Covid-19aren aldaera berriak

2022/05/14 - 16:56

Egunean 170.000 kutsatu zenbatuta, inoizko krisirik handiena bizi dute Ipar Korean

Ipar Korean, Kim Jong-un Ipar Korean, Kim Jong-un presidenteak aitortu du herrialdea sortu zenetik bizi izan duten kalbariorikaitortu du herrialdea sortu zenetik bizi izan duten kalbariorik handiena covidaren krisia dela. Hori bai, ez du covidik aipatu, eta jatorri ezezaguneko sukarraz hitz egin du.

2022/05/10 - 16:36

Garamendik positibo eman du covid-19an

Gobernantza Publiko eta Autogobernuko sailburuak bertan behera utzi du agenda publikoa egun batzuetarako, badaezpada ere eta erantzukizunez jokatze aldera, kutsatzeak eragozteko. Javier Hurtado Turismo, Merkataritza eta Kontsumo sailburuak ere koronabirusa zuela iragari zuen igandean.

2022/05/09 - 14:37

21 pertsona hil dira Euskadin covid-19ak jota, eta intzidentzia 500 kasutik gorakoa da

Aurreko astean baino lau pertsona gehiago hil dira eta intzidentzia metatua 541 kasuraino igo da. Ospitaleetako presioa aurreko astekoaren antzekoa da: 324 gaixo daude gela arruntetan eta zortzi zainketa intentsiboetako unitateetan.

2022/05/09 - 13:17

Istiluak Shanghain, agintariek ezarritako berrogeialdiaren aurka

Txinak "zero covid" politikarekin jarraitzen du, eta birusaren hedapena geldiarazten saiatzeko neurri zorrotzekin. Herritarren ezinegona gero eta nabarmenagoa da. Shanghain, auzokide talde batek neurriak betetzen direla zaintzen duten funtzionarioen aurka egin du.

2022/05/09 - 11:13

Felix Zubia: "Transmisioa eteteko eraginkorragoak liratekeen txerto berriak espero dira udazkenerako"

Txinan 2019 amaieran sortu zen birusean oinarritu ziren lehen txertoak, eta, geroztik, hainbat aldaera sortu dira. Zubiak azaldu duenez, eraginkorrak izaten jarraitzen dute gaixotasun larria eragozteko baina ez dira jada hain eraginkorrak transmisioari aurre egiteko, eta hori alda dezakete berriek.

2022/05/08 - 16:39

Beijingen 20 milioi biztanlek egin dute testa, eta kutsatuak 400 inguru dira, oraingoz

Koronabirusaren aurkako neurriak gero eta zorrotzagoak dira Txinan; agintarien helburua 0 koronabirus kasu egotea da. Shangain, itxialdian jarraitzen dute duela hilabete baino lehenagotik. Beijingen, berriz, antzekorik ez gertatzeko, astean 3 test egitera behartu dituzte biztanleak.

2022/05/05 - 21:42

Hidrogel desinfektatzaileen eskaria ez da guztiz desagertu, pandemiaren hasieran goia jo eta gero

Hidrogelen eta gainazalen produktu desinfektatzaileak ekoizten dituzten enpresesetan pandemiaren hasierak salmenten hazkunde ikaragarria ekarri zuen. Orain, baina, berriz ere eskarien beherakadari egokitzen ari dira.

2022/05/04 - 21:09

Aurrerantzean ez da burbuila-talderik izango Nafarroako ikastetxeetan

Nafarroako Gobernuak iragarri duenez, ikasleak berriz ere batera egongo ahalko dira ikastetxeko eremu guztietan, jantokian izan ezik.

2022/05/04 - 16:00

Lehendakariak positibo eman du covid-19an

Sintoma arinak dituen arren, lehendakariari antigeno-proba egin diote gaur eguerdian, eta positibo eman du, Lehendakaritzatik jakinarazi dutenez. Aste honetako agenda publikoa bertan behera utzi du.

2022/05/04 - 14:42

Beijingen dozenaka metro geltoki itxi dituzte eta autobus zerbitzua eten dute pandemiagatik

Azken egunean 51 kasu berri baieztatu badira ere (kopuru nahiko txikia, 20 milioi test inguru egin direla kontuan hartuta), garraio-ibilbide asko itxita daude, joan-etorriak mugatzeko eta kutsatze handiagoak saihesteko ahaleginean.

2022/05/02 - 17:29

Ekainaren erdialderako kenduko dituzte Donostian "covid terrazak"

Araua malgutu zuten establezimendu guztiek trantsizio-aldi bat izango dute. Era berean, Udalak etorkizunean udal-ordenantzan egin daitezkeen aldaketak aztertzeko borondatea adierazi du.

2022/05/02 - 16:56

"Covid terrazak" mantenduko dituzte Gasteizen

Iruñean ere sanferminak bitarte eutsi diote baimenari, eta Bilbon eta Donostian, aldiz, bertan behera uztea erabaki dute. Gainera, ordenantza berri bat onartu du Udalak, mahaitxo iraunkorrak jartzeko.

2022/05/02 - 14:52

328 gaixo daude EAEko ospitaleetan covid-19arekin, otsailaren 20tik izandako daturik altuena

Intzidentzia metatua 176 puntu igo da Euskadin 60 urtetik gorakoen artean, eta 17 pertsona hil dira, aurreko astean baino zortzi gutxiago. Hala ere, kutsatzeek ez dute etenik eta ia adierazle guztiek gora egin dute.

2022/05/02 - 12:21

Sagardui: "Positiboak igo egin dira azken egunotan, 900 bat daude berriro, baina ez dira horren larriak"

Osasun sailburuaren ustez, oraindik ezin da koronabirusaren "gripalizazioaz" hitz egin. "Ez dugu nahikoa ezagutzen birus hau. Gripearekin urte asko daramatzagu, koronabirusaren jarrera estandarizatu hori ez dago", azpimarratu du.

2022/05/02 - 11:12

Zeelanda Berriak 60 herrialdetako turista txertatuei zabaldu dizkie mugak

Zeelanda Berriak pandemiari aurre egiteko munduko politika zorrotzenetako bat aplikatu zuen. Orain mugak ireki dizkie covid-19aren aurkako txertoa hartu duten turistei.

2022/04/30 - 21:41

Zer gertatuko da hiriburuetako "covid terrazekin" hemendik aurrera?

Gauerdian desagertuko dira pandemia garaian onartutako terrazak Bilbon. Donostian, bilera egingo dute astelehenean, erretiratzeko egutegia adosteko. Iruñean, dauden bezala mantenduko dira sanferminak arte eta Gasteizen orain arte bezala jarraituko dute.

2022/04/30 - 17:22

Bilboko ostalariek gauerdirako covid terrazak kendu beharko dituzte

Bilboko 333 behin-behineko terrazek azken orduak dituzte, izan ere, maiatzaren hasierarako kenduta egon behar dira. Denbora honetan jatetxe eta taberna askok bizirauteko balio izan dute horrelako terrazek, eta horregatik, ostalariek ez dute albistea pozik jaso.

2022/04/30 - 13:47

"Zero covid" estrategiadun herrialdeetako biztanleen buru osasuna hobea izan da, "The Lancet"en arabera

Egileek uste dute neurri goiztiarrak eta espezifikoak ezartzeak, nazioarteko bidaiak murrizteak eta kontaktuak arakatzeak, adibidez, heriotzak murriztu ditzakeela, birusaren hedapena geldiarazteko neurri sozial murriztaileagoak ezarri gabe.

2022/04/29 - 20:19

Test masiboetan 200 kasu agertuta, lasaitasuna berreskuratu du Beijingek

Txinak ezarri duen covid zero politika arazoak sortzen ari da Beijing eta Shanghai bezalako hiri jendetsuetan. Neurriak muturrekoak dira eta, hala ere, kasuak zenbatzen jarraitzen dute.

2022/04/29 - 16:10

Pandemian jarritako terrazak "arrazoizkoa den epean", uda baino lehen, kendu nahi ditu Donostiako Udalak

Ostalariek, ordea, udara amaiera arte eutsi nahi diote. Eneko Goia alkatearen irudiko, "indarrean dagoen ordenantza ez betetzeko arrazoi bakarra salbuespen egoera da".