Bizkaia
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Gizonezko baten gorpua erreskatatu dute Bilboko itsasadarrean, Portugalete parean

Ingurutik paseoan zebilen herritar batek ikusi du goizean, eta abisua jasota, Gurutze Gorriak atera du uretatik. Ertzaintzak ikerketa zabaldu du heriotzaren nondik norakoak argitzeko.

Agentziak | EITB Media

Azken eguneratzea

Gurutze Gorriko ontzi batek Bilboko itsasadarrean ur gainean zegoen gizonezko baten gorpua erreskatatu du gaur, Portugalete parean (Bizkaia), Segurtasun Sailak jakinarazi duenez.

Ingurutik paseoan zegoen herritar batek 11:23an ikusi du hilotza, eta berak eman die abisua larrialdietarako zerbitzuei.  

Gertu, Arriluzen (Getxo), zegoen ontzi bat bertaratu da, gorpua uretatik atera eta Portugaleteko kaira eramatera. Bertan, Ertzaintzaren agenteek bere gain hartu dute haren ardura, eta epaileak gorpua altxatzeko agindua emandakoan, Auzitegiko Patologia Zerbitzura eraman dute, autopsia egitera. 

Ertzaintzak ikerketa abiatu du heriotza horren inguruan argitu beharreko guztiak argitze aldera.

Gizartea Bizkaia Bilboko Itsasadarra Portugalete Eguneko Titularrak Itotzeak

Zure interesekoa izan daiteke

Gehiago ikusi
Publizitatea
X