Itotzeak
2024/08/21 - 19:38
25 urteko gazte bizkaitar bat hil da Burgosen, Ebro ibaiko bainu-gune batean itota
Ezbeharra astearte arratsaldean gertatu zen Valdenoceda udalerrian. Lekukoek ezin izan zioten gazteari lagundu, eta larrialdi-taldeek hilotza erreskatatu zuten.
2024/07/12 - 18:40
Lau pertsona migratzaile hil dira Mantxako kanala zeharkatu nahian ari zirenean
Ezbeharra Boulogne-sur-Mer herrian jazo da, Frantzia iparraldean. Larrialdi zerbitzuek 63 pertsona erreskatatu dituzte guztira.
2024/04/11 - 13:35
Bederatzi migratzaile hil dira eta 15 desagertuta daude Mediterraneo erdialdean izandako hondoratze batean
Zihoazen ontzia Italiako Lampedusa uhartetik 30 miliara hondoratu da. Italiako kostazainek adierazi dutenez, erreskate operazioetan laguntza eman diote Maltari, patruila bat bertara bidalita. 22 pertsona onik erreskatatzea eta 9 gorpu berreskuratzea lortu dute.
2024/04/08 - 14:57
90 hildakotik gora izan dira Mozambiken, ontzi bat hondoratuta
Dirudienez, arrantza ontzi bat zen eta ez zegoen prestatuta pertsonak garraiatzeko. Ustez, eskualdea astintzen ari den kolera agerralditik ihesi zihoazen biktimak.
2024/04/08 - 12:35
Gutxienez 94 pertsona hil dira Mozambikeko kostaldean ontzi bat hondoratuta
130 pertsona baino gehiago zeuden barruan, eta kolera agerralditik ihesi zihoazen. Bertako agintarien arabera, arrantza ontzi bat zen eta ez zegoen prestatuta pertsonak garraiatzeko.
2024/02/22 - 21:30
42 urteko zumaiar bat hilda aurkitu dute Getariako uretan
Gizona denboralearen biktima izan dela jakinarazi du Guardia Zibilak. San Prudentzio parean agertu da hilotza.
2024/02/13 - 08:57
Gizon baten hilotza topatu dute Santurtziko portuko uretan
Ertzaintzako eta Itsas Salbamenduko kideek 07:00etan atera dute gorpua uretatik.
2024/01/28 - 16:53
Gorpu bat aurkitu dute Bidasoko uretan, Irunen
Hilotza Santiagotarrak arraun taldearen egoitzaren inguruan agertu da, eta Guardia Zibilak hartu du gertatutakoa argitzeko ardura. Irungo Azken Portu auzoko 52 urteko gizonezko batena da gorpua.
2023/11/19 - 16:15
Bidasoa ibaian nahiz Mediterraneoan itota hildako eta desagertutako migratzaileak omendu dituzte Irunen
Omenaldian parte hartu duten herritarrek erantzukizuna eskatu diete erakundeei, eta migratzaileak eta errefuxiatuak itota hiltzera zigortzen dituzten "politika egoistak" salatu dituzte.
2023/09/30 - 19:21
Gizon bat hil da Armintzako hondartzatik gertu, haitzen inguruan
58 urteko gizonezko bat da hildakoa, eta sorosleek konorterik gabe atera dute uretatik. Larrialdi zerbitzuek gizonezkoaren heriotza baieztatu besterik ezin izan dute egin.
2023/08/23 - 15:58
90 urteko gizon bat hil da Mundakako hondartzan
Bermeoko bizilaguna zen. Hondartzan zeuden beste pertsona batzuek uretatik atera dute, baina ezin izan dute suspertu.
2023/08/13 - 12:58
Gizon bat itota hil da Gixunen, eta larri zauritutako beste bat erreskatatu dute Biarritzen
Iparraldeko kostaldea alerta egoeran dago, Lapurdiko hondartzetan bainulari bat baino gehiago eraman baitute korronte biziek.
2023/08/07 - 15:34
Gizonezko baten gorpua erreskatatu dute Bilboko itsasadarrean, Portugalete parean
Ingurutik paseoan zebilen herritar batek ikusi du goizean, eta abisua jasota, Gurutze Gorriak atera du uretatik. Ertzaintzak ikerketa zabaldu du heriotzaren nondik norakoak argitzeko.
2023/07/28 - 22:14
Poza de la Saleko igerileku batean hildako haur bizkaitarra talka termiko baten ondorioz hil zen, ez itota
Adingabea hidokuzioagatiko sinkope baten ondorioz hil zen, hau da, talka termiko baten eraginez; beraz, "inork ezingo zukeen ezer egin" bizitza salbatzeko, Guardia Zibilak azaldu duenez.
2023/07/20 - 13:32
9 urteko mutil bizkaitar bat hil da itota Burgosko Poza de la Sal herriko igerilekuan
Atzo izan zen ezbeharra, 19:30ak inguruan. Familiarekin oporrak igarotzera joana zen haurra Burgosko herri horretara. Bertako Udalak hiru dolu egun deitu ditu.
2023/07/09 - 20:06
8 urteko haur bat itota hil da Zaragozako Casetas auzoko udal igerilekuan
Igerilekua itxi dute, segurtasun arrazoiengatik, eta Guardia Zibilak ikerketa abiatu du gertakaria argitzeko.
2023/07/04 - 18:05
Minutu bateko isilunearekin oroitu dute Abadinon presa batean hildako haurra
Elkarretaratzean Senegaldik etorri berri den haurraren aitak ere egon da. Udalak babesa eskaini dio 10 urteko haurraren familiari.
2023/07/03 - 16:06
Abadiñok hiru dolu egun ezarri ditu Muntsaratzen hildako adingabeagatik
Udalak elkarretaratze isila deitu du astearte honetarako udaletxearen aurrean, minutu bateko isilunearekin. Halaber, biktimaren aita aberriratzeko gastuak bere gain hartuko dituela iragarri du.
2023/07/03 - 00:11
10 urteko haur bat ito da Abadiñon, presa batera erorita
Segurtasun Sailak jakinarazi duenez, istripua 20:00etan aldera gertatu da, Muntsarantz auzoan. Antza denez, umea ihes egiten ari zitzaion baloi bat hartzera joan da eta uretara erori da. Senegaldarra zen eta ez zekien igeri egiten.
2023/07/02 - 16:02
Bi pertsona hil dira itota azken orduetan Bizkaian, bat Muskizen eta bestea Alonsotegin
Batetik, 63 urteko gizon baten gorpua erreskatatu du Ertzaintzaren helikopteroak goizean Muskizko hondartzan, eta bestetik, beste gizon baten gorpua erreskatatu zuten atzo Alonsotegiko urtegian.