9 urteko mutil bizkaitar bat hil da itota Burgosko Poza de la Sal herriko igerilekuan
Bizkaiko 9 urteko mutil bat hil da itota Burgoseko Poza de la Sal herriko udal igerilekuetan. Familiarekin uda igarotzera joana zen herri horretara.
Gaztela eta Leongo larrialdietarako zerbitzuek jakitera eman dutenez, 19:30ak inguruan gertatu zen ezbeharra. Sorosle bat konturatu zen, antza, haurra uretan konorterik gabe zegoela. Berehala atera zuen, eta Sacyl Larrialdietarako Zerbitzuetako osasun-langileekin batera suspertzen ahalegindu baziren ere, ez zuten lortu. Bertan hil zen.
Heriotza zerk eragin zuen argitzeko, Burgosko Medikuntza Auzitegira eraman dute gorpua, eta gaur jakingo da zer dioen forentsearen txostenak. Bien bitartean, Guardia Zibilak ikerketa zabaldu du.
Bilbotik 129 kilometrora dagoen herria da Poza de la Sal. 300 bat biztanle dituen herri txikia da, eta bertan bigarren bizilekua dute bizkaitar askok.
Hiru dolu egun
Ezbeharraren aurrean, hiru dolu egun deitu ditu Poza de Saleko Udalak, eta bertan behera utzi ditu astebururako antolatuta zituzten ekitaldiak. Domingo Nuñez bertako alkateak azaldu duenez, haurraren familia oso ezaguna da herrian, bertan igarotzen baitituzte oporrak aspalditik.
Gertatutakoaz galdetuta, alkateak esan du sorosleak umea uretatik atera zuenean, igerilekuan une horretan arratsaldea igarotzen zeuden bi erizainek eta udaltzain batek lagundu ziotela. "Ordu eta erdiz saiatu ziren haurra suspertzen. Desfibriladorea ere erabili zuten, baina ez zuten lortu haurra salbatzea", gehitu du.
Herria "oso hunkituta" dagoela ere adierazi du Nuñezek, biktimaren familia "oso maitatua" baita bertan. "Orain, egin dezakegun bakarra gurasoei laguntzea da", esan du.
Zure interesekoa izan daiteke
Elkarbizitza arazoak bainularien eta erabiltzaileen artean Euskal Herriko portuetan
Uretara salto egitea ohikoa da Euskal Herriko portuetan, debekatuta dagoen arren. Hori dela eta, bizikidetza-arazoak sortzen ari dira. Zenbait portutan jokabide arriskutsuak ikusten dira eta kalteak izan dira ontzietan. Eusko Jaurlaritzak egoeraren larritasunaz ohartarazi du, eta 2.000 eta 12.000 euro arteko isunak ezar daitezkeela gogoratu du.
Euri eskasiak hilabete eta erdi aurreratu du transhumantzia Nafarroan
Pirinioetatik Bardearako bidean, Enrique Ballent artzain transhumantearekin izan gara. 1.800 buruko artaldea gidatuko du, bazka bila. Izan ere, klima aldaketaren kontraesanak tarteko, jateko gehiago dago basamortuan goi mendietan baino.
Oiartzunen ustez pistolarekin egindako hiru lapurreten egilea atxilotu dute Hondarribian
23 urteko gaztea espetxeratu egin dute. Lapurretetan erabilitako arma fogeo-pistola bat zela egiaztatu dute.
Gizon bat atxilotu dute Getxon, kalean emakume bati sexu erasoa egiten harrapatu ostean
Erasoa 05:00etan jazo da, Algorta auzoan, San Inazio jaietan. 19 urteko biktima Gurutzetako Ospitalera eraman dute. Algortako Mugimendu Feministak eraso matxista salatzeko bilkura egin du igande arratsaldean.
Auroroek Andre Maria Zuriaren jaien etorrera iragarri dute
Urtero bezala, Gasteizko hirigunea eta Alde Zaharra zeharkatu dituzte zaindariaren omenezko kantuekin, jai-giroari hasiera emanez.
Testigantza berriek agerian utzi dituzte Mitikako zaindariek Kerman Villate hil aurretik behin eta berriz egindako erasoak
Gasteizko diskoteka horretako segurtasun-langileek Kerman hil aurreko hilabeteetan egindako eraso jakin batzuen berri eman dute lau gaztek Radio Euskadin, esklusiban, erreportaje batean. Kasu guztiak Ertzaintzaren aurrean salatu zituzten.
Bizkaiko Aldundiak zisterna kamioiak eramango ditu Karrantzara ur hornidura bermatzeko
Astelehenetik ostiralera, 250 metro kubiko garraiatuko ditu egunero foru erakundeak Enkarterriko udalerriko hornidura bermatzen laguntzeko.
17 urteko gizonezko bat atxilotu dute Gipuzkoan, adingabeak estortsionatzen zituen 764 Sarearen Espainiako buruzagitzat jota
Ertzaintzak, Esquadra Mossoek eta Guardia Zibilak elkarlanean egindako operazioan atxilotu dute, 2026ko urtarrila eta apirila bitartean ikastetxeen, udalen eta beste erakunde batzuen aurkako mehatxu ugari bidali izana egotzita.
Ikuskizunetako teknikariek abuztuaren 5erako deitutako grebarekin bat egingo dute Gasteizko txosnek
45 ikuskizun izango dira txosnetan, eta, horrez gain, beste hamaika proposamen kolektibo ezberdinen eskutik. Dozenaka kolektibok eta ehunka boluntariok dihardute egunotan auzolanean txosna gunea egokitzen. Testuinguru horretan, ikuskizunetako eta ekitaldietako teknikariek abuztuaren 5erako deitutako greba egunarekin bat egingo dute.
Motor gidari bat hil da Lezon izandako trafiko istripu batean
Istripua GI-3440 errepidean gertatu da, Lezon, 18.00ak aldera. Osasun arloko langileak bertaratu dira, baina ezin izan dute suspertu, eta hil egin da. Istripuaren ondorioz, zirkulazioa eten egin behar izan dute bi noranzkoetan. Gertatutakoaren nondik norakoak ikertzen ari dira.