Sagardui: "Positiboak igo egin dira azken egunotan, 900 bat daude berriro, baina ez dira horren larriak"
Gotzone Sagardui Eusko Jaurlaritzako Osasun sailburuak jakinarazi duenez, koronabirus kasuak "igo egin dira azken egunotan, 900 bat daude berriro, baina ez dira horren larriak. Dena den, badakigu gero eta kasu gehiago, arrisku gehiago dagoela".
Osasun sailburuak "zuhurtzia" eskatu du beste behin ETB1eko "Egun On Euskadi" saioan egin dioten elkarrizketan; izan ere, horren ustez, oraindik ezin da koronabirusaren "gripalizazioaz" hitz egin: "Ez dugu nahikoa ezagutzen birus hau. Gripearekin urte asko daramatzagu, koronabirusaren jarrera estandarizatu hori ez dago".
Gaur kaleratuko du Osasun Sailak asteko buletina; hildako kopuruaz galdetuta, daturik ez du aurreratu Sagarduik, baina aurreko astekoak aipatuta —25 pertsona hil ziren koronabirusak jota— "gaixotasun bakar batengatik asko" direla aitortu du. "Normalean ahulen daudenen artean ematen dira, baina kasuak badaude osasun onez egonda konplikatzen direnak. Inork ez dezala pentsatu: Niri ez zait tokatuko eta ez naiz txarto egongo".
Gripea hizpide, Osasun sailburuak aitortu du kasuak igo egin direla, "babesa kendu dugulako". Azaldu duenez, "maskara kendu dugu, oporraldi batetik heldu berri gara, eta lasaitasun gehiagoz jokatu dugu. Horrela kutsatzen gara gehiago". Nolanahi ere, zehaztu du gripe kasu gutxiago izan ditugula aurten beste urteekin alderatuta.
Osakidetzako Lehen Arretan aurrez aurreko arreta berreskuratzeko prozesua "gizartea bera normaltasunera doan heinean" gauzatuko dela argitu du. Sagarduiren ustez, pandemiarekin "ohitura berriak" sortu dira, eta batzuek presentzialtasuna baino "telefonoz artatuak izatea nahiago dute", eta beste hainbatek "aurrez aurrekoa nahi edo behar dute". "Zerbitzua zelan eman nahi dugun eduki behar dugu argi. Zertarako behar dugu medikua? Zergatik ez erizainarekin edo administrazioko langile batekin? Agian beste profesional batek eman ahal digu zerbitzua denbora laburragoan. Lehen Arretan talde lana dago", azpimarratu du.
Azkenik, esan du EAEn ez dutela umeei eragiten dien hepatitis aldaera berriaren kasurik atzeman. Sagarduiren esanetan, 6-7 urtera arteko haurrengan atzeman dute, eta batez ere haurtxoetan.
Zure interesekoa izan daiteke
15 urte martxan daramatzan Iraetako Trena elkarteak tren txikien X. topaketa egin du gaur
Bost hazbeteko, edo bestela esanda, 12 zentimetroko errailetan ibiltzen diren trenak jarri dituzte. Batzuek ikatzez ondo hornitu dituzte eta besteek ezustekoei aurre egin behar izan diete.
Eusko Jaurlaritzaren "kriminalizazio kanpaina" eta Ertzaintzaren "basakeria" salatu dute milaka pertsonak Bilbon
Milaka lagun eta gizarte eragile, Global Sumud Euskal Herriako kideak tartean, bildu dira arratsaldean Bilbon, "Poliziaren zigorgabetasunaren eta errepresioaren aurka" protesta egiteko. Eusko Jaurlaritzak "herri mugimenduaren aurka egindako kriminalizazio kanpaina" eta "Ertzaintzaren basakeria" salatu nahi izan dute, eta EAJk "protestarako eskubidea bere interesekoa denera mugatzen duela" ohartarazi dute.
Ia 48.000 pertsonak hartu dute parte Osakidetzako EPEaren bigarren egunean, eta beste 43.000ren txanda izango da igandean
Ostiralean hasi eta igandera bitartean, bederatzi kategoria profesionaletako aztekerketak ari dira egiten BECen. 101.000 hautagai dira orotara, 3.764 lanpostu betetzeko.
56 urteko emakume baten bila ari dira Gasteizen
Emakumeak % 80ko desgaitasuna du, 1,35 metro luze da, azal argia du eta betaurrekoak daramatza. Andaluzia kalean ikusi dute azkenekoz larunbat honetan.
Hainbat pertsona artatu dituzte Gasteizko lantegi abandonatu batean izandako sutean kea arnasteagatik
Sua 10:30 inguruan piztu da, URSSA fabrikaren eraikin zaharrean, eta suhiltzaileak, Ertzaintzako agenteak eta osasun-langileak bertaratu dira. 44 urteko emakume bat atxilotu dute ustez sutea eragin duelakoan.
Bardeako Ferial urtegiaren ondoan piztutako baso-sutea kontrolpean hartu dute
Dispositibo berezi batek sua geldiarazi du, baina 4-5 hektarea zuhaizti kiskali dira. Bero handieneko denboraldiaren hasieran arreta handiz ibiltzeko eskatu dute agintariek.
Gizon bat atxilotu dute Barakaldon, Poliziarengandik ihesi zihoala bost ibilgailurekin talka egin eta zortzi pertsona zauritu ostean
Polizia iturrien arabera, agenteak berarengana hurbildu ziren, ustez estupefazienteak kontsumitu ostean kotxea gidatzera zihoalako.
Epaileak aske utzi ditu Hezbollahrekin zerikusia dutelakoan Bizkaian atxilotutako bi lagunak
Pasaportea kendu diete eta 15 egunean behin epaitegian agertu beharko dute. Bi gazteak "inperialismo genozida salatzearen aurkako kanpaina bat" salatu duen Iranekin bat plataformako kideak dira.
Emakume bat hil da Tuteran izandako auto istripu batean
Ezbeharra NA-134 errepidean gertatu da, ostiral arratsaldean. Emakumeak zeraman autoak kamioi bat jo du aurrez aurre.
Osakidetzak gezurtatu egin du igandeko erizaintzako proba beroagatik bertan behera geratu dela
Osasun Sailak zehaztu du proba aurreikusita zegoen bezala egingo dutela, eta gogorarazi du Osakidetzak bere kanal ofizialen bidez ematen duela balizko aldaketen berri.