Korrika 2026
Ikusi nola hasi den 24. Korrika, eta nola kontatu duten EITBk eta euskal hedabideek elkarlanean egin duten saio berezian
2022/04/06 - 23:05
Lekukoa eskuan eta ilusioz beteta egin du EITBk 1.569. kilometroa
EITBk ere parte hartu du Korrikan. Aurpegi eta ahots ezagunek ez dute huts egin, eta euskararen aldeko apustu garbia eginez, tipi-tapa egin dute 1.569. kilometroa.
2022/04/06 - 22:59
Korrika Bilbora iritsi da!
Korrikak hartu du hiria zazpigarren egunean. Gogo biziz, jendetzarekin, Bizkaiko hiriburuan barrena ibili da lekukoa.
2022/04/06 - 22:25
EITBk bat egin du Korrikarekin
EITBk ere parte hartu du gaur Korrikan. Ez bakarrik emankizunak eta informazioa ematen, baizik eta kilometroak egiten. EITBko aurpegi eta ahots ezagunek eraman dute lekukoa gaur Bilbon.
2022/04/06 - 16:53
Araba zeharkatu ostean, Bizkaian da Korrika Bilborako bidean
Arratsaldean, Arratia eta Txorierri igarota, 19:30ak inguruan Bilboko kaleak zeharkatuko ditu Korrikak. Bost orduko ibildea egingo du Korrikak Bilboko kaleetan, guztira 81 kilometro.
2022/04/06 - 15:56
Korrika Bizkaiko errepideetan barrena dabil berriro
Korrika Bizkaira itzuli da zazpigarren egunean. Gaur goizaldean Trebiñun izan da, eta baita Añana eta Gorbeiako koadriletan ere. Eguerdian Zeanuritik sartu da Bizkaira, eta gaur arratsaldean Bilbora iritsiko da.
2022/04/06 - 11:54
Arabako suhiltzaileen garabi handi batek ongietorria eman dio Korrikari
Gaur goizaldean Kanpezuko suhiltzaileek bat egin dute Korrikarekin. Euren kilometroa korritzeaz gain, kamioien sirenak martxan jarri dituzte Korrikari babesa emateko (Irudiak: @BomberosAraba).
2022/04/06 - 10:53
Harrera beroa jaso du Korrikak Trebiñun
Atzo Nafarroa aldean ibili ondoren, goizaldean sartu da Araban. Trebiñu igaro ostean une honetan Murgiara bidean da. Arratsaldeko 19:30ean iritsiko da Bilbora.
2022/04/06 - 00:41
Korrika Lizarrako kaleetan barrena
21:15 aldera iritsi dira Lizarrara. Korrika Iratxetik, Murietatik, Ancinetik eta Acedotik ere igaroko da eguna amaitu aurretik. Gauerditik aurrera lasterketa Arabara itzuliko da.
2022/04/05 - 16:50
Korrikak Nafarroa atzean utziko du gauean, eta Araban sartuko da goizaldean
Iparraldetik bueltan, Korrikak berriro ere Nafarroan barrena dihardu. Eguzkia bai, baina hotza ere izan dute gaurko lasterkariek.
2022/04/05 - 12:25
Korrika Ultzama bailarako errepideetan
Hotza egin arren, dozenaka lagunek egin dute bat Korrikarekin Ultzama bailaran. Euskararen aldeko lasterketak Nafarroa zeharkatuko du gauerdira arte.
2022/04/05 - 10:44
Baztandik barrena sartu da Korrika berriro Nafarroan
Ibilbidearen 6. egunean sartu da Korrika. Azken orduak Ipar Euskal Herrian eman ditu eta orain berriro Nafarroan da, Arabako Errioxara bidean.
2022/04/05 - 09:46
Bidearen erdia egin du Korrikak: 1.287 kilometro
Baztan, Ultzama, Lekunberri eta Estellerria igarota, gauerditik aurrera, Arabara itzuliko da Korrika.
2022/04/05 - 01:01
Korrika Maulen
Korrikak etenik gabe jarraitzen du bosgarren egunean. Donibane Garazi eta Zuberoa igaro ondoren, Maulera heldu da 21:30ak aldera.
2022/04/04 - 22:49
Korrika Ipar Euskal Herrira iritsi da
Arratsaldeko 4retan, Arnegitik sartu da Korrika Nafarroa Beherean. Ipar Euskal Herriko lehen kilometroan Euskal Elkargoko kideek hartu dute lekukoa. 8 bat kilometro egin ondoren, Donibane Garazira iritsi da. Aurten, lehenengo aldiz, Donibane Garaziko Udalak korrikan parte hartu du.
2022/04/04 - 20:19
Korrikak Donibane Garazi zeharkatu du bosgarren egunean
Bosgarren egunez jarraitzen du Korrikak gelditu gabe. 17: 00ak aldera Donibane Garazira heldu da Korrika, eta orain Zuberoara bidean da.
2022/04/04 - 16:49
Korrika, Pirinioak zeharkatuz, Ipar Euskal Herrira bidean da
Arratsaldeko 16:00tan Nafarroa Beherean sartuko da Korrika Arnegitik. Segidan Donibane Garazi zeharkatuko du, Zuberoa aldera egin aurretik.
2022/04/04 - 12:24
Otsagabian ere babes zabala jaso du Korrikak
Goizeko 09:00ak inguruan iritsi da Korrika Otsagabiara. Dozenaka lagunek egin diote ongietorria eta herriko kaleak giro ederrean zeharkatu dituzte.
2022/04/04 - 11:57
Pirinioen magalean kilometroak egin ditu lekukoak
Lazatik Itzaltzurako bidea egin duten korrikalariek elurrari eta hotzari egin behar izan diote aurre gaur goizean.
2022/04/04 - 11:19
Azken orduak ditu Korrikak Nafarroan
Zangozan eman dio Korrikak hasiera bosgarren egunari. Arangoiti ikastolako haurrek zeharkatu dituzte goizeko ordubata inguruan bertako kaleak. Erronkari bailara zeharkatu ondoren sartuko da Korrika Iparraldean.
2022/04/04 - 08:35
Korrika, Nafarroa Beherean eta Zuberoan barrena
Donibane Garazin adierazpen bat aurkeztu dute, euskara doan ikasteko eskubidea aldarrikatuz. Gauean Mauletik eta Donapaleutik igaro ostean, Nafarroa iparraldera bueltatuko da Korrika.