxean zegoen bitartean. Epailearen aginduz, gizona espetxeratu egin dute, behin-behinean.
Zisterna-kamioiak ura Karrantzara eramaten hasi dira, hornidura bermatzeko
Astelehenetik ostiralera, egunero, 250 metro kubiko eramango ditu foru erakundeak Enkarterriko udalerriko hornidura bermatzen laguntzeko.
Migratzaileak Ceutan sartzea ekintza antolatua izan zen ala ez ikertzen ari da Auzitegi Nazionala
Maria Tardon epaileak aurretiazko eginbideak abiatu ditu, eta Polizia Nazionalari txostena egin dezala eskatu dio, uztailaren 30ean eta 31n Ceutara iritsitako migratzaile kopuru handiak erakunde kriminal batek hitzartutako edo zuzendutako jarduera izan ote zen argitzeko.
Babeslekurik eta janaririk gabe: migrazio-krisiak gainezka utzi du Ceutako migrazio-zentroa, eta GKEak ere gainditu egin ditu
Atzerritarrentzako Aldi Baterako Egonaldi Zentroa gainezka dago azken egunotan. Marokotik zein Saharaz hegoaldeko Afrikako herrialdeetatik —Sudanetik eta Txadetik, besteak beste— iritsitako ehunka migratzaile Trampolin hondartzan eta migrazioa-zentroaren kanpoaldean daude zain, tokirik ez dutelako. Bien bitartean, migrazio-presioak GKEak ere gainditu egin ditu. Haien lehentasuna iritsi zirenetik jan barik dauden migratzaileei janaria ematea da, eta, gainera, haien eskubideei buruzko informazioa ematen diete.
betiONek bere zerbitzua zabalduko du nahi ez den bakardadea detektatzeko eta 1.500 zaintzaileri laguntzeko
Telelaguntza-zerbitzu publikoak bakardade-arriskuan dauden erabiltzaileentzako plan pertsonalizatuak gehituko ditu, eta adineko edo mendeko senitartekoak etxean zaintzen dituztenentzako laguntza zabalduko du. Hortaz, uztailean iragarritako telelaguntza prediktibo eta aurreratuaren hedapena osatu egingo da.
Zer da 764 sarea, Gipuzkoako 10 ikastetxetan tiroketa-mehatxuak egin zituen erakunde kriminala
Ertzaintzak, Esquadra Mossoekin eta Guardia Zibilarekin batera, 17 urteko adingabe bat atxilotu du Gipuzkoan. Gazte hori Espainiako Estatuan erakunde transnazional horren erreferente nagusia da, eta gazte kalteberen sextortsio, mehatxu eta manipulazio delituengatik ikertzen ari dira.
Jaien hasiera dela eta, Gasteizko Andre Maria Zuriaren plazako landare-eskultura kendu dute
Urtero bezala, Andre Maria Zuriaren jaiak direla eta, Gasteizko Udalak aldi baterako kenduko du Andre Maria Zuriaren plazan dagoen landare-eskultura, jende gehien biltzen den ekitaldietan kaltetu ez dadin.
Kerman Villateren gurasoak, Gasteizko alkateari: "Hitzemandako barne-ikerketa abiatuko duzu orain?"
Radio Euskadiko erreportaje batek zabaldu duenez, Mitika diskotekako atezainek gutxienez lau gazteri eraso egin zieten Kerman Villate hil aurreko hilabeteetan. Kermanen gurasoek salatu dutenez, atezainek gutxienez 22 eraso egin dituzte; horietako 13, Gasteizko Udalak berak Arartekoari aitortuta.